Deepika.com Nri News :യൂറോപ്പ് ഭക്ഷ്യപ്രതിസന്ധിയിലേയ്ക്ക്.......

Europe

യൂറോപ്പ് ഭക്ഷ്യപ്രതിസന്ധിയിലേയ്ക്ക്

Back To NRI Home Forward This News Click here for detailed news of all items

ബെര്‍ലിന്‍: റഷ്യയുടെ യുക്രെയ്ന്‍ അധിനിവേശത്തെത്തുടര്‍ന്ന് ആഗോളതലത്തില്‍ ഉടലെടുത്ത സാഹചര്യങ്ങള്‍ കൂടുതല്‍ ഗുരുതരമാവുകയാണ്. ലോകത്ത് അഞ്ചിലൊരാള്‍ ദാരിദ്യ്രത്തിലേക്കും പട്ടിണിയിലേക്കും പതിക്കാന്‍ ഇതിടയാക്കുമെന്നാണ് ഐക്യരാഷ്ട്ര സഭയുടെ വിലയിരുത്തല്‍.

യുക്രെയ്ന്‍ പ്രതിസന്ധിയുടെ പശ്ചാത്തലത്തില്‍ ആഗോള ഭക്ഷ്യസുരക്ഷ ഉറപ്പാക്കാന്‍ അടിയന്തര നടപടി വേണമെന്ന് അന്താരാഷ്ട്ര നാണയ നിധി, ലോകബാങ്ക്, ലോക ഭക്ഷ്യപദ്ധതി, ലോക വ്യാപാരസംഘടന എന്നിവ സംയുക്തമായി ആവശ്യപ്പെട്ടിരുന്നു.ആഗോള ഭക്ഷ്യവില കുതിച്ചുയരുമ്പോള്‍, യൂറോപ്യന്‍ യൂണിയന്‍ ഭക്ഷ്യക്ഷാമത്തിലേയ്ക്ക് നടന്നടുക്കുകയാണ്. യൂറോപ്പിനുള്ളിലും ഭക്ഷ്യ വിതരണം ഉറപ്പാക്കാന്‍ ശ്രമിക്കുമ്പോള്‍ ഭക്ഷ്യസുരക്ഷ പെട്ടെന്നുള്ള ഭീഷണിയായേക്കില്ല.

‌യുക്രെയ്നിലെ യുദ്ധത്തെത്തുടര്‍ന്ന് പ്രഭാതഭക്ഷണ ധാന്യങ്ങളില്‍ ഉപയോഗിക്കുന്ന ധാന്യങ്ങളുടെ വില വര്‍ധിച്ചു.ഗോതമ്പ്, സസ്യ എണ്ണകള്‍, പഞ്ചസാര തുടങ്ങിയ സാധാരണ ഭക്ഷ്യ വസ്തുക്കളുടെ വില കുതിച്ചുയരുന്നതിനാല്‍ ലോകമെമ്പാടുമുള്ള കുടുംബങ്ങള്‍ ബുദ്ധിമുട്ടുകയാണ്.

കരിങ്കടല്‍ പ്രദേശം ഒരു ആഗോള ബ്രെഡ്ബാസ്കറ്റ് ആണ്.റഷ്യയും യുക്രെയ്നും ആഗോള ഗോതമ്പ് കയറ്റുമതിയുടെ 29%, ചോളം കയറ്റുമതിയുടെ 19%, സൂര്യകാന്തി എണ്ണ കയറ്റുമതിയുടെ 78% കൈകാര്യം ചെയ്യുന്നു. യുദ്ധം ഭക്ഷേ്യാല്‍പ്പാദനത്തെ തടസപ്പെടുത്തുകയും ഭക്ഷ്യ വിലകള്‍ വീണ്ടും വര്‍ധിപ്പിക്കുകയും ചെയ്തു. റഷ്യ ധാന്യ കയറ്റുമതി നിരോധിച്ചു, യുക്രെയ്നിന്‍റെ വിളവെടുപ്പ് അനിശ്ചിതത്വത്തിലാണ്.

ആഗോള ഭക്ഷ്യ വില സൂചിക ഈ വര്‍ഷം മാര്‍ച്ചില്‍ എക്കാലത്തെയും ഉയര്‍ന്ന നിരക്കിലെത്തിയതായി യുഎന്‍ ഫുഡ് ആന്‍ഡ് അഗ്രികള്‍ച്ചര്‍ ഓര്‍ഗനൈസേഷന്‍ (എഫ്എഒ) പറഞ്ഞു. 1990 ല്‍ എഫ്എഒ സ്ഥാപിതമായതിനുശേഷമുള്ള ഏറ്റവും ഉയര്‍ന്ന നിരക്കാണിത്.
യൂറോപ്യന്‍ യൂണിയനില്‍, ജനുവരിയില്‍ 3.5% വര്‍ധനവിനുശേഷം ഫെബ്രുവരിയില്‍ ഭക്ഷണം, മദ്യം, പുകയില എന്നിവയുടെ വില 4.1 ശതമാനത്തോളം വർധിച്ചു.

അതേസമയം, യൂറോപ്യന്‍ യൂണിയനിലേക്കുള്ള ധാന്യങ്ങളുടെ ഇറക്കുമതിയുടെ 36% ഉം എണ്ണക്കുരുക്കളുടെ 16% ഉം യുക്രെയ്നില്‍ നിന്നാണ്. അതാകട്ടെ, 2021 ല്‍ യുക്രെയ്നിലേക്ക് മൂന്നു ബില്യണ്‍ യൂറോയിലധികം കാര്‍ഷിക ഭക്ഷ്യ ഉല്‍പ്പന്നങ്ങള്‍ കയറ്റുമതി ചെയ്തു.
ഭക്ഷ്യവസ്തുക്കളുടെ വര്‍ധിച്ചുവരുന്ന ഡിമാന്‍ഡ് നേരിടാന്‍ ജര്‍മന്‍ ഫുഡ് ബാങ്കുകള്‍ പാടുപെടുകയാണ്. യുക്രെയ്നിലെ യുദ്ധവും ജീവിതച്ചെലവ് വര്‍ധിക്കുന്നതും ജര്‍മനിയിലെ ഫുഡ് ബാങ്കുകള്‍ അവയുടെ പരിധിയിലെത്തുന്നതിലേക്ക് നയിച്ചിരിക്കുകയാണ്.

ജര്‍മനിയില്‍ ഉടനീളം 960~ലധികം ഫുഡ് ബാങ്കുകളുണ്ട്, അവ മിച്ചഭക്ഷണം വീണ്ടെടുക്കുകയും സൂപ്പര്‍മാര്‍ക്കറ്റുകളില്‍ നിന്ന് സംഭാവനകള്‍ സംഘടിപ്പിക്കുകയും ആവശ്യമുള്ള ആളുകള്‍ക്ക് വിതരണം ചെയ്യുകയും ചെയ്യുന്നുണ്ട്. മാര്‍ച്ച് മുതല്‍, നാണയപെരുപ്പം നാല്‍പ്പത് വര്‍ഷത്തെ ഏറ്റവും ഉയര്‍ന്ന നിരക്കായ 7.3 ശതമാനത്തിലെത്തി. യുക്രെയ്നിൽ നിന്നു പലായനം ചെയ്ത കൂടുതല്‍ കുടുംബങ്ങളും സഹായത്തിനായി ഭക്ഷ്യ ബാങ്കുകളിലേക്ക് തിരിയുന്നു.

ജോസ് കുമ്പിളുവേലില്‍

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.

ഐഒസി യുകെ സംഘടിപ്പിക്കുന്ന പ്രചാരണ കാമ്പയിൻ ശനിയാഴ്ച; ഉദ്ഘാടകൻ എം. ലിജു.

ലണ്ടൻ: യുഡിഎഫ് സ്ഥാനാർഥികളുടെ പ്രചാരണാർഥം ഐഒസി യുകെ സംഘടിപ്പിക്കുന്ന മുഴുദിന പ്രചാരണ കാമ്പയിൻ "എ ഡേ ഫോർ ഇന്ത്യ' ശന

അയര്‍ലൻഡിലെ സത്ഗമയ വിഷു ആഘോഷം പ്രൗഢഗംഭീരമായി.

ഡബ്ലിൻ: വിഷുദിനത്തിൽ പരമ്പരാഗത രീതിയിൽ ഒട്ടുരുളിയിൽ ഒരുക്കിയ സമൃദ്ധിയേയും കണ്ണനാം ഉണ്ണിയേയും കൺനിറയെ കണ്ട്, കൈപ

ഗ്രീസില്‍ മഹാസമുദ്രം സമ്മേളനം നടന്നു.

ആഥന്‍സ്: മനുഷ്യപ്രവര്‍ത്തനങ്ങള്‍ മൂലമുണ്ടാകുന്ന നാശനഷ്ടങ്ങളില്‍ നിന്ന് ലോക സമുദ്രങ്ങളെ സംരക്ഷിക്കാന്‍ യൂറോപ്യന്‍

ബേസിംഗ്സ്റ്റോക്ക് നൈറ്റ് വിജിൽ "എഫാത്താ' വെള്ളിയാഴ്ച; ഫാ. ജോസഫ് കണ്ടത്തിപ്പറമ്പിൽ ശുശ്രൂഷകൾ നയിക്കും.

ബേസിംഗ് സ്റ്റോക്ക്: ഗ്രേറ്റ് ബ്രിട്ടൻ സീറോ മലബാർ രൂപതയുടെ കീഴിലുള്ള സെന്‍റ് അഗസ്റ്റിൻസ് പ്രൊപ്പോസ്ഡ് മിഷൻ ആതിഥേയത്വം വഹ