Deepika.com Nri News :ചില്ലയുടെ പ്രതിമാസ വായന-സംവാദ പരിപാടി പുനരാരംഭിച്ചു.......

Middle East & Gulf

ചില്ലയുടെ പ്രതിമാസ വായനസംവാദ പരിപാടി പുനരാരംഭിച്ചു

Back To NRI Home Forward This News Click here for detailed news of all items

റിയാദ് : കോവിഡ് കാലത്തെ ചെറിയ ഇടവേളക്കുശേഷം ചില്ല സർഗവേദിയുടെ പ്രതിമാസ വായനസംവാദ പരിപാടി പുനരാരംഭിച്ചു. കോവിഡിന്‍റെ തുടക്കക്കാലത്ത് നടത്തിയ ഓൺലൈൻ സംവാദങ്ങളുടെയും "എന്‍റെ വായന' എന്ന മാസികാ പരമ്പരയുടെയും തുടർച്ചയായി ഓൺലൈനിലാണ് ഏപ്രിൽ മാസത്തെ വായന അരങ്ങേറിയത്. തുടർന്നു വരുന്ന മാസങ്ങളിൽ പഴയതു പോലെ ഓഫ്‍ലൈനിലാണ് പരിപാടികൾ നടത്താൻ ഉദ്ദേശിക്കുന്നതെന്നു സംഘാടകർ അറിയിച്ചു.

നാം നേരിട്ടും അല്ലാതെയും അനുഭവിക്കുന്ന യുക്രെയ്ൻ യുദ്ധക്കെടുതികളുടെ പശ്ചാത്തലത്തിൽ, വൈക്കം മുഹമ്മദ് ബഷീർ എഴുതിയ വിഖ്യാതമായ ‘ശബ്ദങ്ങൾ’ എന്ന നോവലാണ് ഇത്തവണത്തെ വായനക്കും സംവാദത്തിനുമായി തിരഞ്ഞെടുത്തത്.

നോവലിന്‍റെ സംക്ഷിപ്ത വിവരണം ലീന കോടിയത്ത് അവതരിപ്പിച്ചു. ‘യുദ്ധമുഖങ്ങളിലെ മനുഷ്യർ’ എന്ന വിഷയത്തെ ആസ്പദമാക്കിയുള്ള സംവാദത്തിന് ഇഖ്ബാൽ കൊടുങ്ങല്ലൂർ തുടക്കം കുറിച്ചു. മിത്തുകളിൽ തുടങ്ങി ചരിത്രത്തിലൂടെയും വർത്തമാനകാല സംഭവങ്ങളിലൂടെയും കടന്നുപോയി യുദ്ധങ്ങളുടെ മനുഷ്യവിരുദ്ധതയും വ്യാകുലതകളും അദ്ദേഹം പങ്കുവച്ചു. യുദ്ധവും അതിന്‍റെ രാഷ്‌ടീയവും, യുദ്ധത്തിൽ ഇരകളാക്കപ്പെടുന്നവരുടെ ദൈന്യതയും പരിസ്ഥിതിയുടെ നാശവും പലായനത്തിലേക്ക് എറിയപ്പെടുന്ന നിസഹായരായ മനുഷ്യരുമെല്ലാം വായനാനുഭവത്തിലും സംവാദത്തിലും വിഷയമായി.

75 വർഷം മുന്പ് ബഷീർ എഴുതിയ ശബ്ദങ്ങൾ എന്ന നോവൽ ഉയർത്തുന്ന വിഷയങ്ങളുടെ കാലിക പ്രസക്തിയും ബഷീറിയൻ ജീവിത ദർശനത്തിന്‍റെ സവിശേഷതകളും ചർച്ചയായി.

അഡ്വ. ആർ.മുരളീധരൻ, മൂസ കൊമ്പൻ, ബീന, സീബ കൂവോട്, ബഷീർ കാഞ്ഞിരപ്പുഴ, ശ്രീകുമാർ വാസു, നസീർ, ഷാജഹാൻ തുടങ്ങിയവർ സംവാദത്തിൽ പങ്കാളികളായി. എം.ഫൈസൽ അവലോകനം നടത്തി. സി.എം.സുരേഷ് ലാൽ പരിപാടിയുടെ മോഡറേറ്റർ ആയിരുന്നു.

12 വർഷത്തെ കാത്തിരിപ്പ്; നിമിഷപ്രിയയെ കണ്ട് അമ്മ പ്രേമകുമാരി.

സന: യെമനില്‍ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന നിമിഷപ്രിയയെ നേരിട്ടു കണ്ട് അമ്മ പ്രേമകുമാരി.

ശുചികരണ പ്രവർത്തനങ്ങളിൽ പങ്കാളികളായി കൈരളി ഫുജൈറ.

ഫുജൈറ: ശക്തമായ മഴയെ തുടർന്ന് റോഡിലും താമസസ്ഥലങ്ങളിലും അടിഞ്ഞുകൂടിയ മണ്ണും മാലിന്യങ്ങളും നീക്കം ചെയ്യുന്നതിന് വേണ്ടി

അജ്പക് തോമസ് ചാണ്ടി മെമ്മോറിയൽ വോളിബോൾ ടൂർണമെന്‍റ് സംഘടിപ്പിക്കുന്നു.

കുവൈറ്റ് : ആലപ്പുഴ ജില്ലാ പ്രവാസി അസോസിയേഷൻ കുവൈറ്റും (അജ്പക്) കേരള സ്പോർട്സ് ആൻഡ് ആർട്സ് ക്ലബും (കെഎസ്എസി) സംയുക്തമായി

"റിയാദ് ജീനിയസ്": നിവ്യ സിംനേഷ് വിജയി.

റിയാദ് : ഗ്രാൻഡ് മാസ്റ്റർ ജിഎസ് പ്രദീപ് നയിച്ച "റിയാദ് ജീനിയസ് 2024’ ലെ വിജയി കണ്ണൂർ സ്വദേശിനി നിവ്യ സിംനേഷ്.

അപരർക്കു വേണ്ടി ശബ്ദമുയർത്താൻ കഴിയുന്നവർ വേണം തെരഞ്ഞെടുക്കപ്പെടാൻ: ജി.എസ്. പ്രദീപ്.

റിയാദ് : അപരർക്കു വേണ്ടി ശബ്ദമുയർത്താൻ കഴിയുന്നവർ വേണം തെരഞ്ഞെടുക്കപ്പെടാനെന്നും ജനാധിപത്യത്തിന്‍റേയും മതേതരത്വത