നാഷ്വിൽ: ലാനയുടെ രജതജൂബിലി ആഘോഷങ്ങളിലെ, സാഹിത്യോത്സവ പരന്പരയ്ക്ക്, സംസ്കൃത സർവകലാശാലാ പ്രോ വൈസ്ചാൻസിലർ ഡോ. കെ എസ് രവികുമാറിന്‍റെ പ്രഭാഷണത്തോടെ ഏപ്രിൽ 16 ശനിയാഴ്ച രാവിലെ 10ന് (സെൻട്രൽ സ്റ്റാൻഡേഡ് ടൈം) ആരംഭം കുറിക്കും. സമകാല മലയാള കഥ എന്ന വിഷയത്തിൽക്കുറിച്ചാണ് പ്രഭാഷണം. സാഹിത്യ സംവാദവുമുണ്ടാകും. സൂം ഐ ഡി: 87481654203
സാഹിത്യ നിരൂപകനും ഗ്രന്ഥകാരനുമായ ഡോ. കെ.എസ് രവികുമാർ 1983 മുതൽ പന്തളം, നിലമേൽ എൻ.എസ്.എസ് കോളേജുകളിലും തിരുവനന്തപുരം മഹത്മാഗാന്ധി കോളേജിലും അധ്യാപകനായിരുന്നു. 2010 മുതൽ കാലടി ശ്രീശങ്കരാചാര്യ സംസ്കൃതസർവ്വകലാശാലയിൽ മലയാളവിഭാഗം പ്രൊഫസറും വകുപ്പുമേധാവിയുമായി പ്രവർത്തിച്ചു. ഇപ്പോൾ സംസ്കൃത സർവകലാശാലയുടെ പ്രോ വൈസ്ചാൻസിലർ.
ചെറുകഥ വാക്കും വഴിയും, കഥയും ഭാവുകത്വപരിണാമവും, ആഖ്യാനത്തിന്‍റെ അടരുകൾ, കഥയുടെ കഥ, ആധുനികതയുടെ അപാവരണങ്ങൾ, കഥയുടെ വാർഷികവലയങ്ങൾ (സാഹിത്യനിരൂപണം), 100 വർഷം 100 കഥ (ആമുഖപഠനം), ജാതക കഥകൾ, ഹിതോപദേശ കഥകൾ (പുനരാഖ്യാനം) എന്നിവയാണ് കൃതികൾ. കടമ്മനിട്ടക്കവിത, ബഷീറിന്‍റെ നൂറ്റാണ്ട്, കെ. സരസ്വതിയമ്മയുടെ സന്പൂർണകൃതികൾ, നവോഥാനകഥകൾ, ആദ്യകാലകഥകൾ എന്നിവ എഡിറ്റുചെയ്തു. കേന്ദ്രസാഹിത്യ അക്കാദമിയുടെ ഭാരതീയ സാഹിത്യശിൽപികൾ പരന്പരയിൽ വിലാസിനി, തകഴി എന്നീ മോണോഗ്രാഫുകളും കേരള സർവകലാശാലയുടെ മലയാള സാഹിത്യനായക·ാർ പരന്പരയിൽ ന്ധകാരൂർ’ എന്ന പുസ്തകവും പുറത്തുവന്നു. കേന്ദ്രസാഹിത്യ അക്കാദമിയുടെ ജനറൽ കൗണ്‍സിലിലും മലയാളം ഉപദേശകസമിതിയിലും അംഗമായിരുന്നു. സാഹിത്യനിരൂപണത്തിനുള്ള കേരളസാഹിത്യ അക്കാദമി അവാർഡ്, അബുദാബി ശക്തി തായാട്ട് അവാർഡ്, ഡോ. സി.പി. മേനോൻ സ്മാരക പുരസ്കാരം, ടി.എം ചുമ്മാർ സ്മാരക സുവർണ്ണ കൈരളി പുരസ്കാരം,നരേന്ദ്രപ്രസാദ് സ്മാരക സാഹിത്യനിരൂപണ പുരസ്കാരം, ഫാ. ഏബ്രഹം വടക്കേൽ അവാർഡ് എന്നിവ ലഭിച്ചിട്ടുണ്ട്.
പി.ഡി. ജോർജ് നടവയൽ
|