ന്യൂയോർക്ക്: ഇന്ത്യൻ നഴ്സസ് അസോസിയേഷൻ ഓഫ് ന്യൂയോർക്ക് (INANY) 2022ലെ ആദ്യത്തെ ഹെൽത്ത് ഫെയർ ഒരുക്കുന്നു. ന്യൂയോർക്ക് സ്റ്റേറ്റ് സെനറ്റർ കെവിൻ തോമസിന്റെ സഹകരണത്തോടെ നോർത്ത്വെൽ ഹെൽത്തിന്‍റെ സ്റ്റോപ്പ് ദി ബ്ലേഡ് പ്രോഗ്രാം ആൻഡ് ഡ്രഗ് അഡിക്ഷൻ പ്രെവെൻഷൻ ടീം, മോലോയ് കോളേജ്, നോണ് പ്രോഫിറ്റ് ഓർഗൻ പ്രൊക്യുർ മെന്‍റ് സംഘടനയായ ലൈവ് ഓണ്‍ ന്യൂയോർക്ക്, മാരത്തോണ് ഫിസിക്കൽ തെറപ്പി, സ്റ്റോണി ബ്രുക് മാമ്മോഗ്രഫി എന്നിവയുടെ പങ്കാളിത്തത്തോടെ സാമൂഹിക ആരോഗ്യത്തെയും ക്ഷേമത്തെയും പ്രോൽസാഹിപ്പിക്കുക എന്ന ലക്ഷ്യത്തോടെ സംഘടിപ്പിക്കുന്ന ഈ ആരോഗ്യമേള ഏപ്രിൽ 30 ശനിയാഴ്ച ലോംഗ് ഐലൻഡ് കെന്നെടി മെമ്മോറിയൽ പാർക്കിൽ പത്തു മുതൽ രണ്ടു വരെ ആയിരിക്കും നടക്കുകയെന്ന് അസോസിയേഷൻ പ്രസിഡന്‍റ് ഡോ. അന്നാ ജോർജ് അറിയിച്ചു.
ആരോഗ്യക്ഷേമ വിദ്യാഭാസം, ബ്ലഡ് പ്രഷർ പരിശോധന, കൊളെസ്റ്റെറോൾഡയബെറ്റിസ് സ്ക്രീനിങ്, മാമ്മോഗ്രാം, അടിയന്തിര ഘട്ടങ്ങളിൽ അവശ്യം ആയ കാർഡിയോ പൾമൊണറി റിസസിറ്റേഷൻ പരിശീലനം, ഡ്രഗ് അഡിക്ഷൻ പ്രീവെൻഷൻ അവെയർനസ്‌സ്, ബ്ലീഡിംഗ് സ്റ്റോപ്പ് ചെയ്യുന്നതിനുള്ള പരിശീലനം മുതലായവയാണ് ആരോഗ്യമേളയിൽ ഉൾപ്പെടുത്തിയിട്ടുള്ളത്.
മാസ്ക്കുകൾ, ഹാൻഡ് സാനിറ്റൈസേഴ്സ്, അറ്റ് ഹോം കോവിഡ് ടെസ്റ്റ് കിറ്റുകൾ, ലഘുഭക്ഷണം, കൊച്ചു കൊച്ചു സമ്മാനങ്ങൾ എന്നിവ സ്ഥലത്തു വിതരണം ചെയ്യുന്നതായിരിക്കും.
വിവരങ്ങൾക്ക് ഡോ. അന്നാ ജോർജ് (646 732 6143), സെക്രട്ടറി ജെസ്‌സി ജെയിംസ് (516 603 2024), ട്രഷറർ ലൈസ്‌സി അലക്സ് (845 300 6339).
വിലാസം: 335 Greenwich Street, Hempstead, NY 11550.
പോൾ പനക്കൽ
|