അബുദാബി: ജോലി ആവിശ്യാർഥം വിദേശത്തെത്തിയ വടകര പാർലമെൻറ് പരിധിയിലും മാഹി പ്രദേശത്തുമുള്ള പ്രവാസികളുടെ കൂട്ടായ്മയായ വടകര എൻആർഐ ഫോറം അബുദാബി ചാപ്റ്റർ 2022 23 വർഷത്തേക്കുള്ള ഭാരവാഹികളെ തെരഞ്ഞെടുത്തു.
2002 പ്രവർത്തനം ആരംഭിച്ച സംഘടനയുടെ അബുദാബി ചാപ്റ്റർ ആരംഭിക്കുന്നത് 2014ൽ ആണ്. വൈവിധ്യമാർന്ന പരിപാടികളും പദ്ധതികളും കൊണ്ട് പ്രവാസ ലോകത്തും നാട്ടിലും ശ്രദ്ധേയമാണ് വടകര എൻആർഐ ഫോറം. മൂന്ന് തവണകളിലായി 152 യുവതീ യുവാക്കളുടെ മംഗല്യ സാഫല്യം പദ്ധതി, പ്രവാസികൾക്ക് ഗൃഹാതുരത്വം പകർന്നു നൽകിയ വടകര മഹോത്സവം, കലാകായിക പരിപാടികൾ തുടങ്ങി നിരവധി പരിപാടികൾ ഫോറം ഇതിനകം കാഴ്ചവച്ചു. മെന്പർമാരുടെ ക്ഷേമ പ്രവർത്തനങ്ങളിലും ഫോറം ശ്രദ്ധ ചെലുത്തിവരുന്നു.
ഭാരവാഹികളായി അബ്ദുൽ ബാസിത് കായക്കണ്ടി (പ്രസിഡന്റ്), സുരേഷ് കുമാർ (ജനറൽ സെക്രട്ടറി), മുഹമ്മദ് സക്കീർ പി.കെ.വി (ട്രഷറർ), മുകുന്ദൻ ടി , ജാഫർ തങ്ങൾ നാദാപുരം (വൈസ് പ്രസിഡന്റുമാർ ), ഷാനവാസ് .എ.കെ, സന്ദീപ് ടി.കെ, സുനിൽ മാഹി, രാജേഷ് എൻ. ആർ. (സെക്രട്ടറിമാർ), നിഖിൽ കാർത്തികപ്പള്ളി (അസിസ്റ്റൻറ് ട്രഷറർ), ഇബ്രാഹിം ബഷീർ, രാജേഷ് മഠത്തിൽ മീത്തൽ, പവിത്രൻ പി, യാസർ അറഫാത് കല്ലേരി, ഹാരിസ് കെ.പി, മനോജ് പറന്പത്, രാജീവൻ കെ.പി, ശറഫുദ്ധീൻ കടമേരി, രജീദ് പന്തിൽ പറന്പത്, മുഹമ്മദ് അലി, എന്നിവർ അംഗങ്ങങ്ങളായും, ജയകൃഷ്ണൻ (ഓഡിറ്റർ ) എന്നിവരെ തെരഞ്ഞെടുത്തു.
അബുദാബി കേരളാ സോഷ്യൽ സെന്ററിൽ ചേർന്ന ജനറൽ ബോഡിയോഗത്തിൽ പ്രസിഡന്റ്് ഇന്ദ്ര തയ്യിൽ അധ്യക്ഷത വഹിച്ചു. ദീർഘ കാലത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന മുതിർന്ന അംഗം ശശിധരൻ കല്ലൻ കണ്ടിക്ക് യാത്രയയപ്പ് നൽകി. ചടങ്ങിൽ കുഞ്ഞമ്മദ് എൻ, ബാബു വടകര, രവീന്ദ്രൻ മാസ്റ്റർ, സി.വി അഹ്മദ്, അബ്ദുൽ ബാസിത് കായക്കണ്ടി, യാസർ കല്ലേരി, തുടങ്ങിയവർ സംസാരിച്ചു.പവിത്രൻ പി തിരരെഞ്ഞെടുപ്പ് നടപടിക്രമങ്ങൾ നിയന്ത്രിച്ചു. ജയകൃഷ്ണൻ സ്വാഗതവും സുരേഷ് കുമാർ നന്ദിയും പറഞ്ഞു.
അനിൽ സി ഇടിക്കുള
|