Deepika.com Nri News :പോസ്റ്റ് കോവിഡ് കോൺഫററൻസ്‌ മാർച്ച് 25 ന്.......

Middle East & Gulf

പോസ്റ്റ് കോവിഡ് കോൺഫററൻസ്‌ മാർച്ച് 25 ന്

Back To NRI Home Forward This News Click here for detailed news of all items

കുവൈറ്റ് സിറ്റി: കുവൈറ്റ് കെഎംസിസി സംസ്ഥാന കമ്മിറ്റിയുടെ ആഭിമുഖ്യത്തിൽ "പോസ്റ്റ് കോവിഡ് കോൺഫറൻസ്‌" മാർച്ച് 25 നു (വെള്ളി) വൈകുന്നേരം ആറിന് അബാസിയ ഇന്ത്യൻ സെൻട്രൽ സ്കൂളിൽ (ഹൈദരലി ശിഹാബ് തങ്ങൾ) നഗറിൽ നടക്കും.

പരിപാടിയിൽ ഇന്ത്യൻ പാർലമെന്‍റ് അംഗം രാജ് മോഹൻ ഉണ്ണിത്താൻ എംപി, മുസ് ലിം ലീഗ് നേതാത് പി.കെ. ബഷീർ എംഎൽഎ, ആബിദ് ഹുസൈൻ തങ്ങൾ, പ്രമുഖ വാഗ്മിയും മുസ് ലിം ലീഗ് സംസ്ഥാന സെക്രട്ടറിയുമായ ഷാഫി ചാലിയം കുവൈറ്റിലെ രാഷ്ട്രീയ സാമൂഹിക രംഗത്തെ പ്രമുഖ വ്യക്തിത്വങ്ങൾ തുടങ്ങിയവർ ചടങ്ങിൽ പങ്കെടുക്കും. മെഡ്എക്സ് മെഡിക്കൽ കെയർ, അൽ അൻസാരി എക്സ്ചേഞ്ച് എന്നിവരാണ് പരിപാടിയുടെ മുഖ്യ സ്‌പോൺസർമാർ.

കോവിഡ് കാലത്ത് അതിരുകളില്ലാത്ത പ്രവർത്തനങ്ങളിലൂടെ അദ്ഭുതങ്ങൾ സൃഷ്ടിച്ച കുവൈറ്റ് കെഎംസിസിയുടെ മെഡിക്കൽ വിംഗ് പ്രവർത്തകരെയും കെഎംസിസി അംഗങ്ങളെയും ചടങ്ങിൽ നേതാക്കൾ മൊമെന്‍റോ നൽകി ആദരിക്കും.

കോവിഡ് മഹാമാരിക്കാലത്ത് ലോകം വിറങ്ങലിച്ചു നിന്നപ്പോൾ കോവിഡ് കാലം തുടങ്ങിയതു മുതൽ ഭക്ഷണമില്ലാത്തവർക്ക് ഭക്ഷണമെത്തിച്ചും മരുന്നുകളില്ലാത്തവർക്ക് മരുന്നെത്തിച്ചും കുവൈറ്റ് കെഎംസിസി മുന്നിൽ തന്നെയുണ്ടായിരുന്നു. പതിനയ്യായിരത്തോളം ആളുകൾക്കാണ് കുവൈറ്റ് കെഎംസിസിയുടെ മരുന്നെത്തിക്കൽ പദ്ധതി ഉപകാരമായത്.

ആശങ്കകൾക്ക് മുന്നിൽ എന്ത് ചെയ്യണമെന്നറിയാതെ പകച്ചുനിന്നവർക്കു മുന്നിൽ മെഡിക്കൽ വിംഗ് പ്രവർത്തകർ നടത്തിയ കൗൺസിലിംഗുകൾ തെല്ലൊന്നുമല്ല ആശ്വസമേകിയത്. കോവിഡ് ബാധിച്ച് മരിച്ചവരുടെ മൃതദേഹങ്ങൾ മറവ് ചെയ്യാനും അവസാനം ഒരു നോക്കുപോലും കാണാൻ പറ്റാത്ത ഉറ്റവരുടെ മനസംതൃപ്തിക്കുവേണ്ടി മുന്നിൽ നിന്ന് അവരവരുടെ വിശ്വാസമനുസരിച്ച് അതു നടത്തികൊടുക്കാനും കെഎംസിസി നേതാക്കളും പ്രവർത്തകരും മുന്നിൽ തന്നെയുണ്ടായിരുന്നു. കോവിഡ് നിയന്ത്രണത്തിന്‍റെ ഭാഗമായി രാജ്യാന്തര വിമാന സർവീസുകൾ നിർത്തലാക്കപ്പെട്ടപ്പോൾ പന്ത്രണ്ടോളം വിമാനങ്ങളാണ് പ്രവാസികളെ നാട്ടിലെത്തിക്കാൻ കുവൈറ്റ് കെഎംസിസി ചാർട്ട് ചെയ്തത്.

കോവിഡ് മഹാമാരിയുടെ കുത്തൊഴുക്കിൽ പിടിച്ചു നിൽക്കാനാവാതെ ഒലിച്ചു പോകുന്ന മനുഷ്യജന്മങ്ങളുടെ ചുടുനിശ്വാസങ്ങളോട് സചേതനമായി പ്രതികരിച്ചും അവർക്ക് പുനർജനി നൽകാനുള്ള യത്നങ്ങളിൽ പങ്കുവഹിച്ചും കുവൈറ്റ് കെഎംസിസിയെ സഹായിക്കാൻ മുന്നോട്ടു വന്ന എല്ലാവരെയും നന്ദിയോടെ ഓർക്കുകയാണ്.

കുവൈറ്റ് കെഎംസിസി പ്രസിഡന്‍റ് ഷറഫുദ്ദീൻ കണ്ണേത്ത്, അഡ്വൈസറി ബോർഡ് വൈസ് ചെയർമാൻ കെ.ടി.പി.അബ്ദുറഹിമാൻ, ജനറൽ സെക്രട്ടറി എം.കെ.അബ്ദുൽ റസാഖ് പേരാമ്പ്ര, ട്രഷറർ എം.ആർ.നാസർ, വൈസ് പ്രസിഡന്‍റുമാരായ മുഹമ്മദ് അസ്‌ലം കുറ്റിക്കാട്ടൂർ, എൻ.കെ.ഖാലിദ് ഹാജി, ഹാരിസ് വള്ളിയോത്ത്, സെക്രട്ടറിമാരായ സിറാജ് എരഞ്ഞിക്കൽ, എഞ്ചി.മുഷ്താഖ്, ടി.ടി.ഷംസു, ശരീഫ് ഒതുക്കുങ്ങൽ, റസാഖ് അയ്യൂർ എന്നിവർ ഫഹാഹീൽ "മെഡ്എക്സ് ഹാളിൽ നടന്ന വാർത്താസമ്മേളനത്തിൽ പങ്കെടുത്തു.

സലിം കോട്ടയിൽ

ഗ്രാൻഡ് ഹൈപ്പർമാർക്കറ്റിന്‍റെ 41ാമത് ഔട്ട് ലെറ്റ് ഷാബിൽ പ്രവർത്തനം ആരംഭിച്ചു.

കുവൈറ്റ് സിറ്റി : കുവൈറ്റിലെ ഏറ്റവും വലിയ റീട്ടെയിൽ ശൃംഖലയായ ഗ്രാൻഡ് ഹൈപ്പർ മാർക്കറ്റിന്‍റെ 41ാമത് സ്റ്റോർ ഷാബിൽ പ്രവ

51000 റിയാൽ നൽകാതെ കേസ് പിൻവലിക്കില്ലെന്ന് സ്വദേശി 14 വർഷത്തിന് ശേഷം പീറ്റർ മടങ്ങിയത് ജീവനറ്റ ശരീരമായി.

റിയാദ് : 2010ൽ ഹൗസ് ഡ്രൈവർ വിസയിലെത്തിയ റിയാദിലെത്തിയ തിരുവനന്തപുരം ആശ്രമം സ്വദേശി ബ്രൂണോ സെബാസ്റ്റ്യൻ പീറ്റർ(65) ഒടുവിൽ വീ

സൗദിയിൽ ഇൻഷ്വറൻസ് പോളിസി സെയിൽസ് ജോലി ഇനി വിദേശികൾക്കില്ല.

റിയാദ്: സൗദി അറേബ്യയിൽ ഇൻഷ്വറൻസ് പോളിസി സെയിൽസ് ജോലികൾ ഇനി സൗദി പൗരന്മാർക്ക് മാത്രം.

യുഎഇയിൽ മഴയ്ക്ക് ശമനം പിന്തുണയുമായി ഭരണകൂടം.

അബുദാബി: മുക്കാൽ നൂറ്റാണ്ടിനിടയിലെ റിക്കാർഡ് മഴ പെയ്തതിന്‍റെ കെടുതികളിൽനിന്നു യുഎഇ കരകയറുന്നു.

പ്രതികൂല കാലാവസ്ഥ: അജ്മാനില്‍ അപകടത്തില്‍ മരിച്ച മലയാളിയുടെ മൃതദേഹം നാട്ടിലെത്തിക്കാനായില്ല.

കണ്ണൂർ: നാട്ടിലേക്ക് വരാനുള്ള ഒരുക്കത്തിനിടയില്‍ അജ്മാനില്‍ അപകടത്തില്‍ മരിച്ച പയ്യന്നൂര്‍ കാരയിലെ കെ.പി.