ഡാളസ്: കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ ആഭിമുഖ്യത്തിൽ ഡോ. വിശ്വനാഥ കുറുപ്പിനു സമുചിത യാത്രയയപ്പു നൽകി.
മെഡിക്കൽ കോളേജ് റിട്ടയേർഡ് പ്രഫസറും ആത്മീയ പ്രഭാഷകനും. ഹിന്ദു സമൂഹത്തിലെ ആദരണീയനും ജ്ഞാനപ്പാന, ഹരിനാമകീർത്തനം, ദൈവദശകം തുടങ്ങി നിരവധി ആത്മീയ ഗ്രന്ഥങ്ങളുടെ ഇംഗ്ലീഷ് പരിഭാഷകനുമാണ് ഡോ. വിശ്വനാഥ കുറുപ്പ്, സ്വാമി രംഗനദാനന്ദ, സ്വാമി ചി·യാനന്ദ, മാതാഅമ്രദാനന്ദമയി എന്നിവർ കുറുപ്പിന്‍റെ ആത്മീയാചാര്യന്മാരാണ്.
ശ്രീ ഗുരുവായൂരപ്പൻ ക്ഷേത്ര ഹാളിൽ നൽകിയ യാത്രയയപ്പു സമ്മേളനത്തിൽ പരമേശ്വരൻനായർ പൊന്നാടയും, സതീഷ് ചന്ദ്രൻ, സാജൻ എന്നിവർ ഫലകവും നൽകി വിശ്വനാഥ കുറുപ്പിനെ ആദരിച്ചു. ഡോ. സാജി നായർ, രാമചന്ദ്രൻ നായർ, രാജേന്ദ്ര വാര്യർ, കേശവൻനായർ, സുനിൽ കാരാടിയിൽ, റെനിൽരാധാകൃഷ്ണൻ, ഭാസി നായർ, ഗുരുവായൂരപ്പൻ മേൽശാന്തി, ഗിരീഷ് വടക്കേടത്തു നന്പൂരി, സി കെ സോമൻ എന്നിവർ ആശംസകൾ അർപ്പിച്ചു പ്രസംഗിച്ചു .
1960ന്റെ ആരംഭത്തിലാണ് കുറുപ്പ് അമേരിക്കയിലെത്തിയത്. യൂണിവേഴ്സിറ്റി ഓഫ് വിസ്കോണ്സിൻ( മാഡിസണ്‍) മെഡിക്കൽ മൈക്രോബിയോളജി ആൻഡ് ഇമ്മ്യൂണോളജി റിട്ടയേർഡ് പ്രഫസറാണ്.
നോർത്ത് അമേരിക്കയുടെ വിവിധ സംസ്ഥാനങ്ങളിൽ സത്സംഗ്ന്ധക്കുന്നതിനും, വേൾഡ് ഹെൽത്ത് ഓർഗനൈസേഷൻ കണ്‍സൽറ്റൻഡ് എന്ന നിലയിൽ വിവിധ രാജ്യങ്ങൾ സന്ദർശിക്കുന്നതിനും ഇദ്ദേഹത്തിനു അവസരം ലഭിച്ചിട്ടുണ്ട്. 2007 ൽ ഡാളസിൽ സംഘടിപ്പിച്ച ആദ്യ കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ നാഷണൽ കണ്വൻഷനോടനുബന്ധിച്ചാണ് പത്നി ഇന്ദിരാ കുറുപ്പുമായി ആദ്യമായി ഡാളസിൽ സ്ഥിരതാമസത്തിനെത്തിയത്. ഡാളസ് ശ്രീ ഗുരുവായൂരപ്പൻ അന്പല നിർമാണത്തിൽ സുപ്രധാന പങ്ക് നിർവഹിച്ചിരുന്നു. പതീറ്റാണ്ടുകളുടെ പ്രവർത്തനങ്ങൾക്കുശേഷം ഡാളസിൽ നിന്നും അരിസോണയിലേക്കു താമസം മാറ്റുന്നതോടനുബന്ധിച്ചാണ് ഡാളസിൽ യാത്രയയപ്പു സമ്മേളനം സംഘടിപ്പിച്ചത്.
പി.പി. ചെറിയാൻ
|