ബെർലിൻ: യൂറോപ്യൻ യൂണിയൻ കെ.എംസിസിയുടെ ആഭിമുഖ്യത്തിൽ പാണക്കാട് സയ്യിദ് ഹൈദരലി ശിഹാബ് തങ്ങൾ അനുസ്മരണം സംഘടിപ്പിച്ചു. മാർച്ച് 13 ന് ഞായറാഴ്ച വെർച്ച്വൽ പ്ളാറ്റ്ഫോമിലൂടെ നടന്ന അനുസ്മരണ യോഗത്തിൽ ദളിത് ലീഗ് സംസ്ഥാന ജനറൽ സെക്രട്ടറി എ.പി. ഉണ്ണികൃഷ്ണൻ ഉദ്ഘാടനം ചെയ്തു.
ജാതിയുടെയും മതത്തിന്‍റെയും വേലിക്കെട്ടുകളില്ലാതെ മനുഷ്യനെ മനുഷ്യനായി കാണാൻ പഠിപ്പിച്ച മാനവികതയുടെ നേതാവാണ് തങ്ങളെന്നും, ജീവകാരുണ്യത്തിന്‍റെയും ജനസേവനത്തിന്‍റെയും മത സൗഹാർദത്തിന്‍റെയും ഒട്ടേറെ മാതൃകകൾ അവശേഷിപ്പിച്ചാണ് ഹൈദരലി തങ്ങൾ ഓർമയായതെന്നും പരിപാടിയിൽ പങ്കെടുത്തവർ ഒരേ സ്വരത്തിൽ പറഞ്ഞു.
യോഗത്തിൽ യൂറോപ്യൻ യൂണിയൻ കെ എംസിസി പ്രസിഡന്‍റ് ഡോ. മുഹമ്മദ് അലി കൂനാരി (ജർമനി) അധ്യക്ഷത വഹിച്ചു.
വിവിധ രാജ്യങ്ങളിലെ കെ.എംസിസി, ഐഒസി, ഒഐസിസി, കേരള സമാജം കൂട്ടായ്മകളിലെ നേതാക്കളായ ഡോ. പുത്തൂർ റപ്മാൻ(യുഎഇ), അൻവർ നഹ (യുഎഇ), യു.എ നസീർ സീറു(യുഎസ്എ), സിറോഷ് ജോർജ് (ഓസ്ട്രിയ), ടോമി തൊണ്ടാംകുഴി (സ്വിറ്റ്സർലൻഡ്), സണ്ണി ജോസഫ്, ജോസ് കുന്പിളുവേലിൽ , അജാസ് മുഹമ്മദ് (ജർമനി) മുജീബ് പൂക്കോട്ടൂർ, ഡോ. കാവുങ്ങൽ മുഹമ്മദ്, (സൗദി അറേബ്യ) ബഷീർ (ഖത്തർ), ഇ.ടി.എം തലപ്പാറ(മലേഷ്യ), ജവാദ് (ജർമനി), നൗഫൽ താപ്പി, ആഷിഖ് ചോലക്കൽ, മുഹമ്മദ് കോട്ടക്കൽ, ജമാൽ എം.സി, നാസർ (പോർച്ചുഗൽ), മുഹ്സിൻ, സാലിം (സ്പെയിൻ) എന്നിവർ അനുസ്മരണ പ്രസംഗം നടത്തി. അബ്ദുൽ അസീസ് പുല്ലുർശ്ശങ്ങടാൻ (ഓസ്ട്രിയ)സ്വാഗതവും, ഹാരിസ് (സ്പെയിൻ) നന്ദിയും പറഞ്ഞു.
ജോസ് കുന്പിളുവേലിൽ
|