Deepika.com Nri News :സുമിയിലെ ഇന്ത്യൻ വിദ്യാർഥികളെ സുരക്ഷിതമായി ഒഴിപ്പിച്ചു.......

Europe

സുമിയിലെ ഇന്ത്യൻ വിദ്യാർഥികളെ സുരക്ഷിതമായി ഒഴിപ്പിച്ചു

Back To NRI Home Forward This News Click here for detailed news of all items

കീവ്: റഷ്യന്‍ പട്ടാളം ആക്രമിച്ചു തകര്‍ത്ത യുക്രെയ്ൻ നഗരമായ സുമിയില്‍ കുടുങ്ങിയ എല്ലാ ഇന്ത്യന്‍ വിദ്യാര്‍ഥികളെയും സുരക്ഷിത സ്ഥാനത്തേക്ക് മാറ്റി. ഇവരെ തിരികെ നാട്ടിലേക്ക് കൊണ്ടുവരാന്‍ ഓപ്പറേഷന്‍ ഗംഗയുടെ ഭാഗമായുള്ള വിമാനങ്ങള്‍ തയാറെടുക്കുകയാണ്.

എല്ലാ ഇന്ത്യന്‍ വിദ്യാര്‍ഥികളെയും സുമിയില്‍ നിന്ന് 12 ബസുകളിലായി പോള്‍ട്ടാവയില്‍ എത്തിച്ചു.പത്തുമണിക്കൂറിലേറെ സമയം യാത്ര ചെയ്താണ് വിദ്യാർഥികൾ ഇവിടെ എത്തിയത്. ഇവരെ പിന്നീട് സുരക്ഷിതമായി വിമാനമാർഗം നാട്ടിലെത്തിക്കാനാണ് നീക്കമെന്ന് മന്ത്രാലയ വക്താവ് അരിന്ദം ബാഗ്ചി ട്വിറ്ററിലൂടെ അറിയിച്ചു.

സുമിയില്‍ കുടുങ്ങിയ ഇന്ത്യക്കാരില്‍ ഇരുനൂറോളം മലയാളികളുണ്ട്. ആകെ 700 ഓളം വിദ്യാര്‍ഥികളാണ് ഇവിടെ കുടുങ്ങിയത്. സുമിയില്‍നിന്ന് ഇന്ത്യന്‍ വിദ്യാര്‍ഥികളെ ഒഴിപ്പിക്കുന്നത് പ്രതിസന്ധിയിലായ ഘട്ടത്തില്‍ പ്രധാനമന്തി നരേന്ദ്ര മോദി റഷ്യന്‍ പ്രസിഡന്‍റ് വ്ലാദിമിര്‍ പുടിന്‍, യുക്രെയ്ൻ പ്രസിഡന്‍റ് വോളോദിമര്‍ സെലെന്‍സ്കി എന്നിവരുമായി ചര്‍ച്ച നടത്തിയതിനു പിന്നാലെയാണ് സുമിയില്‍ രക്ഷാദൗത്യം ലക്ഷ്യം കണ്ടത്.

മൈക്കൊലേവ് തുറമുഖത്ത് കുടുങ്ങിയ 52 ഇന്ത്യന്‍ നാവികരെ ഒഴിപ്പിച്ചു. അവശേഷിക്കുന്ന 23 നാവികരെക്കൂടി ഒഴിപ്പിക്കുമെന്നു യുക്രെയ്നിലെ ഇന്ത്യന്‍ എംബസി അറിയിച്ചു. ഒഴിപ്പിച്ച എല്ലാവരേയും അയല്‍രാജ്യങ്ങളില്‍ എത്തിച്ച് പ്രത്യേക വിമാന മാർഗം ഇന്ത്യയിലെത്തിക്കും. നേപ്പാള്‍, ബംഗ്ളദേശ്, പാക്കിസ്ഥാന്‍, ടുണീഷ്യ എന്നിവിടങ്ങളിലെ പൗരന്മാരെയും ഇതോടൊപ്പം ഇന്ത്യ ഒഴിപ്പിക്കുന്നുണ്ട്.

അതേ സമയം യുദ്ധഭൂമിയില്‍ കുടുങ്ങിയ ആളുകളെ ഒഴിപ്പിക്കാനുള്ള സുരക്ഷാ ഇടനാഴി മാര്‍ച്ച് 8 മുതല്‍ യുക്രെയിനിന്‍റെ വിവിധ ഭാഗങ്ങളില്‍ പ്രഖ്യാപിച്ചു. സുരക്ഷാ ഇടനാഴി വഴി ഒറ്റപ്പെട്ടുപോയ എല്ലാ ഇന്ത്യന്‍ പൗരന്മാരും ഈ അവസരം ഉപയോഗപ്പെടണത്തണമെന്ന് യുക്രെയ്നിലെ ഇന്ത്യന്‍ എംബസി പുറത്തിറക്കിയ പ്രസ്താവനയില്‍ പറയുന്നു.

ജോസ് കുന്പിളുവേലിൽ

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.

സ്കോട്‌ലൻഡിൽ ഇന്ത്യൻ വിദ്യാർഥികൾ മുങ്ങിമരിച്ചു.

ലണ്ടൻ: സ്കോട്‌ലൻഡിലെ വെള്ളച്ചാട്ടത്തിൽ വീണ് രണ്ട് ഇന്ത്യൻ വിദ്യാർഥികൾ മുങ്ങിമരിച്ചു.

റഷ്യയ്ക്ക് വേണ്ടി ചാരപ്രവൃത്തി നടത്തി; ജര്‍മനിയിൽ രണ്ട് പേർ അറസ്റ്റിൽ.

ബെര്‍ലിന്‍: റഷ്യയ്ക്ക് വേണ്ടി ചാരപ്രവൃത്തി നടത്തിയെന്ന് സംശയിക്കുന്ന രണ്ട് പേരെ ജര്‍മന്‍ പോലീസ് അറസ്റ്റ് ചെയ്തു.

യുകെയിലെ ക്നാനായ കുടുംബങ്ങൾ ബർമിംഗ്ഹാമിലേക്ക്; കുടുംബ സംഗമം ഇന്ന്.

ബർമിംഗ്ഹാം: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടക്കുന്ന കുടുംബ സംഗമം " വാഴ്‌വ് 24' ഇന്ന് ബർമിംഗ്ഹാമിൽ നട

റോഡപകടങ്ങൾ കുത്തനെ ഉയർന്നു; അയർലൻഡിൽ വാഹനപരിശോധന കർശനമാക്കി.

ഡബ്ലിൻ: റോഡപകടങ്ങൾ കുത്തനെ ഉയർന്ന സാഹചര്യത്തിൽ അയർലൻഡിൽ അധികൃതർ വാഹന പരിശോധന കർശനമാക്കി.