ഫിലഡൽഫിയ: ഇതര സാമൂഹിക സാംസ്കാരിക പ്രാദേശിക സംഘടനകളുടെ ഐക്യവേദിയായ ട്രൈസ്റ്റേറ്റ് കേരള ഫോറമിന്റെ ഓണാഘോഷം ഓഗസ്റ്റ് 20ന് ശനിയാഴ്ച CANNSTATTER VOLKFEST, 9130 ACADEMY Rd, PHILADELPHIYA, PA, 19114 തുറന്ന പുൽത്തകിടിയിൽ വച്ച് നടക്കും. മലയാളികളുടെ ദേശീയോത്സവമായ ഓണത്തിന്റെ പവിത്രത ഒട്ടും നഷ്ടപ്പെടുത്താതെ പ്രവാസികളുടെ ഇടയിൽ ആഘോഷിച്ചു വരുന്ന ഓണാഘോഷത്തിൽ വർണാഭമായ ഘോഷയാത്ര, പൊതുസമ്മേളനം, ആദരിക്കൽ ചടങ്ങ്, വിഭവസമൃദ്ധമായ ഓണസദ്യ, പച്ചക്കറി കൃഷി തോട്ടമത്സരം, കായിക മേള, കരിമരുന്ന് കലാപ്രകടനം, പായസോത്സവം തുടങ്ങിയ വിപുലവുമായ ക്രമീകരണങ്ങളാണ് ഒരുക്കിയിരിക്കുന്നതെന്ന് സാജൻ വർഗീസ് (ചെയർമാൻ) പറഞ്ഞു.
ഗൃഹാതുരത്വമുണർത്തുന്ന ഓണാഘോഷങ്ങളാണ് എക്കാലത്തും ട്രൈസ്റ്റേറ്റ് കേരള ഫോറം പ്രവാസികൾക്കായി അണിയിച്ചൊരുക്കുന്നതെന്നും ഈ വർഷവും അതുന്നെയാണ് തുടരുന്നത്. അതിനായി എല്ലാ മലയാളികളുടെയും സഹകരണം ആവശ്യമാണ്. ഭാവിതലമുറയിലേക്ക് നാടിന്റെ ചരിത്രപരമായ ഓർമ്മകൾ പങ്കുവയ്ക്കുന്നതിനും കൈമാറുന്നതിനുമായിട്ടാണ് ഇതുപോലുള്ള ആഘോഷങ്ങൾക്കു നേതൃത്വം കൊടുത്തു വരുന്നത്. അമേരിക്കൻ മലയാളികളുടെ ഇടയിൽ ഓരോ വർഷം ചെല്ലുന്തോറം ഓണാഘോഷങ്ങളുടെ പ്രസക്തി ഏറിവരികയാണ്. എന്നാൽ, ഓണാഘോഷങ്ങൾ സാമൂഹിക സാംസ്കാരിക വേദികളിലാണ് ആഘോഷിക്കേണ്ടത്. ദേവാലയങ്ങളുടെ അന്തരീക്ഷങ്ങളിലും അണുകൂട്ടങ്ങളിലും പരിപാടികൾ നടത്തി ഓണാഘോഷത്തിന്റെ പ്രസക്തി പ്രവാസികളുടെ ഇടയിൽ കുറയുകയാണെന്നും ജീമോൻ ജോർജ് (ചെയർമാൻ, ഓണാഘോഷം) പറഞ്ഞു.
നാടൻ കലാരൂപങ്ങളുടെ അവതരണം, ചെണ്ടമേളം, ചിത്രപ്രദർശനം, കാർണിവൽ ഷോകൾ, തെയ്യംതുള്ളൽ, കഥകളി മോഹിനിയാട്ടം, പുലികളി, നിറപകിട്ടാർന്ന അത്തപൂക്കളം, തന്റെ പ്രജകളുടെ ക്ഷേമം അന്വേഷിക്കാനായി വർഷത്തിലൊരിക്കൽ മാത്രം വരാറുള്ള മാവേലി മന്നന്റെ എഴുന്നള്ളത്ത് കൈകൊട്ടികളി, മെഗാ തിരുവാതിര, നൃത്ത വിദ്യാലായങ്ങളുടെ നൃത്ത കലാവിരുന്ന്, ഗാനമേള തുടങ്ങിയ നിരവധി വ്യത്യസ്ത തരത്തിലുള്ള കലാപരിപാടികൾ ഈ വർഷം അണിയിച്ചൊരുക്കുന്നതായി റോണി വർഗീസ് (ജനറൽ സെക്രട്ടറി) അറിയിച്ചു.
ഓണാഘോഷത്തിന്റെ വൻ വിജയത്തിനായി ഫിലിപ്പോസ് ചെറിയാൻ (ട്രഷറാർ), വിൻസന്റ് ഇമ്മാനുവേൽ, ജോബി ജോർജ്, അലക്സ് തോമസ്, ജോർജ് ഓലിക്കൽ, സുധാകർത്ത, സുമോദ് നെല്ലിക്കാല, ജോർജ് നടവയൽ, രാജൻ ശമുവേൽ, ബെന്നി കൊട്ടാരത്തിൽ, കുര്യൻ രാജൻ, ജോണ് ശമുവേൽ, ബ്രിജിറ്റ് പാറപുറത്ത്, ആഷാ അഗസ്റ്റിൻ, സാബു സ്കറിയ, സുരേഷ് നായർ, തോമസ് ചാണ്ടി, ശ്രീജിത് കോമാട്ട്, ജെയിംസ് പീറ്റർ, ലിബിൻ തോമസ്, ഷാലു പുന്നൂസ്, പി. കെ. സോമരാജൻ, ജോർജി കടവിൽ, സിജിൻ തിരുവല്ല, അരുണ് കോമാട്ട്, ജോസഫ് മാണി, ജോണ്സണ് മാത്യു, തോമസ് പോൾ, മോഡി ജേക്കബ്, തോംസണ് ടി. ജെ., ലിനോ സ്കറിയ, ജോർജ് ജോസഫ് തുടങ്ങിയവരുടെ നേതൃത്വത്തിലുള്ള വിവിധ കമ്മറ്റികൾ അതിവിപുലമായ ക്രമീകരണങ്ങൾ നടത്തിവരുന്നതായി ട്രൈസ്റ്റേറ്റ് കേരള ഫോറം പത്രകുറിപ്പിൽ അറിയിക്കുകയുണ്ടായി.
ജീമോൻ ജോർജ്
|