ലണ്ടൻ: യുകെയിലെ പ്രമുഖ സാമൂഹ്യ പ്രവർത്തകനും യുക്മ സാംസ്കാരിക വേദി ജനറൽ കണ്‍വീനറും, കലാഭവൻ ലണ്ടൻ ഡയറക്ടറും, ഒഐസിസി യുകെ പ്രസിഡന്‍റുമായ ജയ്സണ്‍ ജോർജിന്റെ പിതാവ് തിരുവനന്തപുരം പരീക്ഷാഭവൻ റിട്ട. സീനിയർ സൂപ്രണ്ടും വൈക്കം ടിവി പുരം കൊറ്റാറന്പത്ത് എക്സ് ജോർജ് (89) (ജോർജ് സേവ്യർ) അന്തരിച്ചു. സംസ്കാര ശുശ്രൂഷകൾ ഞായറാഴ്ച വസതിയിൽ ശുശ്രൂഷക്ക് ശേഷം വൈക്കം സെന്‍റ്.ജോസഫ് ഫൊറോനാ േദേവാലയത്തിലെ കുടുംബക്കല്ലറയിൽ സംസ്കരിച്ചു.
ഭാര്യ: തുന്പത്ത് കുടുംബാംഗം പരേതയായ ത്രേസ്യാമ്മ. മക്കൾ: കുഞ്ഞമ്മ (റിട്ട. പ്രഫ. എസ് എൻ കോളേജ്, ചേർത്തല), മേരിമ്മ (റിട്ട. എച്ച് എം ഗവ. ജെ ബി എസ്, ആലപ്പുഴ), മോളി (അബുദാബി), സാജൻ (വിമുക്ത ഭടൻ), ജോയി (അസി. മാനേജർ, കെ.എസ്.എഫ്.ഇ തലയോലപ്പറന്പ്), ജയ്സണ്‍ ജോർജ് (യുകെ). മരുമക്കൾ എൻ.സി.. ജേക്കബ് (റിട്ട. പ്രഫ. എസ്.ഡി.കോളേജ്, കാഞ്ഞിരപ്പള്ളി, ജോസ് ജേക്കബ് (റിട്ട. സീനിയർ സൂപ്രണ്ട്, എ ഇ ഒ ആലപ്പുഴ), സാജു പുതുശ്ശേരി (അബുദാബി), അൽഫോണ്സ (സ്റ്റാഫ് നഴ്സ്, ഡൽഹി), ടിൻസി (അധ്യാപിക, സെന്‍റ്. ലിറ്റിൽ തെരേസ സ്കൂൾ, വൈക്കം), ഷീന ജയ്സണ്‍ (യുകെ).
ജയ്സന്‍റെ പിതാവിന്‍റെ നിര്യാണത്തിൽ യുക്മ പ്രസിഡൻറ് മനോജ് കുമാർ പിള്ള, സെക്രട്ടറി അലക്സ് വർഗ്ഗീസ്, വൈസ് പ്രസിഡൻറ് എബി സെബാസ്റ്റ്യൻ, സൗത്ത് ഈസ്റ്റ് റീജിയൻ പ്രസിഡൻറ് ആന്‍റണി എബ്രഹാം, യുക്മ സാംസ്കാരിക വേദി രക്ഷാധികാരി സി.എ.ജോസഫ്, ഒഐസിസി ഭാരവാഹികൾ തുടങ്ങിയവർ അനുശോചനം രേഖപ്പെടുത്തി.
അലക്സ് വർഗീസ്
|