ബര്‍ലിന്‍: മലയാളത്തിന്റെ പ്രിയപ്പെട്ടമഹാ നടിയും സംഗീത നാടക അക്കാദമി ചെയര്‍ പേഴ്സണുമായ കെപിഎസി ലളിതയുടെ വിയോഗത്തില്‍ വേള്‍ഡ് മലയാളി കൗണ്‍സില്‍ അനുശോചനം രേഖപ്പെടുത്തി.
കഴിഞ്ഞ അഞ്ചു പതിറ്റാണ്ടായി നാടകം, സിനിമ, സീരിയല്‍ രംഗത്ത് തനതായ വ്യക്തിമുദ്രപതിപ്പിച്ച അഭിനയകലയുടെ വൈവിദ്ധ്യമാര്‍ന്ന മികവു പുലര്‍ത്തിയ നടിയെന്ന നിലയില്‍ മലയാളത്തിന്റെ മനം കവര്‍ന്ന വിടപറഞ്ഞ അതുല്യ പ്രതിഭയായിരുന്നു കെപിഎസി ലളിതയെന്ന് ഡബ്ള്യുഎംസി, ഗ്ളോബല്‍, യൂറോപ്പ്, ജര്‍മന്‍ ഭാരവാഹികള്‍ അനുസ്മരിച്ചു.
ജോളി തടത്തില്‍, ജോളി എം പടയാട്ടില്‍, ബാബു ചെമ്പകത്തിനാല്‍, ജോസ് കുമ്പിളുവേലില്‍, ചിന്നു പടയാട്ടില്‍, സാറാമ്മ ജോസഫ്, പ്രഫ.ഡോ.അന്നക്കുട്ടി ഫിന്‍ഡൈസ്, ഗ്രിഗറി മേടയില്‍, തോമസ് അറമ്പന്‍കുടി, മേഴ്സി തടത്തില്‍, ജോസ് പുതുശേരി, ജോസഫ് മാത്യു,ജോസഫ് വെള്ളാപ്പമില്‍, സോമരാജ്പിള്ള, ശ്രീജ, ജോസഫ് കളപ്പുരയ്ക്കല്‍,ഡോ.ബെനേ0ഷ് ജോസഫ് തുടങ്ങിയവരാണ് അനുസ്മരിച്ചത്.
പ്രശസ്ത സംവിധായകന്‍ ബെന്നി ആശംസ ഒരുക്കിയ 2019 ല് റിലീസ് ചെയ്ത ഏലിയാമ്മച്ചിയുടെ ആദ്യത്തെ ക്രിസ്മസ് എന്ന സിനിമയുടെ കുറെ ഭാഗങ്ങള്‍ ജര്‍മനിയിലാണ് ചിത്രീകരിച്ചത്. സിനിമയുമായി ബന്ധപ്പെട്ട് ഏതാണ്ട് ഒരാഴ്ചയോളം ജര്‍മനിയില്‍ ചെലവഴിച്ച ലളിതചേച്ചി മലയാളികളുമായി കൂടുതല്‍ സമ്പര്‍ക്കം പുലര്‍ത്തിയിരുന്നു.ചുരുക്കം ചില ജര്‍മന്‍ മലയാളികളും ഈ ചിത്രത്തില്‍ അഭിനയിച്ചിട്ടുണ്ട്.
|