ജിദ്ദ: ഇന്‍റർനാഷണൽ ഇന്ത്യൻ സ്കൂൾ പാരന്‍റ്സ് ഫോറം (ഇസ്പാഫ്) കുടുംബം സംഗമം സംഘടിപ്പിച്ചു. കോവിഡ് മഹാമാരി ദിനങ്ങളുണ്ടാക്കിയ അകൽച്ചയും പ്രയാസങ്ങളും മറന്നു പ്രതീക്ഷയുടെയും ആശ്വാസത്തിന്‍റെയും ദിനങ്ങൾ ഓർമപ്പെടുത്തി ആവേശം വാനോളം ഉയർത്തികൊണ്ട് "ഇസ്പാഫ് ഡെസേർട് കാർണിവൽ 2022' എന്ന കുടുംബ സംഗമം ജിദ്ദക്ക് അടുത്തുള്ള ബെഹ്റ ഡെസേർട് ക്യാന്പിൽ സംഘടിപ്പിച്ചത്.
ഇസ്പാഫ് പ്രസിഡന്‍റ് ഡോ. മുഹമ്മദ് ഫൈസൽ ഉദ്ഘാടനം ചെയ്ത പ്രോഗ്രാം ജനറൽ സെക്രട്ടറി എഞ്ചി. മുഹമ്മദ് കുഞ്ഞി നിയന്ത്രിച്ചു. വൈകുന്നേരം നാലിന് ഡെസേർട് സഫാരിയോട് കൂടി ആരംഭിച്ച പരിപാടി, ചട്ടിപന്തേറു, കന്പവലി, കുട്ടികൾക്ക് ഉള്ള ഗെയിംസ്, കപ്പിൾ ഗെയിംസ്, ക്യാന്പ്ഫയർ, കൾച്ചറൽ പ്രോഗ്രാം എന്നിവകൊണ്ട് പങ്കെടുത്തവരുടെ മനസ് നിറച്ചു. കുട്ടികൾക്കും മുതിർന്നവർക്കും ഒരു പോലെ ആസ്വാദനത്തിന്‍റെയും അനുഭൂതിയുടെയും മണിക്കൂറുകൾ സമ്മാനിച്ചു ഇസ്പാഫ് ഡെസേർട് കാർണിവൽ 2022.
എക്സിക്യൂട്ടീവ് മെന്പർമാരായ ശിഹാബ് പി.സി, ബുഷൈർ കെ, റിയാസ് പി.കെ, സഹിർഷാ, പ്രോഗ്രാം കണ്‍വീനർ റഫീഖ് പെരൂൾ, മുൻപ്രസിഡന്‍റ് മുഹമ്മദ് ബൈജു, അനീസ ബൈജു എന്നിവർ വിവിധ പരിപാടികൾക്ക് നേത്രത്വം നൽകി. അഷ്ഫാഖ്, റഫ്സി അഷ്ഫാഖ് ഫാമിലികൾക്ക് ഉള്ള സ്പെഷ്യൽ പ്രോഗ്രാം ഏറെ. പുതുമകളോടെ അവതരിപ്പിച്ചു. റിഷാദ് അലവി, ബഷീർ അച്ചന്പത്ത് എന്നിവരുടെ നേത്രത്വത്തിൽ പങ്കെടുത്തവർക്ക് സംഗീത വിരുന്നൊരുക്കി.
പങ്കെടുത്തവർക്കെല്ലാം മധുരിക്കുന്ന ഓർമകൾ സമ്മാനിച്ച ഇസ്പാഫ് ഫാമിലി പ്രോഗ്രാം ദീർഘനാളുകൾക്ക് ശേഷമുള്ള ഒത്തുചേരലിനു പുറമേ ഒരു മാനസിക ഉത്തേജന വേദികൂടി ആയി മാറി. ഇസ്പാഫ് അഡ്വൈസേർസ് സലാഹ് കാരാടൻ, അബ്ദുൽഅസീസ്, ഇന്ത്യൻ സ്കൂൾ മാനേജ്മന്‍റ് കമ്മിറ്റി മുൻ അംഗം മോഹൻജി എന്നിവരുടെ സാനിധ്യം ക്യാന്പിൽ ആവേശം പകർന്നു. മുഹമ്മദ് യൂനസിന്‍റെ നേതൃത്വത്തിൽ ഒരുക്കിയ ഭക്ഷണ സ്റ്റാൾ പ്രോഗ്രാമിന്റെ പൊലിമ വർധിപ്പിച്ചു. ശിഹാബ് പി സി, ഇസ്പാഫ് മുൻഭാരവാഹി ഇക്ബാൽ മാസ്റ്റർ എന്നിവർ സ്പോർട്സ് ഇനങ്ങൾക്ക് നേതൃത്വം കൊടുത്തു.
കെ.ടി മുസ്തഫ പെരുവള്ളൂർ
|