• Logo

Allied Publications

Europe
ജര്‍മനിയില്‍ തൊഴിലില്ലായ്മ നിരക്ക് മുകളിലേക്ക്
Share
ബെർലിൻ: ജര്‍മനിയിലെ തൊഴില്‍ വിപണി ഒമിക്രോണ്‍ തരംഗത്തിനിടയിലും ശക്തമായി തുടരുന്നു. ജനുവരിയില്‍ തൊഴിലില്ലാത്തവരുടെ എണ്ണം ഉയര്‍ന്നെങ്കിലും മുന്‍വര്‍ഷങ്ങളെ അപേക്ഷിച്ച് ഇതു ഗണ്യമായി കുറവാണ് കാണിക്കുന്നത്.

രാജ്യത്ത് 2.462 ദശലക്ഷം തൊഴില്‍ രഹിതരാണുള്ളത്. ഒമിക്രോണുണ്ടായിട്ടും ജര്‍മനിയിലെ തൊഴില്‍ വിപണി സ്ഥിരത നിലനിര്‍ത്തുന്നു. അതനുസരിച്ച്, വര്‍ഷത്തിന്‍റെ തുടക്കത്തില്‍ തൊഴിലില്ലാത്തവരുടെ എണ്ണത്തിലുണ്ടായ സാധാരണ വര്‍ധനവ്, 1,33,000 ആണ്. ഇത് മുന്‍ വര്‍ഷങ്ങളെ അപേക്ഷിച്ച് ഈ വര്‍ഷം കുറവാണ്.

തൊഴിലില്ലായ്മ നിരക്ക് 0.3 ശതമാനം ഉയര്‍ന്ന് 5.4 ശതമാനമായി എന്ന് ഫെഡറല്‍ ഏജന്‍സി അറിയിച്ചു. എന്നാല്‍ ഹ്രസ്വകാല ജോലി വീണ്ടും ഗണ്യമായി വര്‍ധിച്ചു.

2022 ല്‍ തൊഴില്‍ വിപണിക്ക് നല്ല തുടക്കം ലഭിച്ചു. ജനുവരിയില്‍ തൊഴിലില്ലാത്തവരുടെ എണ്ണത്തില്‍ വര്‍ധനയുണ്ടായി, പക്ഷേ സാധാരണപോലെ ഉണ്ടായില്ലന്നും
ഫെഡറല്‍ എംപ്ളോയ്മെന്‍റ് ഏജന്‍സി അറിയിച്ചു. 2021 ജനുവരിയുമായി താരതമ്യപ്പെടുത്തുമ്പോള്‍, തൊഴിലില്ലാത്തവരുടെ എണ്ണം വളരെ കുറവാണ്. ഡിസംബറിനെ അപേക്ഷിച്ച് തൊഴിലില്ലായ്മ നിരക്ക് 0.3 ശതമാനം ഉയര്‍ന്ന് 5.4 ശതമാനമായി.

ഡിസംബറില്‍ ജര്‍മനിയില്‍ 2,330,000 പേർ രജിസ്റ്റർ ചെയ്തതായി ഫെഡറല്‍ എംപ്ളോയ്മെന്‍റ് ഏജന്‍സി പറഞ്ഞു.

ഹ്രസ്വകാല ജോലി വര്‍ധിക്കുന്നു

ഹ്രസ്വകാല ജോലി വീണ്ടും ഗണ്യമായി വര്‍ധിച്ചു. നിലവിലെ കണക്കുകള്‍ പ്രകാരം, ജനുവരി ഒന്നു മുതല്‍ ജനുവരി 26 വരെ 2,86,000 ആളുകള്‍ക്ക് കമ്പനികള്‍ ഹ്രസ്വകാല ജോലി റിപ്പോര്‍ട്ട് ചെയ്തു. പ്രധാനമായും റീട്ടെയില്‍, ഹോസ്പിറ്റാലിറ്റി വ്യവസായം എന്നിവയില്‍ നിന്നാണ് ഇതു വന്നതെന്ന് ഫെഡറല്‍ ഏജന്‍സി അറിയിച്ചു.

രണ്ടു വര്‍ഷം മുമ്പ് പൊട്ടിപുറപ്പെട്ട കോവിഡ് മഹാമാരി ജര്‍മ്മന്‍ തൊഴില്‍ വിപണിയെ വന്‍തോതില്‍ ബാധിച്ചു. ഗണ്യമായി വര്‍ധിച്ച തൊഴിലില്ലായ്മയ്ക്ക് പുറമേ, ദശലക്ഷക്കണക്കിന് ജീവനക്കാര്‍ക്കു ഹ്രസ്വകാല ജോലിക്ക് പോകേണ്ടതായും വന്നു.

ജോസ് കുമ്പിളുവേലില്‍

ഡെപ്യൂട്ടി ചീഫ് വിപ്പ് രാജിവച്ചു; ബോറിസ് ജോണ്‍സണ്‍ വീണ്ടും പ്രതിസന്ധിയില്‍.
ലണ്ടന്‍: കണ്‍സര്‍വേറ്റീവ് പാര്‍ട്ടിയുടെ ഡെപ്യൂട്ടി ചീഫ് വിപ്പ് ക്രിസ് പിഞ്ചര്‍ രാജിവച്ചതോടെ ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ കൂടുതല്‍ പ്രത
ജര്‍മനിയിലെ കോവിഡ് ടെസ്റ്റ് മാനദണ്ഡങ്ങളില്‍ മാറ്റം.
ബര്‍ലിന്‍: ജര്‍മനിയില്‍ സൗജന്യമായി കോവിഡ്~19 റാപ്പിഡ് ടെസ്ററ്എടുക്കാനുള്ള സൗകര്യം ഇനി എല്ലാവര്‍ക്കും ലഭ്യമാകില്ല.
സംസ്കാരവേദി മാര്‍ഗനിര്‍ദ്ദേശക വെബിനാര്‍.
തിരുവനന്തപുരം: കേരള കോണ്‍ഗ്രസ്(എം)സംസ്കാരവേദിയുടെ ആഭിമുഖ്യത്തില്‍ പ്ളസ്ടു വിദ്യാര്‍ത്ഥികള്‍ക്കുള്ള മാര്‍ഗനിര്‍ദ്ദേശക വെബിനാര്‍ ജൂലൈ 2 ശനിയാഴ്ച വൈകുന്
ഇയുവിൽ ജ്വലന എഞ്ചിന്‍ വാഹനങ്ങള്‍ ചരിത്രമാവും.
ബ്രസല്‍സ്: യുറോപ്യൻ യൂണിയൻ രാജ്യങ്ങളിൽ 2035 ഓടെ യൂറോപ്പില്‍ ജ്വലന എൻജിൻ വാഹനങ്ങൾ ചരിത്രത്തിൽ ഇടംപിടിക്കും.
ഗ്രേറ്റ് ബ്രിട്ടൻ രൂപതയിൽ യുവജന ക്യാമ്പ് നടത്തി.
ബിർമിങ്ഹാം : ഗ്രേറ്റ് ബ്രിട്ടൻ സീറോ മലബാർ രൂപത എസ് എം വൈ എമ്മിന്‍റെ നേതൃത്വത്തിൽ രൂപതയിലെ യുവതീ യുവാക്കൾക്കായി നടത്തിയ ത്രിദിന യുവജന ക്യാമ്പ് ‘മാർഗം