Deepika.com Nri News :ബിൻസ് രാജൻ - അർച്ച നിർമ്മൽ ഫണ്ട് ശേഖരണം അവസാനിച്ചു.......

Europe

ബിൻസ് രാജൻ അർച്ച നിർമ്മൽ ഫണ്ട് ശേഖരണം അവസാനിച്ചു

Back To NRI Home Forward This News Click here for detailed news of all items

ല‌ണ്ടൻ: യുകെയിലെ പൊതു സമൂഹത്തിൽ നിന്നും വളരെ ചെറുപ്രായത്തിൽ സ്വപ്നങ്ങളെല്ലാം ബാക്കി വച്ച് അകാലത്തിൽ നമ്മെ വിട്ടുപിരിഞ്ഞ പ്രിയപ്പെട്ട സഹോദരങ്ങളായ ബിൻസ് രാജൻ (31), അർച്ച നിർമ്മൽ (24) എന്നിവർ പകർന്ന വേദന യുകെയിലെ മലയാളി സമൂഹത്തിനൊപ്പം ഇംഗ്ലീഷുകാർ ഉൾപ്പടെയുള്ള ഇന്നാട്ടുകാരും നെഞ്ചിലേറ്റിയപ്പോൾ മൂന്നു ദിവസം കൊണ്ട് സഹായ നിധിയിലേക്ക് ഒഴുകിയെത്തിയ തുക നിക്ഷേപിച്ച സുമനസുകളുടെ മുന്നിൽ, വേർപിരിഞ്ഞു പോയവരുടെ പ്രിയപ്പെട്ട കുടുംബാംഗങ്ങളോടും സ്നേഹിതരോടുമൊപ്പം യുക്മ ദേശീയ സമിതിയും ലൂട്ടൺ കേരളൈറ്റ്സ് അസോസിയേഷനും ഹൃദയം നിറഞ്ഞ നന്ദി രേഖപ്പെടുത്തുന്നു.

പ്രിയപ്പെട്ടവരുടെ ഭൗതിക ശരീരങ്ങൾ നടപടി ക്രമങ്ങൾ പൂർത്തിയാക്കി നാട്ടിലേക്ക് അയക്കാനുള്ള കാര്യങ്ങൾ ചെയ്തു വരുന്നു. യുകെയിലെ ഇന്ത്യൻ ഹൈക്കമ്മീഷൻ, നോർക്ക തുടങ്ങിയ സർക്കാർ സംവിധാനങ്ങളും ഇക്കാര്യത്തിൽ യുക്മയ്ക്ക് ശക്തമായ പിന്തുണ നൽകി വരുന്നു.

മരിച്ചവരുടെ കുടുംബാംഗങ്ങളുടെ ആവശ്യപ്രകാരം അവരുടെ അനുമതിയോടെ ആരംഭിച്ച ഫണ്ട് ശേഖരണം മൂന്നു ദിവസത്തിനകം പൂർത്തിയാക്കുവാനുള്ള മുൻ തീരുമാനപ്രകാരമാണ് ലക്ഷ്യം വച്ചിരുന്ന തുകയായ 70000 പൗണ്ട് പൂർത്തിയാക്കിയപ്പോൾ ഇന്നലെ രാത്രി തന്നെ അവസാനിപ്പിച്ചത്.

പൊതു സമൂഹത്തിൽ നിന്നും ഇക്കഴിഞ്ഞ മൂന്നു ദിവസവും ലഭിച്ച എണ്ണിയാലൊടുങ്ങാത്ത ഫോൺ വിളികളിലെല്ലാം ഫണ്ട് ശേഖരണം നീട്ടിക്കൊണ്ടു പോകണമെന്ന അഭ്യർഥനയായിരുന്നു. മുൻ നിശ്ചയപ്രകാരം മൂന്നു ദിവസത്തിനുള്ളിൽ അവസാനിപ്പിക്കാൻ യുക്മ ദേശീയ സമിതി ലൂട്ടൺ കേരളൈറ്റ്സ് അസോസിയേഷൻ ഭാരവാഹികളുമായി ആലോചിച്ച് സംയുക്തമായാണ് ഈ തീരുമാനം എടുത്തത്.

ഫണ്ട് ശേഖരണം ആരംഭിച്ചപ്പോൾ നിശ്ചയിച്ചിരുന്ന തുക പൊതുസമൂഹത്തിന്‍റെ അഭ്യർഥന മാനിച്ച് ഉയർത്തേണ്ടി വന്നിരുന്നു. വിവിധ പ്രസ്ഥാനങ്ങൾ അവരവരുടെ സംഘടനാംഗങ്ങളിൽ നിന്നും ശേഖരിച്ച തുക കൂടി പൊതു ഫണ്ടിലേക്ക് നിക്ഷേപിക്കാൻ അവസരമൊരുക്കണമെന്ന് പ്രസ്തുത സംഘടനാ നേതൃത്വങ്ങളും ആവശ്യപ്പെട്ടിരുന്നു. ഇത്തരുണത്തിൽ ഇപ്രകാരം ഫണ്ട് ശേഖരിച്ച ഐഎംഎ ബാൻബറി, ഡിഎംഎ ഡോർസെറ്റ്, സൗത്തെൻഡ് മലയാളി അസോസിയേഷൻ തുടങ്ങിയ യുക്മ അംഗ അസോസിയേഷനുകൾക്ക് പ്രത്യേകം നന്ദി രേഖപ്പെടുത്തുന്നു.

യുക്മ ദേശീയ സമിതി അംഗ അസോസിയേഷനായ ലൂട്ടൺ കേരളൈറ്റ് അസോസിയേഷനുമായി കൂടിയാലോചിച്ച് ആരംഭിച്ച ഫണ്ട് ശേഖരണം എല്ലാ അംഗ അസോസിയേഷനുള്ളിലേക്കും മെയിൽ മുഖാന്തിരം എത്തിക്കുകയായിരുന്നു. യുകെയിലെ എല്ലാ മേഖലകളിലുമായി വ്യാപിച്ച് നിൽക്കുന്ന യുക്മയുടെ പോഷക സംഘടനകൾ ഉൾപ്പെടുന്ന സംഘടനാ സംവിധാനം കൃത്യമായും ആത്മാർത്ഥമായും പ്രവർത്തിച്ചാണ് ഫണ്ട് ശേഖരണം വിജയിപ്പിച്ചത്. ഇക്കാര്യത്തിന് യു കെയിലെ പൊതു സമൂഹവും, യുക്മ സഹയാത്രികരും, മറ്റ് സംരംഭകരും കലവറയില്ലാത്ത പിന്തുണ നൽകുകയായിരുന്നു. കൂടാതെ നിരവധിയായ സ്ഥാപനങ്ങളും വ്യക്തികളും ആത്മാർത്ഥമായി ഇക്കാര്യത്തിന് ഞങ്ങളോടൊപ്പം സഹകരിച്ചിട്ടുണ്ട്.

ഗ്ലോസ്റ്ററിന് സമീപം ചെൽറ്റൻഹാമിലുണ്ടായ കാറപകടത്തിൽ എറണാകുളം മൂവാറ്റുപുഴയ്ക്ക് സമീപം കുന്നയ്ക്കാൽ സ്വദേശി ബിൻസ് രാജൻ (32), കൊല്ലം സ്വദേശി അർച്ച നിർമ്മൽ എന്നിവർ മരിച്ചത്. ബിൻസ് രാജൻ അനഘ ദമ്പതികളുടെ കുട്ടി ഇപ്പോഴും ഗുരുതരാവസ്ഥയിൽ കഴിയുകയാണ്. കാറിലുണ്ടായിരുന്ന മറ്റുള്ളവർ അപകടനില തരണം ചെയ്തു കഴിഞ്ഞു.

കഴിഞ്ഞ വർഷം ഓഗസ്റ്റ് മാസത്തിലാണ് ബിൻസ് രാജനും ഭാര്യ അനഖയും രെു വയസുള്ള കുട്ടിയുമൊത്ത് യുകെയിലെത്തിയത്. അർച്ചന ഭർത്താവ് നിർമ്മലുമൊന്നിച്ച് പഠനത്തിനാണ് യു കെയിലെത്തിയത്. അനഘയും അർച്ചയും ലൂട്ടൺ യൂണിവേഴ്സിറ്റിയിലെ വിദ്യാർഥികളാണ്.

യുഡിഎഫ് യുകെ സംഘടിപ്പിച്ച തെരഞ്ഞെടുപ്പ് കൺവൻഷൻ മാത്യു കുഴൽനാടൻ ഉദ്ഘാടനം ചെയ്തു.

ലണ്ടൻ: യുകെയിലെ വിവിധ യുഡിഎഫ് അനുകൂല പ്രവാസി സംഘടനകളുടെ കൂട്ടായ്മയായ യുഡിഎഫ് യുകെയുടെ നേതൃത്വത്തിൽ ലോക്സഭ തെരഞ്ഞ

ഫ്രാങ്ക്ഫര്‍ട്ട് സ്പോര്‍ട്സ് ഫെറൈന്‍ പുതിയ ഭാരവാഹികളെ തെരഞ്ഞെടുത്തു.

ഫ്രാങ്ക്ഫര്‍ട്ട്: ഇന്ത്യന്‍ സ്പോര്‍ട്സ് ആന്‍ഡ് ഫാമിലിയന്‍ ഫെറൈന്‍റെ വാര്‍ഷിക പൊതുയോഗവും പുതിയ ഭാരവാഹികളുടെ തെരഞ്ഞെ

ലോക്സഭാ തെരഞ്ഞെടുപ്പിൽ ഒഐസിസി അയർലൻഡും പങ്കാളികളായി.

ഡബ്ലിൻ: ഇന്ത്യയിൽ നടക്കുന്ന ലോക്സഭാ തെരഞ്ഞെടുപ്പിൽ കേരളത്തിന്‍റെ വിവിധ ഭാഗങ്ങളിൽ ഒഐസിസി അയർലൻഡിന്‍റെ പ്രവർത്തകരും അനുഭ

കാലാവസ്ഥാ വ്യതിയാനത്തിൽ നട്ടംതിരിഞ്ഞ് ജര്‍മനി.

ബര്‍ലിന്‍: കാലാവസ്ഥാ വ്യതിയാനത്തിലുണ്ടായ റിക്കാർഡ് ചൂട് മരണങ്ങളും വെള്ളപ്പൊക്കവും ജര്‍മനിയെ ഏറെ ബാധിച്ചു.

ക്നാനായ കാത്തലിക് മിഷൻ കുടുംബ സംഗമം വാഴ്വ് 2024ന് സമാപനം.

ലണ്ടൻ: ക്നാനായ കാത്തലിക് മിഷൻ യുകെയുടെ നേതൃത്വത്തിൽ നടത്തിയ രണ്ടാമത് "കുടുംബ സംഗമം വാഴ്വ് 2024 ന് ' ഗംഭീര പരിസമാപ്തി.