കുവൈറ്റ് സിറ്റി: സിറ്റി ഹോളി ഫാമിലി കത്തീഡ്രലിൽ ജനുവരി 14 വെള്ളിയാഴ്ച കുവൈറ്റ് മലങ്കര റൈറ്റ് മൂവ്മെന്‍റി(കെഎംആർഎം)ന്‍റെ ആത്മീയ ഉപദേഷ്ടാവ് ഫാ. ജോണ് തുണ്ടിയത്തിന്‍റെ മുൻപാകെ 28ാമത് ഭരണസമിതി സത്യപ്രതിജ്ഞ ചെയ്തു. വിശുദ്ധ കുർബാനയ്ക്കു മുൻപ് നടന്ന ചടങ്ങിൽ ജോസഫ് കെ. ഡാനിയേൽ പ്രസിഡന്‍റായും, മാത്യു കോശി ജനറൽ സെക്രട്ടറിയായും, ജിമ്മി എബ്രഹാം ട്രഷറർ ആയും ചുമതലയേറ്റു.
ബിജി കെ. എബ്രഹാം (സീനിയർ വൈസ് പ്രസിഡന്‍റ്), ജിമ്മി ഇടിക്കുള, ജിജോ ജോണ് (വൈസ് പ്രസിഡന്‍റുമാർ), പ്രിൻസ് ടി കുഞ്ഞുമോൻ (വർക്കിംഗ് സെക്രട്ടറി) സജിമോൻ ഇ.എം. (ഓഫിസ് സെക്രട്ടറി), മാത്യു റോയ്, ഡെന്നിസ് ജോണ് മാത്യു (ജോയിന്റ് ട്രഷറർ), തോമസ് ജോണ്(ജോജോ), ജോസ് വർഗീസ്, ജിബി എബ്രഹാം, ബിനു എബ്രഹാം (ഏരിയ പ്രെസിഡന്‍റ്മാർ), നോബിൻ ഫിലിപ്പ് (എം സി വൈ എം പ്രസിഡന്‍റ്), ബിന്ദു മനോജ് (മാതൃവേദി (എഫ് ഓ എം) പ്രസിഡന്‍റ്), കോശി മുളമൂട്ടിൽ (എസ് എം സി എഫ് ഹെഡ് മാസ്റ്റർ), തോമസ് ചാക്കോ (ചീഫ് ഓഡിറ്റർ), ആൻസി ലിജു എബ്രഹാം , ജോസ് കെ. ജോണ് (ഓഡിറ്റർമാർ), ജുബിൻ പി. മാത്യു (ചീഫ് ഇലക്ഷൻ കമ്മീഷൻ) എന്നിവരും സത്യപ്രതിജ്ഞ ചെയ്തു ചുമതലയേറ്റു.
വിശുദ്ധ കുർബാനയ്ക്കു ശേഷം നടന്ന ചടങ്ങിൽ കെഎംആർഎമ്മിന്‍റെ ആത്മീയ ഉപദേഷ്ടാവ് ഫാ. ജോണ് തുണ്ടിയത്ത് അനുഗ്രഹ പ്രഭാഷണം നടത്തി. ചുമതലയൊഴിഞ്ഞ മുൻ പ്രസിഡന്‍റ് അലക്സ് വർഗീസ്, 2022 മത് മാനേജിംഗ് കമ്മിറ്റിക്കു ആശംസകൾ അറിയിച്ചു. മുൻ ജനറൽ സെക്രട്ടറി ലിബു ജോണ്, പങ്കെടുത്ത എല്ലാവർക്കും നന്ദിയും അർപ്പിച്ചുകൊണ്ട് ചടങ്ങിന് സമാപ്തിയായി.
ജോസഫ് ജോണ് കാൽഗറി
|