• Logo

Allied Publications

Americas
പന്നിയുടെ ഹൃദയം മനുഷ്യനിൽ; ബാൾട്ടിമോർ ഡോക്ടർമാർ ചരിത്രം കുറിച്ചു
Share
ബാൾട്ടിമോർ(മേരിലാൻഡ്): ലോകത്താദ്യമായി പരീക്ഷണാർഥം പന്നിയുടെ ഹൃദയം മനുഷ്യനിൽ വച്ചുപിടിപ്പിച്ച മേരിലാൻഡ് സ്കൂൾ ഓഫ് മെഡിസിനിലെ ഡോക്ടർമാർ ചരിത്രം കുറിച്ചു.

ഡേവിഡ് ബെന്നറ്റ് എന്ന അന്പത്തേഴുകാരനായ രോഗിയിൽ ജനുവരി എട്ടിനായിരുന്നു ശസ്ത്രക്രിയ. ശസ്ത്രക്രിയയ്ക്കുശേഷം മൂന്നാം ദിവസവും രോഗി സുഖമായിരിക്കുന്നുവെന്ന് ജനുവരി 10നു ഡോക്ടർമാർ പുറത്തുവിട്ട അറിയിപ്പിൽ പറയുന്നു. ഇതു സംബന്ധിച്ചുള്ള ചിത്രങ്ങളും പ്രസിദ്ധീകരണത്തിനു നൽകിയിരുന്നു.

ജീവിക്കും എന്ന് യാതൊരു ഉറപ്പും ലഭിക്കാതെയാണ് ശസ്ത്രക്രിയക്ക് വിധേയനാക്കിയത്. ട്രാൻസ്പ്ലാന്‍റ് ശസ്ത്രക്രിയ നടത്തിയില്ലായിരുന്നുവെങ്കിൽ മരണം സുനിശ്ചിതവുമായിരുന്നു. മരണത്തെ അഭിമുഖമായി കണ്ടിരുന്ന ഡേവിഡിനെ ജീവിതത്തിലേക്കു തിരികെ കൊണ്ടുവരാനാകുമോ എന്ന പരീക്ഷണമായിരുന്നു ഇതെന്നും ഡോക്ടർമാർ കൂട്ടിചേർത്തു.

പതിറ്റാണ്ടുകളായി ഇതിനെകുറിച്ചു പഠനങ്ങളും ഗവേഷണങ്ങളും നടന്നുവരികയായിരുന്നുവെന്നും മൃഗങ്ങളുടെ ശാരീരികാവയവങ്ങൾ മനുഷ്യനിൽ എങ്ങനെ വച്ചുപിടിപ്പിക്കണം എന്നതിൽ ഒരു പരിധിവരെ വിജയം കൈവരിക്കാൻ കഴിഞ്ഞതായും ശസ്ത്രക്രിയയ്ക്ക് നേതൃത്വം നൽകിയ ഡോക്ടർമാർ പറഞ്ഞു.

ഈ പരീക്ഷണം വിജയിക്കുകയാണെങ്കിൽ മരണത്തെ അഭിമുഖീകരിക്കുന്ന നിരവധി പേരെ രക്ഷിക്കാനാകുമെന്ന് മേരിലാൻഡ് ട്രാൻസ് പ്ലാന്‍റ് പ്രോഗ്രാം സയന്‍റിഫിക് ഡയറക്ടർ ഡോ. മുഹമ്മദ് മൊയ്ദുൻ പറഞ്ഞു.

മനുഷ്യ അവയവദാനത്തിന് ലഭ്യ‌ത കുറഞ്ഞുവരുന്ന സാഹചര്യത്തിലാ‌ണ് മൃഗങ്ങളുടെ അവയവം വച്ചുപിടിപ്പിക്കുന്നതിനുള്ള ഗവേഷണങ്ങൾ ആരംഭിച്ചത്. കഴിഞ്ഞവർഷം അമേരിക്കയിൽ 3800 ഹൃദയം മാറ്റിവയ്ക്കൽ ശസ്ത്രക്രിയ വിജയകരമായി പൂർത്തിയാക്കിയിട്ടുണ്ട്.

പി.പി. ചെറിയാൻ

സ്‌കൂള്‍ വെടിവയ്പില്‍ കൊല്ലപ്പെട്ട അധ്യാപികയുടെ ഭര്‍ത്താവ് കുഴഞ്ഞുവീണു മരിച്ചു.
ടെക്സസ്: ടെക്സസ് സ്കൂള്‍ വെടിവയ്പ്പില്‍ കൊല്ലപ്പെട്ട രണ്ടു അധ്യാപകരില്‍ ഒരാളായ ഇര്‍മാ ഗാര്‍സിയായുടെ ഭര്‍ത്താവ് സംസ്‌കാര ചടങ്ങുകള്‍ക്കുള്ള ഒരുക്കങ്ങള്‍
ഉവെള്‍ഡ സ്‌കൂള്‍ വെടിവെപ്പില്‍ ഉപയോഗിച്ച തോക്കിന്റെ വില 2000 ഡോളര്‍, ചിത്രം പുറത്തുവിട്ട് അധികൃതര്‍.
ടെക്സസ്: നിരപരാധികളായ 19 കുരുന്നുകളുടെയും രണ്ട് അധ്യാപികമാരുടെയും ജീവന്‍ കവര്‍ന്നെടുത്ത തോക്കിന് വിലയായി നല്‍കിയത് 2000 ഡോളര്‍.
ഹാജർ നിലയിൽ ഉന്നത നിലവാരം പുലർത്തിയ കുട്ടികളെ ആദരിച്ചു.
ഷിക്കാഗോ : സെന്‍റ് മേരീസ് ക്നാനായ കത്തോലിക്കാ ദേവാലയത്തിലെ മതബോധന സ്കൂളിൽ ഈ അധ്യയന വർഷത്തിൽ ഹാജർ നിലയിൽ ഉന്നതനിലവാരം പുലർത്തിയ കുട്ടികളെ ആദരിച്ചു .
കേരള അസോസിയേഷൻ ഓഫ് ന്യൂജഴ്‌സി മാതൃദിനാഘോഷങ്ങൾ ഹൃദ്യമായി.
ന്യൂജഴ്‌സി : അമേരിക്കയിലെ ഏറ്റവും വലിയ മലയാളി സംഘടനകളിൽ ഒന്നായ കേരള അസോസിയേഷൻ ഓഫ് ന്യൂജഴ്‌സി (കാൻജിന്‍റെ) മാതൃദിന ആഘോഷങ്ങൾ നടത്തപ്പെട്ടു, പ്രസിഡന്‍റ