Deepika.com Nri News :ഷാജി വർഗീസ് ഫൊക്കാന എക്സിക്യൂട്ടീവ് വൈസ് പ്രസിഡന്‍റ് സ്ഥാനാർഥി.......

Americas

ഷാജി വർഗീസ് ഫൊക്കാന എക്സിക്യൂട്ടീവ് വൈസ് പ്രസിഡന്‍റ് സ്ഥാനാർഥി

Back To NRI Home Forward This News Click here for detailed news of all items

ന്യൂജേഴ്‌സി: ഫൊക്കാനയുടെ 202224 ഭരണസമിതി തെരഞ്ഞെടുപ്പിൽ എക്സിക്യൂട്ടീവ് വൈസ് പ്രസിഡന്‍റായി ന്യൂജേഴ്‌സിയിൽ നിന്ന് ഷാജി വർഗീസ് മത്സരിക്കുന്നു. മലയാളി അസോസിയേഷൻ ഓഫ് ന്യൂജേഴ്സി ( മഞ്ച് ) സ്ഥാപക നേതാവും പ്രഥമ പ്രസിഡന്‍റും നിലവിലെ ട്രസ്റ്റി ബോർഡ് ചെയമാനുമായ ഷാജി വർഗീസ് മഞ്ചിനെ പ്രതിനിധീകരിച്ചാണ് മത്സര രംഗത്തുള്ളത്. മഞ്ച് എക്സിക്യൂട്ടീവ് ഷാജിക്ക് എല്ലാ വിധ പിന്തുണയും നൽകിക്കഴിഞ്ഞു. അടുത്ത മാസം ചേരുന്ന ജനറൽ ബോഡി യോഗത്തിൽ ഷാജിയുടെ സ്ഥാനാർത്ഥിത്വത്തിന് പൂർണ അംഗീകാരം നൽകും.

ന്യൂജേഴ്‌സിയിലെ പ്രമുഖ സംഘടനാനേതാവും സാമൂഹിക പ്രവർത്തകനുമായ ഷാജി വർഗീസിന്‍റെ നേതൃത്വത്തിലാണ് മഞ്ച് എന്ന സംഘടന ന്യൂജേഴ്‌സിയിൽ രൂപീകരിക്കപ്പെടുന്നത്. സംഘടന രൂപീകൃതമായ കാലം മുതൽ ന്യൂജേഴ്സിയിലെ സാമൂഹിക സാംസ്‌കാരിക ജീവകാരുണ്യ പ്രവർത്തന കർമ്മ മേഖലയിൽ പകരം വയ്ക്കാനില്ലാത്ത സംഘടനയായി വളർത്തിക്കൊണ്ടു വരുവാൻ ഷാജിയുടെ നേതൃത്വത്തിന് കഴിഞ്ഞു. ചുരുങ്ങിയ കാലം കൊണ്ട് ഫൊക്കാനയുടെ ഗതിവിഗതികൾ നിയയന്ത്രിക്കുന്ന ചുറുചുറുക്കുള്ള ചെറുപ്പക്കാരായ നേതാക്കന്മാരെ സമ്മാനിക്കാനും മഞ്ചിനു കഴിഞ്ഞു.

സംഘടനയുടെ പ്രഥമ പ്രസിഡന്‍റ് ആയിരുന്ന ഷാജി, ഫൊക്കാനയുടെ കാനഡ കൺവൻഷനോടനുബന്ധിച്ചു നടന്ന തെരഞ്ഞെടുപ്പിൽ ട്രഷറർ ആയി തെരഞ്ഞെടുക്കപ്പെട്ടു. തമ്പി ചാക്കോ പ്രസിഡന്‍റ് ആയിരുന്ന 201618 കാലയളവിൽ ഫൊക്കാന ട്രഷറർ ആയിരുന്ന ഷാജിയുടെ നേതൃത്വത്തിൽ ഒട്ടേറെ ജീവകാരുണ്യ പ്രവർത്തനങ്ങളാണ് ഫൊക്കാനയിൽ നടന്നത്.

കേരളത്തിലും അമേരിക്കയിലും ഒട്ടനവധി ജനോപകാരപ്രദമായ പ്രവർത്തനങ്ങൾ അക്കാലത്ത് നടപ്പിൽ വരുത്തുന്നതിനു നേതൃത്വം നൽകാനും ഷാജിക്ക് കഴിഞ്ഞു. ന്യൂജേഴ്‌സിയിലെ നിരവധിയായ കർമ്മമണ്ഡലങ്ങളിൽ അറിയപ്പെടുന്ന വ്യക്തികൂടിയായ ഷാജി പിന്നീട് ഫൊക്കാന നാഷണൽ കമ്മിറ്റി അംഗവുമായി . നിലവിൽ ജോർജി വർഗീസ് ടീമിലെ ന്യൂജേഴ്‌സി റീജണൽ വൈസ് പ്രസിഡന്‍റ് ആണ് ഷാജി.

മഞ്ചിനെ ന്യൂജേഴ്സിയിലെ ഏറ്റവും മികച്ച സംഘടനകളിലൊന്നാക്കി വളർത്തിക്കൊണ്ടുവരുവാൻ ഷാജിയുടെ നേതൃത്വത്തിന് കഴിഞ്ഞു. ഫൊക്കാനയിലെ ഏറ്റവും സ്വാധീനവും പെരുമയുമുള്ള അംഗസംഘടനയായി മഞ്ചിനെ വളർത്തിക്കൊണ്ടുവരുന്നതിൽ ഷാജിയുടെ പങ്ക് ഏറെ നിസ്തുലമാണെന്ന് മഞ്ച് പ്രസിഡന്‍റ് മനോജ് വാട്ടപ്പള്ളിൽ പറഞ്ഞു. ചുറുചുറുക്കുള്ള ചെറുപ്പക്കാരുടെ സാന്നിധ്യമാണ് മഞ്ചിനെ ഫോക്കാനയുടെ അവിഭാജ്യഘടകമാക്കി മാറ്റാൻ കാരണമായത്. അതിനായി ഷാജി വഹിച്ച പങ്കിനുള്ള അംഗീകാരമായിട്ടാണ് അദ്ദേഹത്തെ ഫൊക്കാനയുടെ എക്സിക്യൂട്ടീവ് വൈസ് പ്രസിഡന്‍റ് സ്ഥാനത്തേക്ക് മത്സരിപ്പിക്കാൻ പിന്തുണ നൽകുന്നതെന്നും മഞ്ച് എക്സിക്യൂട്ടീവ് ഭാരവാഹികൾ വ്യക്തമാക്കി.

മലങ്കര ഓർത്തോഡോക്സ് സുറിയാനി സഭയുടെ നോർത്ത് ഈസ്റ്റ് ഭദ്രാസനത്തിൽ കൗൺസിൽ മെമ്പർ ആയി 5 വർഷം പ്രവർത്തിച്ചിട്ടുള്ള ഷാജി നാട്ടിൽ സഭയുടെ വിദ്യാർഥി പ്രസ്ഥാനമായ എംജിസി.എസ്എമ്മിന്‍റെ സജീവ പ്രവർത്തകനായിരുന്നു.

കോട്ടയം ബസേലിയോസ് കോളജിൽ നിന്നാരംഭിച്ച യൂണിയൻ പ്രവർത്തനങ്ങളിൽ നിന്ന് ലഭിച്ച ഊർജ്ജമാണ് അദ്ദേഹത്തെ ഒരു മികച്ച സംഘടനാ പ്രവർത്തകനാക്കി മാറ്റിയത്.മെട്രോട്രെസ്‌ ഇൻഫ്രസ് സ്ട്രക്ചറിന്‍റെ മാർക്കറ്റിംഗ് മാനേജർ ആയിരുന്ന ഷാജി പിന്നീട് അക്കൗണ്ടന്‍റ് എക്സിക്യൂട്ടീവ് ആയി ഗൾഫിലേക്ക് തന്‍റെ പ്രവർത്തനമേഖല മാറ്റി. 1992ൽ അമേരിക്കയിൽ എത്തിയ അദ്ദേഹം ഇപ്പോൾ ഒരു ഹെൽത്ത് കെയർ കമ്പനിയിൽ ഐടിമാനേജർ ആയി പ്രവർത്തിക്കുന്നു.

ഭാര്യ : സൂസൻ വർഗീസ് ( ഹെൽത്ത് കെയർ പ്രഫഷണൽ, യൂണിവേഴ്സിറ്റി ഹോസ്പിറ്റൽ, ന്യൂവാർക്ക്) . മക്കൾ: റ്റിഫണി, ടാനിയ, ടിയ.

ഫ്രാൻസിസ് തടത്തിൽ

ഫിലഡൽഫിയ സെന്‍റ് തോമസ് മലങ്കര ഓർത്തഡോക്സ് പള്ളിയിൽ ഫാമിലി & യൂത്ത് കോൺഫറൻസ് രജിസ്ട്രേഷൻ ആരംഭിച്ചു.

ഫിലഡൽഫിയ (പെൻസിൽവേനിയ): മലങ്കര ഓർത്തഡോക്സ് സുറിയാനി സഭയുടെ
നോർത്ത് ഈസ്റ്റ് അമേരിക്കൻ ഭദ്രാസനത്തിന്‍റെ ആഭിമുഖ്

മുഹമ്മദ് സീനാന് ഡാളസിൽ സംയുക്ത സ്വീകരണം നൽകി.

ഡാളസ്: ലോക സഞ്ചാരി മുഹമ്മദ് സീനാന് വേൾഡ് മലയാളി കൗൺസിൽ ഡാളസ് പ്രൊവിൻസ് , മസാല ട്വിസ്റ്റ് ഇന്ത്യൻ റസ്റ്റോറന്‍റ് യൂത്ത

തോമസ് മാലക്കരയുടെ നോവൽ പ്രകാശനം ചെയ്തു.

എഡ്മന്‍റൺ: മാത്യു മാലക്കര എഴുതിയ "ലൈവ്‌സ് ബിഹൈൻഡ് ലോക്കഡ് ഡോർസ്'എന്ന നോവൽ എഡ്‌മന്‍റണിൽ പ്രകാശനം ചെയ്‌തു.

തോമസ് മാലക്കരയുടെ നോവൽ പ്രകാശനം ചെയ്തു.

ആക്സിലറേറ്റർ പെഡൽ തകരാർ: 3,878 വാഹനങ്ങൾ തിരിച്ചുവിളിച്ച് ടെസ്‌ല.

ന്യൂയോർക്ക്: ആക്‌സിലറേറ്റർ പെഡലിൽ തകരാർ കണ്ടെത്തിയതിനെ തുടർന്ന് ടെസ്‌ല 3,878 സൈബർട്രക്കുകൾ തിരിച്ചുവിളിക്കും.