കുവൈറ്റ് സിറ്റി: ജിസിസിയിലെ പ്രമുഖ ഹൈപ്പർ മാർക്കറ്റ് ശൃഖലയായ ഗ്രാൻഡ് ഹൈപ്പർ കുവൈറ്റിലെ 26ാമത് ശാഖ സുലൈബിയയിൽ തുറന്നു. സുലൈബിയ ബ്ലോക്ക് 2 ഇൻഡസ്ട്രിയൽ ഏരിയയിൽ ഏകദേശം 10,000 ചതുരശ്ര അടി വിസ്തൃതിയിൽ ഒരൊറ്റ ഫ്ളോറിൽ സ്ഥിതി ചെയ്യുന്ന സ്റ്റോർ വ്യാഴാഴ്ച രാവിലെ 10ന് ഉദ്ഘാടനം ചെയ്?തു. ഗ്രാൻഡ് ഹൈപ്പർ ചെയർമാൻ ജാസ്‌സിം മുഹമ്മദ് ഖമീസ് അൽ ശറഹ്, ഗ്രാൻഡ് ഹൈപ്പർ എം.ഡി അൻവർ ആമീൻ ചേലാട്ട്, എക്സിക്യൂട്ടീവ് ഡയറക്ടർ അബൂബക്കർ, കുവൈറ്റ് റീജണൽഡയറക്ടർ അയ്യൂബ് കച്ചേരി, റീറ്റെയ്ൽ ഓപ്പറേഷൻസ് ഡയറക്ടർ തഹ്സീർ അലി, അസ്ലം ചേലാട്ട്, സിഇഒ മുഹമ്മദ് സുനീർ, സിഒഒ റാഹിൽ ബാസിം, സാനിൻ വസീം തുടങ്ങിയവർ ഉദ്ഘാടന ചടങ്ങിൽ സംബന്ധിച്ചു.
റീജൻസി ഗ്രൂപ്പിന്‍റെ 78ാമത് റീട്ടെയ്ൽ ഔട്ട് ലെറ്റാണിത്. ഉദ്ഘാടനത്തോടനുബന്ധിച്ച് വന്പൻ വിലക്കുറവാണ്പ്രഖ്യാപിച്ചിട്ടുള്ളത്. ഇടനിലക്കാരില്ലാതെ ഉൽപാദന കേന്ദ്രളിൽനിന്നും നേരിട്ട് ഉപഭോക്താക്കളിലേയ്ക്ക് എത്തിക്കുന്നതിനാലാണ് വിലക്കുറവിൽ നൽകാൻ കഴിയുന്നതെന്ന് മാനേജ്മെൻറ് വ്യക്തമാക്കി. ഇടനിലക്കാർക്ക് നൽകേണ്ട ലാഭവിഹിതം വിലക്കുറവായും സമ്മാനപദ്ധതികളായും ഉപഭോക്താക്കൾക്ക് നൽകാൻ കഴിയുന്നു. ഒപ്പംഗുണനിലവാരവും കാത്തുസൂക്ഷിക്കുന്നു.
ഓണ്‍ലൈനായി ബുക്ക് ചെയ്താൽ കുവൈറ്റിലെവിടെയും സാധനങ്ങൾ വീട്ടിലെത്തിച്ചുകൊടുക്കുന്നതിനുള്ള സംവിധാനവും ഗ്രാൻഡ് ഏർപ്പെടുത്തിയിട്ടുണ്ടെന്ന് മാനേജ്?മെൻറ് അറിയിച്ചു. ഭക്ഷ്യ, ഭക്ഷ്യേതര ഉൽപ്പന്നങ്ങൾ, അന്താരാഷ്ട്ര ബ്രാൻഡിലുള്ള ഇലക്ട്രോണിക്സ് ഉപകരണങ്ങൾ, ഗൃഹോപകരണങ്ങൾ, പ്രമുഖ യൂറോപ്യൻഡിസൈനർമാരുടെ വസ്ത്രശേഖരം, ഫുട്വെയർ, ആരോഗ്യ സൗന്ദര്യ സംരക്ഷണ ഉൽപ്പന്നങ്ങൾ, നിത്യോപയോഗ സാധനങ്ങൾ, മത്സ്യം, മാംസം, പച്ചക്കറികൾ, ഫാഷൻ വസ്?തുക്കൾ തുടങ്ങി എല്ലാ വിഭാഗങ്ങളിലും ഏറ്റവും മികച്ച ഉൽപ്പന്നങ്ങളുടെ വിപുലമായ ശേഖരമാണുള്ളത്. റീജൻസി ഗ്രൂപ്പ് കുവൈറ്റിൽ 2025 ഓടെ 50 സ്?റ്റോറുകൾ തുറക്കാൻ പദ്ധതിയിടുന്നതായി റീജൻസി ഗ്രൂപ്പ് എം.ഡി ഡോ. അൻവർ അമീൻ പറഞ്ഞു.
സലിം കോട്ടയിൽ
|