• Logo

Allied Publications

Europe
പന്ത്രണ്ടാമത് യുക്മ ദേശീയ കലാമേളക്ക് ഇന്നു തുടക്കം
Share
ല‌ണ്ടൻ: പന്ത്രണ്ടാമത് യുക്മ ദേശീയ കലാമേളയുടെ ഔപചാരികമായ ഉദ്ഘാടനം ഡിസംബർ 18നു (ശനി) നെടുമുടി വേണു നഗറിൽ (വെർച്വൽ പ്ലാറ്റ്ഫോം) രാവിലെ 11.30 നു നടക്കും.പ്രശസ്ത സാഹിത്യകാരി സാറാ ജോസഫ് കലാമേളയുടെ ഔപചാരികമായ ഉദ്ഘാടനം നിർവഹിക്കും. യുക്മ ഫെയ്സ് ബുക്ക് പേജിലൂടെ വൈകുന്നേര അഞ്ചി (ഇന്ത്യ) നായിരിക്കും ഉദ്ഘാടന സമ്മേളനം നടക്കുന്നതതെന്ന് യുക്മ പ്രസിഡൻ്റ് മനോജ് കുമാർ പിള്ള അറിയിച്ചു.

യുക്മ ദേശീയ കലാമേളയുടെ ഉദ്ഘാടന സമ്മേളനത്തിൽ പ്രമുഖ ടിവി ആർട്ടിസ്റ്റും നർത്തകിയുമായ അനുശ്രീ എസ്. നായർ അവതാരകയാകും. യുക്മ ദേശീയ വൈസ് പ്രസിഡന്‍റ് അഡ്വ. എബി സെബാസ്റ്റ്യൻ സ്വാഗതം ആശംസിക്കും. യുകെയിലെ പ്രശസ്ത നർത്തകി മഞ്ജു സുനിലിൻ്റെ വെൽക്കം ഡാൻസിനെ തുടർന്ന് യുക്മ പ്രസിഡന്‍റ് മനോജ്കുമാർ പിള്ള അദ്ധ്യക്ഷത വഹിക്കുന്ന ചടങ്ങിൽ പ്രശസ്ത സാഹിത്യകാരി പ്രഫ. സാറാ ജോസഫ് പന്ത്രണ്ടാമത് യുക്മ ദേശീയ കലാമേളയുടെ ഔപചാരികമായ ഉദ്ഘാടനം നിർവഹിക്കും. കലാമേളയുടെ രജിസ്ട്രേഷൻ്റെ ചുമതല വഹിച്ചിരുന്ന ജോയിൻറ് സെക്രട്ടറി സാജൻ സത്യൻ നിലവിളക്ക് തെളിക്കും. യുക്മ കലാമേള 2021 നെക്കുറിച്ച് ദേശീയ വൈസ് പ്രസിഡൻറ് ലിറ്റി ജിജോ അവലോകനം നടത്തും. യുക്മ നാഷണൽ ജനറൽ സെക്രട്ടറി അലക്സ് വർഗീസ് നന്ദി പറയും.

തുടർന്നു ജൂ‌ണിയർ വിഭാഗം ഫോക്ക് ഡാൻസ് മത്സരങ്ങൾ സംപ്രേക്ഷണം ചെയ്യും. തുടർന്നുള്ള ദിവസങ്ങളിൽ കലാമേളയിലെ മത്സരാർഥികളുടെ പ്രകടനങ്ങൾ യുക്മ ഫെയ്സ് ബുക്ക് പേജിലൂടെ സംപ്രേക്ഷണം ചെയ്യും. വിധി നിർണയം പൂർത്തിയാക്കി വിജയികൾക്ക് സമ്മാനങ്ങളും വിതരണം ചെയ്യും.

ഉദ്ഘാടന പരിപാടികളിലേക്ക് യുകെയിലെയും ലോകമെങ്ങുമുള്ള എല്ലാ കലാ സ്നേഹികളെയും സഹൃദയരേയും യുക്മ ദേശീയ സമിതിക്കു വേണ്ടി ജനറൽ സെക്രട്ടറി അലക്സ് വർഗീസ് സ്വാഗതം ചെയ്തു.

മേരി ആന്‍റണി റോയ്സ്റ്റൺ ടൗൺ മേയർ.
ലണ്ടൻ: റോയ്സ്റ്റൺ ടൗൺ മേയറായി മലയാളിയായ മേരി ആന്‍റണി തെരഞ്ഞെടുക്കപ്പെട്ടു.
അഭയാര്‍ഥി അപേക്ഷകളില്‍ ജര്‍മനി മൂന്നിലൊന്നു നിരസിച്ചു.
ബെര്‍ലിന്‍: അഭയാര്‍ഥി അപേക്ഷകളിന്മേൽ ജർമനി നിരസിച്ച മൂന്നിലൊന്ന് അപേക്ഷകൾ അപ്പീലില്‍ വിജയിച്ചു.
യൂറോ വിഷന്‍ സംഗീത മല്‍സരത്തില്‍ യുക്രെയ്ന് ഒന്നാം സ്ഥാനം.
ബെർലിൻ: റഷ്യൻ ആക്രമണം തുടരുന്പോഴും റാപ്പിംഗും ബ്രേക്ക് ഡാന്‍സുമായി യുക്രേനിയക്കാര്‍ അരങ്ങു തകര്‍ത്ത് സംഗീത മനോവീര്യം വര്‍ധിപ്പിച്ച് യൂറോവിഷന്‍ സംഗ
വെസ്റ്റ്ഫാളിയ തെരഞ്ഞെടുപ്പില്‍ സിഡിയുവിനു വിജയം.
ബെര്‍ലിന്‍: ജര്‍മനിയിലെ ഏറ്റവും കൂടുതല്‍ ജനസാന്ദ്രതയുള്ള സംസ്ഥാനമായ നോര്‍ത്ത് റൈന്‍ വെസ്റ്റ്ഫാളിയൻ അസംബ്ളി തെരഞ്ഞെടുപ്പില്‍ സിഡിയു ഒന്നാമതെത്തി.
ദേവസഹായം പിള്ള ഇനി വിശുദ്ധൻ.
വത്തിക്കാന്‍സിറ്റി: വാഴ്ത്തപ്പെട്ട ദേവസഹായം പിള്ളയെ വിശുദ്ധനായി പ്രഖ്യാപിച്ചു. വത്തിക്കാനിലെ സെന്‍റ് പീറ്റേഴ്സ് ചത്വരത്തില്‍ ഞായറാഴ്ച രാവിലെ 9.