• Logo

Allied Publications

Europe
വിശുദ്ധിയാണ് സൗന്ദര്യം, സമ്പൂർണമായി വചനം ശ്രവിക്കുന്നതിലൂടെയാണ് ഒരു വ്യക്തിക്ക് വിശുദ്ധിയും സൗന്ദര്യവും ലഭിക്കുന്നത് : മാർ സ്രാന്പിക്കൽ
Share
ബെർമിംഗ്ഹാം: "വിശുദ്ധിയാണ് സൗന്ദര്യം, സമ്പൂർണമായി വചനം ശ്രവിക്കുന്നതിലൂടെയാണ് ഒരു വ്യക്തിക്ക് വിശുദ്ധിയും സൗന്ദര്യവും ലഭിക്കുന്നത് . ഇത് ഒന്നാമതായി പരിശുദ്ധ അമ്മയ്ക്കും പിന്നീട് അമ്മയോടു ചേർന്ന് വചനം ശ്രവിക്കുന്ന എല്ലാവരിലേക്കും ലഭിക്കുന്ന ഒരു കാര്യമാണ് ' മാർ ജോസഫ്സ്രാന്പിക്കൽ. ഗ്രേറ്റ് ബ്രിട്ടൻ സീറോ മലബാർ രൂപത വുമൺസ് ഫോറം മൂന്നാമത് വാർഷിക സമ്മേളനം " ടോട്ട പുൽക്രാ' ഉദ്ഘാടനം ചെയ്തു സംസാരിക്കുകയായിരുന്നു ‌അദ്ദേഹം.

"ആമ്മേൻ പറയുന്ന ഒരു സ്ത്രീയാണ് പുതിയ നിയമത്തിന്‍റെ തുടക്കം. എല്ലാവരും പരിശുദ്ധ അമ്മയെപ്പോലെ, തന്നെ തന്നെ വിട്ടുകൊടുത്തു ദൈവത്തിനു പ്രവർത്തിക്കാൻ അവസരം കൊടുക്കണം . സ്ത്രീയുടെ മാതൃക സ്ത്രീ തന്നെയാണ് . ഈ മംഗളവാർത്ത കാലത്ത് പരിശുദ്ധ അമ്മയുടെ വിശ്വാസം , സ്നേഹം , കരുണ എന്നിങ്ങനെ എല്ലാ കാര്യങ്ങളും മാതൃകയാക്കണം മാർ സ്രാന്പിക്കൽ കൂട്ടിചേർത്തു.

വുമൺസ് ഫോറം പ്രസിഡന്‍റ് ജോളി മാത്യു അധ്യക്ഷത വഹിച്ച സമ്മേളനത്തിൽ ചങ്ങനാശേരി അതിരൂപത സഹായ മെത്രാൻ മാർ തോമസ് തറയിൽ മുഖ്യ പ്രഭാഷണം നടത്തി . നമ്മൾ വിശ്വസിക്കുന്നതുകൊണ്ട് നമ്മുടെ കുടുംബ ജീവിതത്തിന് നന്മ ഉണ്ടാകണം .അതുപോലെ നമ്മുടെ മാനസിക ആരോഗ്യം പോലെ തന്നെ ആത്മീയ ആരോഗ്യവും ഉണ്ടാകണം. വിശ്വാസം ഉണ്ടെങ്കിൽ മാത്രമേ ആത്മീയ ആരോഗ്യം ഉണ്ടാകൂ .ആത്മീയ ആരോഗ്യം കൂടുന്തോറും നമ്മുടെ ഉള്ളിൽ ശാന്തതയും ധൈര്യവും കൂടും. ഇത് കുടുംബ ജീവിതങ്ങളെയും ശക്തിപ്പെടുത്തും മാർ തോമസ് തറയിൽ പറഞ്ഞു .

വുമൺസ് ഫോറം രൂപത എക്സിക്യൂട്ടിവ് അംഗങ്ങളുടെ പ്രാർഥനയോടെ ആരംഭിച്ച സമ്മേളനത്തിന് രൂപത ഡയറക്ടർ സിസ്റ്റർ കുസുമം എസ് എച്ച് സ്വാഗതം പറഞ്ഞു. സെക്രട്ടറി ഷൈനി സാബു റിപ്പോർട്ട് അവതരിപ്പിച്ചു . രൂപത പ്രോട്ടോ സിഞ്ചെല്ലൂസ് റവ. ഡോ . ആന്‍റണി ചുണ്ടെലിക്കാട്ട് , വുമൺസ് ഫോറം കമ്മീഷൻ ചെയർമാൻ ഫാ. ജോസ് അഞ്ചാനിക്കൽ , വുമൺസ് ഫോറം പുതിയ പ്രസിഡന്‍റ് ഡോ . ഷിൻസി മാത്യൂസ് എന്നിവർ ആശംസകൾ നേർന്നു സംസാരിച്ചു.

സമ്മേളനത്തോടനുബന്ധിച്ച് എട്ടു റീജണുകളിൽ നിന്നുമുള്ള വിവിധ കൾച്ചറൽ പരിപാടികളും അരങ്ങേറി .വൈസ് പ്രസിഡന്‍റ് സോണിയ ജോണി നന്ദി പറഞ്ഞു. മിനി നെൽസൺ സമ്മേളനത്തിന്‍റെ മോഡറേറ്ററായിരുന്നു.

ഷൈമോൻ തോട്ടുങ്കൽ

മേരി ആന്‍റണി റോയ്സ്റ്റൺ ടൗൺ മേയർ.
ലണ്ടൻ: റോയ്സ്റ്റൺ ടൗൺ മേയറായി മലയാളിയായ മേരി ആന്‍റണി തെരഞ്ഞെടുക്കപ്പെട്ടു.
അഭയാര്‍ഥി അപേക്ഷകളില്‍ ജര്‍മനി മൂന്നിലൊന്നു നിരസിച്ചു.
ബെര്‍ലിന്‍: അഭയാര്‍ഥി അപേക്ഷകളിന്മേൽ ജർമനി നിരസിച്ച മൂന്നിലൊന്ന് അപേക്ഷകൾ അപ്പീലില്‍ വിജയിച്ചു.
യൂറോ വിഷന്‍ സംഗീത മല്‍സരത്തില്‍ യുക്രെയ്ന് ഒന്നാം സ്ഥാനം.
ബെർലിൻ: റഷ്യൻ ആക്രമണം തുടരുന്പോഴും റാപ്പിംഗും ബ്രേക്ക് ഡാന്‍സുമായി യുക്രേനിയക്കാര്‍ അരങ്ങു തകര്‍ത്ത് സംഗീത മനോവീര്യം വര്‍ധിപ്പിച്ച് യൂറോവിഷന്‍ സംഗ
വെസ്റ്റ്ഫാളിയ തെരഞ്ഞെടുപ്പില്‍ സിഡിയുവിനു വിജയം.
ബെര്‍ലിന്‍: ജര്‍മനിയിലെ ഏറ്റവും കൂടുതല്‍ ജനസാന്ദ്രതയുള്ള സംസ്ഥാനമായ നോര്‍ത്ത് റൈന്‍ വെസ്റ്റ്ഫാളിയൻ അസംബ്ളി തെരഞ്ഞെടുപ്പില്‍ സിഡിയു ഒന്നാമതെത്തി.
ദേവസഹായം പിള്ള ഇനി വിശുദ്ധൻ.
വത്തിക്കാന്‍സിറ്റി: വാഴ്ത്തപ്പെട്ട ദേവസഹായം പിള്ളയെ വിശുദ്ധനായി പ്രഖ്യാപിച്ചു. വത്തിക്കാനിലെ സെന്‍റ് പീറ്റേഴ്സ് ചത്വരത്തില്‍ ഞായറാഴ്ച രാവിലെ 9.