കൊളോണ്: ജർമനിയിലെ ആദ്യകാല മലയാളിയും കൊളോണ് മലയാളി സമൂഹത്തിലെ നിറസാന്നിധ്യവുമായിരുന്ന കുറവിലങ്ങാട് സ്വദേശി മാത്യു പാറ്റാനി (അപ്പച്ചൻ77) അന്തരിച്ചു. സംസ്കാരം പിന്നീട്.
ഭാര്യ ത്രേസ്യാമ്മ(കുഞ്ഞമ്മ) മാത്യു മണിമല, കടയനിക്കാട് നേര്യംപറന്പിൽ കുടുംബാംഗം. മക്കൾ: റോബി, ജോ.
ലെവർകുസനിലെ ബയർ ഫാർമസ്യൂട്ടിക്കൽ കന്പനിയിലെ ജോലിയിൽ നിന്നും വിരമിച്ച മാത്യു വിശ്രമ ജീവിതത്തിലായിരുന്നു.
ഇന്ത്യൻ വോളിബോൾ ക്ലബ് പ്രസിഡന്‍റ്, കൊളോണ് ഇന്ത്യൻ ഇടവക, ഹോൾവൈഡെ സെന്‍റ് ചാവറ കുടുംബ യൂണിറ്റ് പ്രസിഡന്‍റ്, കൊളോണ് കേരള സമാജത്തിന്‍റെ ആദ്യകാലം മുതലുള്ള അംഗം, മികച്ച സ്പോർട്സ്് സംഘാടകൻ, ഗായകൻ, സാംസ്കാരിക, സാമുദായിക, ജീവകാരുണ്യ പ്രവർത്തകൻ, കാർണിവാലിസ്ററ് തുടങ്ങിയ മേഖലകളിൽ നിറസാന്നിദ്ധ്യമായിരുന്ന മാത്യു പാറ്റാനിയുടെ അപ്രതീക്ഷിത വേർപാട് കൊളോണ് മലയാളികളെ ദുഖത്തിലാഴ്ത്തി.
മാത്യുവിന്‍റെ ആകസ്മിക വിയോഗം കൊളോണിലെ വിവിധ സംഘടനകൾ അനുശോചിക്കുന്നതിനൊപ്പം പ്രവാസി ഓണ്‍ലൈണ്‍ ആദരാജ്ഞലികൾ അർപ്പിച്ചു.
സഹോദരങ്ങൾ: ഡോ.ജോസഫ് പാറ്റാനി ഡയറക്ടർ, മിറ്റേര ഹോസ്പിറ്റൽ, തെള്ളകം), അവറാച്ചൻ പാറ്റാനികുറവിലങ്ങാട്, വർക്കി പാറ്റാനി(റിട്ട.പ്രഫ. ദേവഗിരി കോളേജ്, കോഴിക്കോട്), സിറിയക് പാറ്റാനി (മലയാള മനോരമ ഡെപ്യൂട്ടി ജനറൽ മാനേജർ, സർക്കുലേഷൻ, കോട്ടയം), കുട്ടിയമ്മ തോമസ് മേലൂക്കുന്നേൽ, കാപ്പുംതല, പൊന്നമ്മ ജോസഫ് മേക്കാട്ട്, വാഴക്കുളം ആലുവ.
ജോസ് കുന്പിളുവേലിൽ
|