മെയ്ഡ്സ്റ്റോണ്: കാത്തിരിപ്പിന്‍റെ നീണ്ട പതിനെട്ടു മാസങ്ങൾക്കുശേഷം ഒത്തുചേരലിന്‍റെ അവിസ്മരണീയ മുഹൂർത്തമൊരുക്കി മെയ്ഡ്സ്റ്റോണ് മലയാളി അസോസിയേഷൻ. കോവിഡ് അകറ്റി നിർത്തിയ ആഘോഷങ്ങൾ തിരികെയെത്തിയപ്പോൾ ആഹ്ലാദാരവങ്ങൾ കൊടുമുടിയേറിയ അസുലഭ ദിനമായി എംഎംഎയുടെ "പൊന്നോണം 21'. കാണികൾക്ക് ദൃശ്യ,ശ്രാവ്യ വിസ്മയമൊരുക്കി ആറുമണിക്കൂർ ഇടതടവില്ലാതെ അരങ്ങേറിയ അൻപതിലധികം വരുന്ന കലാപരിപാടികളിൽ പങ്കെടുത്തത് എംഎംഎയുടെ 110 കലാകാരന്മാരും കലാകാരികളും.
ഓഗസ്റ്റ് 28 ശനിയാഴ്ച രാവിലെ 11ന് എയ്ൽസ്ഫോർഡ് ഡിറ്റൻ കമ്മ്യൂണിറ്റി ഹാളിൽ ആരംഭിച്ച "ഫാമിലി ഫോട്ടോഷൂട്ട്’, അത്തപ്പൂക്കളം എന്നിവയ്ക്കുശേഷം വാഴയിലയിൽ വിളന്പിയ വിഭവസമൃദ്ധമായ തിരുവോണ സദ്യയിൽ മുതിർന്നവരും കുട്ടികളും അതീവതാൽപര്യത്തോടെ പങ്കു ചേർന്നു. തുടർന്ന് താലപ്പൊലിയേന്തിയ ബാലികമാരുടെയും ആർപ്പുവിളിയുമായെത്തിയ യുവാക്കളുടെയും ചെണ്ടമേളത്തിന്‍റെയും അകന്പടിയോടെ മഹാബലിയെത്തിയപ്പോൾ സദസ് കരഘോഷം മുഴക്കി.
മഹാബലിയുടെ ഓണസന്ദേശത്തിനു ശേഷം സ്റ്റേജിൽ ’മലയാളി മങ്ക’, ’കേരളം പുരുഷൻ മത്സരങ്ങൾ അരങ്ങേറി. തുടർന്ന് നടന്ന പൊതുയോഗത്തിൽ മുഖ്യാതിഥിയായി എത്തിയ ലണ്ടൻ ന്യൂഹാം കൗണ്‍സിലർ സുഗതൻ തെക്കേപ്പുര ഓണാഘോഷ പരിപാടികളുടെ ഒൗദ്യോകിയ ഉദ്ഘാടനം നിലവിളക്കു തെളിച്ചു നിർവഹിച്ചു. ചടങ്ങിൽ എംഎംഎ യുടെ പ്രസിഡന്‍റ് രാജി കുര്യൻ അധ്യക്ഷത വഹിച്ചു. അബിനെർ നോബിൾ ഓണസന്ദേശം നൽകി.
വൈകിട്ട് മൂന്നിന് ആരംഭിച്ച കലാപരിപാടികൾ ഇടതടവില്ലാതെ ആറു മണിക്കൂർ നീണ്ടു നിന്നു. കുട്ടികളും മുതിർന്നവരുമടക്കം എംഎയുടെ 110 കലാകാര·ാരും കലാകാരികളുമാണ് അൻപതിലധികം വന്ന സ്റ്റേജ് ഇനങ്ങളിൽ പങ്കെടുത്തത്. തിരുവാതിര, മോഹിനിയാട്ടം, ക്ലാസിക്കൽ ഡാൻസ്, ഫോക് ഡാൻസ്, ബോളിവുഡ് ഡാൻസ്, ഗ്രൂപ്പ് സോംഗ്, സോളോ, വയലിൻ, കീബോർഡ് പെർഫോമൻസ്, ഡബ്സ്മാഷ്, സ്കിറ്റ് തുടങ്ങിയ പരിപാടികളാണ് ഓണാഘോഷത്തോടനുബന്ധിച്ച് സ്റ്റേജിൽ അവതരിപ്പിച്ചത്. കലാപരിപാടികളുടെ അവസാനം എംഎംഎ മെൻസ് ക്ലബും എംഎംഎ മൈത്രിയും അണിയിച്ചൊരുക്കിയ കപ്പിൾ ഡാൻസ് ആരവത്തോടെയാണ് സദസ് ഏറ്റെടുത്തത്.
ഓണാഘോഷപരിപാടികൾക്ക് ശോഭയേകുവാൻ എത്തിയ മറ്റു കലാകാര·ാരും കലാകാരികളും ’പൊന്നോണം 21’ ന് മാറ്റു കൂട്ടി. അവതാരകയായെത്തിയത് കലാകാരിയും ചാനൽ അവതാരകയുമായ ലണ്ടനിൽ നിന്നുള്ള സീന അജീഷ് ആണ്. ചെണ്ടയിൽ വിസ്മയം തീർക്കുന്ന യുകെയിൽ നിന്നുള്ള ആർട്ടിസ്റ്റ് മധുസൂദന മാരാർ, സോഷ്യൽ മീഡിയയിലെ നവ തരംഗം ഗായകൻ സോണി സേവ്യർ, യുകെയിലെ വാനന്പാടി ടെസ്‌സ ജോണ് എന്നിവർ ആസ്വാദകർക്ക് വേറിട്ട അനുഭവമാണ് സമ്മാനിച്ചത്.
ഓണാഘോഷങ്ങളുടെ ഭാഗമായി എംഎംഎ ഏർപ്പെടുത്തിയ ’എൻഎച്ച്എസ് സർവീസ് അവാർഡ്’ ന് അർഹരായ ജോസ് കുര്യൻ, ബിന്ദു ജോണ്സണ്, ലിൻസി കുര്യൻ, സെൽബി തോമസ്, ജൂബി കുര്യൻ, ജിൻസി ബിനു എന്നിവർക്ക് എംഎംഎയ്ക്കു വേണ്ടി ഡോക്ടർ അജീഷ് സുന്ദരേശൻ അവാർഡുകൾ നൽകി ആദരിച്ചു. എൻഎച്എസിൽ 20 വർഷം സർവീസ് പൂർത്തിയാക്കിയ മെയ്ഡ്സ്റ്റോണിൽ നിന്നുള്ള പ്രൊഫഷണൽസിനാണ് അവാർഡുകൾ നൽകിയത്. കൂടാതെ ജിസിഎസ്‌സിയിൽ ഉന്നത വിജയം കരസ്ഥമാക്കിയ ഫിയ ജേക്കബിനും അവാർഡ് നൽകുകയുണ്ടായി. കൂടാതെ ഓണത്തോടനുബന്ധിച്ചു കുട്ടികൾക്കും മുതിർന്നവർക്കുമായി നടത്തിയ വിവിധ സ്പോർട്സ് ഇനങ്ങളിൽ വിജയികളായവർക്കും, റാഫിൾ ഡ്രോയിൽ വിജയിച്ചവർക്കും സമ്മാനങ്ങൾ നൽകി.
പ്രോഗ്രാം കോഓർഡിനേറ്റർ ബൈജു ഡാനിയേൽ, മൈത്രി കോഓർഡിനേറ്റർ ലിൻസി കുര്യൻ, യൂത്ത് കോഓർഡിനേറ്റർ സ്നേഹ ബേബി, കമ്മറ്റി അംഗങ്ങളായ ആന്‍റണി സേവ്യർ, ഷാജി ജെയിംസ് എന്നിവർ ഓണാഘോഷപരിപാടികൾക്ക് നേതൃത്വം നൽകി.
|