ഫിലഡൽഫിയ: കല മലയാളി അസോസിയേഷൻ ഓഫ് ഡലവെർവാലിയുടെ ആഭിമുഖ്യത്തിൽ ഫിലഡൽഫിയയിൽ നടന്ന ന്ധകലയോടൊപ്പം പൊന്നോണം’ വൈവിധ്യമാർന്ന കലാപരിപാടികളും പ്രേക്ഷകസാന്നിധ്യവും കൊണ്ട് ശ്രദ്ധേയമായി.
43 വർഷത്തെ പ്രവർത്തന പാരന്പര്യമുള്ള ന്ധകല’ ഈവർഷവും മുൻ കൊല്ലങ്ങളിലേതുപോലെ ഇന്ത്യൻ സ്വാതന്ത്ര്യദിനവും ഓണവും സംയുക്തമായാണ് ആഘോഷിച്ചത്. രാജപ്പൻ നായർ, ശാരദാ മർച്ചന്റ് എന്നിവരുടെ നേതൃത്വത്തിൽ അണിയിച്ചൊരുക്കിയ അത്തപ്പൂക്കളവും, ചെണ്ടമേളം, താലപ്പൊലി, പുലിക്കളി എന്നിവയുടെ അകന്പടിയോടെ നടന്ന മാവേലി എഴുന്നള്ളത്ത് ഘോഷയാത്രയും അത്യാകർഷകമായി.
പ്രശസ്ത സാഹിത്യകാരി നീന പനയ്ക്കൽ ഓണസന്ദേശവും, റവ. ഫാ. എം.കെ. കുര്യാക്കോസ് ഇന്ത്യൻ സ്വാതന്ത്ര്യദിന സന്ദേശവും നൽകി. റവ. ജോർജ് വർഗീസ്, റവ. ഫാ. കുര്യാക്കോസ് കുന്പക്കീൽ, ഫോമ പ്രസിഡന്റ് അനിയൻ ജോർജ്, ആർ.വിപി ബൈജു വർഗീസ്, മാപ്പ് പ്രസിഡന്റ് ശാലു പുന്നൂസ് എന്നിവർ ആശംസകൾ അർപ്പിച്ചു.
സംഗീത തോമസ് അമേരിക്കൻ ദേശീയഗാനവും, റ്റാനിയ ജോസി, റ്റീന ജോസി എന്നിവർ ഇന്ത്യൻ ദേശീയ ഗാനവും ആലപിച്ചു. ഏഞ്ചൽ പ്ലാമൂട്ടിൽ, ബിൻസി അനു, ബ്രിയാന കൊച്ചുമുട്ടം, ക്രിസ്റ്റീന ജിബിൻ, ഫിയോണ കൊച്ചുമുട്ടം, ഹെലൻ സനോജ്, ജിപ്സാ എൽഷാൻ, ജോയിസ് സോബിൻ, റോസ്മേരി പ്ലാമൂട്ടിൽ, വീണാ ദിലീപ് എന്നിവർ അടങ്ങിയ ടീം അവതരിപ്പിച്ച തിരുവാതിര അതിമനോഹരമായിരുന്നുവെന്ന് പ്രേക്ഷകർ അഭിപ്രായപ്പെട്ടു.
ഭരതം ഡാൻസ് അക്കാഡമി, നൂപുര ഡാൻസ് അക്കാഡമി എന്നിവയിലെ നൃത്ത വിദ്യാർത്ഥികളും, ബ്ലൂമൂണ്സ്, റൈസിംഗ് സ്റ്റാർസ് എന്നീ ഡാൻസ് ഗ്രൂപ്പുകളും മികവുറ്റ പ്രകടനങ്ങൾ കാഴ്ചവച്ചു. അൻസു വർഗീസ്, ബിജു ഏബ്രഹാം, ഹെൽഡാ സുനിൽ, കെവിൻ വർഗീസ് എന്നിവർ സംഗീത പരിപാടികൾക്ക് നേതൃത്വം നൽകി.
സമഗ്ര സംഭാവനയ്ക്കുള്ള കലാ കമ്യൂണിറ്റി അവാർഡ് ബിജു സക്കറിയ, ബിജു ഏബ്രഹാം എന്നിവർ ഏറ്റുവാങ്ങി. ജനറൽ സെക്രട്ടറി റോഷിൻ പ്ലാമൂട്ടിൽ, ഫോമ റീജണൽ സെക്രട്ടറി ജയ്മോൾ ശ്രീധർ എന്നിവർ പരിപാടികൾ നിയന്ത്രിച്ചു.
ജോർജ് മാത്യു, ജയിംസ് ജോസഫ്, ബിജു സക്കറിയ, ബിജു ഏബ്രഹാം എന്നിവർ കോർഡിനേറ്റർമാരായി പ്രവർത്തിച്ചു. കലാ പ്രസിഡന്റ് ജോജോ കോട്ടൂർ, ജനറൽ സെക്രട്ടറി റോഷിൻ പ്ലാമൂട്ടിൽ, ട്രഷറർ ഷാജി മിറ്റത്താനി, വൈസ് പ്രസിഡന്റ് സുജിത് ശ്രീധർ, ജോയിന്റ് സെക്രട്ടറി അൻസു വർഗീസ്, ജോയിന്റ് ട്രഷറർ ജയിംസ് പെരിങ്ങാട്ട്, അഡ്വൈസറി കൗണ്സിൽ ചെയർമാൻ ഡോ. ജയിംസ് കുറിച്ചി, ഫോമ യൂത്ത് റെപ് കുരുവിള ജയിംസ് എന്നിവരും മറ്റ് കമ്മിറ്റി അംഗങ്ങളും ആഘോഷ പരിപാടികൾക്ക് നേതൃത്വം നൽകി.
റിപ്പോർട്ട്: ബിജു സക്കറിയ
|