ഷിക്കാഗോ: ഇല്ലിനോയി മലയാളി അസോസിയേഷൻ ഓണാഘോഷങ്ങൾ വർണാഭമായി സംഘടിപ്പിച്ചു. ഷിക്കാഗോ കെസിഎസ് ഓഡിറ്റോറിയത്തിൽ സംഘടിപ്പിച്ച ഓണാഘോഷങ്ങളിൽ നൂറു കണക്കിന് ആളുകൾ പങ്കെടുത്തു. അസോസിയേഷൻ പ്രസിഡന്‍റ് സിബു കുളങ്ങരയുടെ അധ്യക്ഷതയിൽ ചേർന്ന യോഗത്തിൽ, ഫൊക്കാനാ നാഷണൽ പ്രസിഡന്‍റ് ജോർജി വർഗീസ് ആണ് മുഖ്യാഥിതിയായി പങ്കെടുത്ത് ആഘോഷങ്ങൾ ഉദാഘാടനം ചെയ്തത്.
ഷിക്കാഗോയുടെ മണ്ണിൽ സ്തുത്യർഹവും സുതാര്യവുമായ സേവനങ്ങൾകൊണ്ട് ഏറെ പ്രശംസകൾ പിടിച്ചുപറ്റിയിട്ടുള്ള ഇല്ലിനോയി മലയാളി അസോസിയേഷന്റെ ഓണാഘോഷങ്ങളിൽ പങ്കെടുക്കുവാൻ സാധിച്ചത് ഒരു വലിയ അവസരമായാണ് കാണുന്നത് എന്ന് ഉദ്ഘാടന സന്ദേശത്തിൽ ജോർജി വർഗീസ് സൂചിപ്പിച്ചു. അമേരിക്കൻ സമൂഹത്തിന്‍റെ മുഖ്യധാരയിലേക്ക് ഇറങ്ങിച്ചെന്ന് പ്രവർത്തിക്കുവാൻ നമ്മുടെ യുവജനങ്ങൾക്ക് കരുത്തും തുണയും ആയി നമ്മുടെ സംഘടനകൾ പ്രവർത്തിക്കേണ്ട ആവശ്യകതെയെപ്പറ്റിയും യുവജനങ്ങൾക്കും കുടുംബങ്ങൾക്കും കൂടുതൽ പ്രാധാന്യം നൽകികൊണ്ട് വിഭാവനം ചെയ്യുന്ന 2022 ലെ ഫൊക്കാന കണ്‍വൻഷന്‍റെ വിവരങ്ങളും അദ്ദേഹം പങ്കുവച്ചു.
ഇന്ത്യ പ്രസ്‌സ് ക്ലബ് ഓഫ് നോർത്ത് അമേരിക്കയുടെ നാഷണൽ പ്രസിഡന്‍റ് ബിജു കിഴക്കേക്കുറ്റ് , ഫൊക്കാന സെക്രട്ടറി സജി മോൻ ആന്‍റണി, ഫോമാ അഡ്വൈസർ ബോർഡ് വൈസ് ചെയർമാൻ പീറ്റർ കുളങ്ങര, ഫൊക്കാന എക്സിക്യൂട്ടീവ് വൈസ് പ്രസിഡന്‍റ് ജെയ്ബു മാത്യു കുളങ്ങര എന്നിവർ ആശംസകൾ അറിയിച്ചു പ്രസംഗിച്ചു.
അത്തപൂക്കളവും താലപ്പൊലിയും മാവേലിത്തന്പുരാനും വിഭവ സമൃദമായ ഓണസദ്യയുമൊക്കെയായി ഇത്തവണത്തെ ഓണാഘോഷങ്ങൾ വർണശബളമായി. നയനമനോഹരമായ കലാപരിപാടികളും, ചെണ്ടമേളവും, സംഗീത സാന്ദ്രമായ മറ്റു കലാ പരിപാടികളും ഓണാഘോഷങ്ങളുടെ മാറ്റുകൂട്ടി. ഷിക്കാഗോയിലെ യുവജനങ്ങൾ ചേർന്ന് സാമു തോമസിന്‍റെ നേതൃത്വത്തിൽ അവതരിപ്പിച്ച ലൈവ് ഓർക്കസ്ട്ര ഇത്തവണത്തെ ഓണത്തിന്‍റെ പ്രത്യേകതയായിരുന്നു.
മുൻ ഫൊക്കാന പ്രസിഡന്‍റ് മറിയാമ്മ പിള്ള, ഷിക്കാഗോയിലെ മറ്റു സംഘടനകളെ പ്രതിനിധീകരിച്ച് സ്റ്റീഫൻ കിഴക്കേക്കുറ്റ് (മിഡ്വെസ്റ്റ് മലയാളി അസോസിയേഷൻ), ഷാബു മാത്യു (ഷിക്കാഗോ മലയാളി അസോസിയേഷൻ), ആന്േ‍റാ കവലക്കൽ (കേരള അസോസിയേഷൻ ഓഫ് ഷിക്കാഗോ) റവ. ഹാം ജോർജ് (ഓർത്തഡോക്സ് ഇടവക വികാരി), ഫൊക്കാനയുടെ മുൻ ഞഢജ ഫ്രാൻസിസ് കിഴക്കേക്കുറ്റ്, കങഅ യുടെ മുൻ ഭാരവാഹികൾ മറ്റു സംഘടനാ നേതാക്ക·ാർ എന്നിവർക്കൊപ്പം നൂറുകണക്കിന് ആളുകൾ ആഘോഷങ്ങളിൽ പങ്കെടുത്തു.
ഐഎംഎ കലാപ്രതിഭ, കലാതിലകം, സോക്കർ ടൂർണമെന്‍റ് വിജയികൾക്കും ഉള്ള ട്രോഫികളും നറുക്കെടുപ്പിലൂടെ സ്വർണ നാണയങ്ങളും വേദിയിൽ വിതരണം ചെയ്തു. പ്രസിഡന്‍റ് സിബു കുളങ്ങര, എക്സിക്യൂട്ടീവ് വൈസ് പ്രസിഡന്‍റ് ജോയി പീറ്റേഴ്സ് ഇണ്ടിക്കുഴി, വൈസ് പ്രസിഡന്‍റ് ഷാനി എബ്രഹാം, ട്രഷറർ ജോസി കുരിശുങ്കൽ, ജോയിന്റ് സെക്രട്ടറി ശോഭാ നായർ, ജോയിന്റ് ട്രഷർ പ്രവീണ്‍ തോമസ്, ജോർജ് മാത്യു, തോമസ് ജോർജ് ജെസി മാത്യു, അനിൽകുമാർ പിള്ളൈ, സാം ജോർജ് എന്നിവർ വിവിധ കമ്മറ്റികൾക്ക് നേതൃത്വം നൽകി. ശോഭാ നായരുടെ നേതൃത്വത്തിൽ സംഘടിപ്പിച്ച വ്യത്യസ്തമായ താലപ്പൊലിയും, തിരുവാതിരയും അത്തപൂക്കളവും ഏറെ ശ്രദ്ധയാകർഷിച്ചു. റോയി മുളങ്കുന്നം എം സി ആയി ഉദ്ഘാടന സമ്മേളനവും ജെയിൻ മാക്കീൽ എംസി ആയി കലാപരിപാടികളും അച്ചടക്കത്തോടെയും സമയനിഷ്ഠതയോടെയും നിയന്ത്രിച്ചു. മുൻ പ്രസിഡന്‍റ് ജോർജ് പണിക്കർ സ്വാഗതവും സെക്രട്ടറി ഡോ .സുനീന ചാക്കോ നന്ദിയും പറഞ്ഞു.
റിപ്പോർട്ട്: അനിൽ മറ്റത്തികുന്നേൽ
|