അബുദാബി : ഇന്ത്യൻ ഇസ്ലാമിക് സെന്‍റർ പബ്ലിക് റിലേഷൻ വിഭാഗം സംഘടിപ്പിച്ച അവെയർ ടോക്ക് ജനപങ്കാളിത്തം കൊണ്ട് ശ്രദ്ധേയമായി. സാന്പത്തിക വിഭാഗം, ഇമിഗ്രേഷൻ, തൊഴിലും തൊഴിൽ കോടതിയും തുടങ്ങിയ വിഷയങ്ങളിൽ ഹമീദ് അലി, മുഹമ്മദ് നൗഫൽ നസ്റുല്ല, യാസർ അറഫാത് വാഫി തുടങ്ങിയ വിദഗ്ദ്ധർ ക്ലാസുകൾക്കു നേതൃത്വം നൽകുകയും പൊതു ജനങ്ങളുടെ സംശയങ്ങൾക്ക് മറുപടി നൽകുകയും ചെയ്തു. ജോലി സംബന്ധവും സാന്പത്തികവുമായ കേസുകളും മറ്റും കൊണ്ട് ബുദ്ധിമുട്ടിയ നിരവധി ആളികൾക്കു വ്യക്തമായ മാർഗ നിർദ്ദേശങ്ങൾ പരിപാടിയിൽ നൽകി.
ഇസ്ലാമിക് സെന്‍റർ ആക്ടിംഗ് ജനറൽ സെക്രട്ടറി അഹമ്മദ് കുട്ടി യോഗത്തിൽ അധ്യക്ഷത വഹിച്ചു. പബ്ലിക് റിലേഷൻ വിഭാഗം ചെയർമാൻ സലിം നാട്ടിക, ഹാരിസ് ബഖവി, അബ്ദുല്ല നദവി, ഹിദായത്തുള്ള, കാസിം, ശിഹാബ് കരപ്പാത്, സാബിർ മാട്ടൂൽ, ഷബീർ, തുടങ്ങിയവർ സംസാരിച്ചു. ഷാനവാസ് പുളിക്കൽ, ഷമീം ബേക്കൽ, അഡ്വ ഷറഫുദീൻ, ശിഹാബ് വാടാനപ്പള്ളി, ജലീൽ കാര്യാടത്തു, മുനീർ എടയൂർ, കബീർ ഹുദവി, മുജീബ് വേങ്ങര എന്നിവർ പരിപാടിക്ക് നേതൃത്വം നൽകി.
റിപ്പോർട്ട്: അനിൽ സി. ഇടിക്കുള
|