കുവൈറ്റ്: സാരഥി കുവൈറ്റ് ഗുരുകുലത്തിന്റെ നേതൃത്വത്തിൽ കുട്ടികൾക്കായി നടത്തി വന്നിരുന്ന ഉല്ലാസനൗക (WiFi Summer Camp) സമാപന സമ്മേളനം ഓണ്ലൈനായി ഓഗസ്റ്റ് 27 വെള്ളിയാഴ്ച സംഘടിപ്പിച്ചു. ചടങ്ങിൽ മുഖ്യ അതിഥി ആയി പ്രശസ്ത മജീഷ്യനും, മോട്ടിവേഷണൽ സ്പീക്കറുമായ ഗോപിനാഥ് മുതുക്കാട് പങ്കെടുത്ത് സംസാരിക്കുകയും കുട്ടികളുമായി സംവദിക്കുകയും ചെയ്തു.
പ്രായത്തിന്റെ അടിസ്ഥാനത്തിൽ രണ്ട് വിഭാഗങ്ങളായി കുട്ടികളെ തരം തിരിച്ച് ജൂണ് 13 മുതൽ ഓഗസ്റ്റ് 27 വരെ നടന്ന ക്യാന്പിൽ മൂന്നറിലധികം കുട്ടികൾ പങ്കെടുത്തു.
വിനോദത്തിനൊപ്പം വിജ്ഞാനവും പകർന്നു നൽകുക, കുട്ടികളിലെ ക്രിയാത്മകമായ കഴിവുകൾ വളർത്തുക എന്നിവയ്ക്ക് പ്രാധാന്യം നൽകി സംഘടിപ്പിച്ച സമ്മർ ക്യാന്പിൽ വിവിധ മേഘലകളിൽ വ്യക്തിമുദ്ര പതിപ്പിച്ച പ്രശസ്തരായ വ്യക്തിത്വങ്ങൾ നടത്തിയ മോട്ടിവേഷണൽ ക്ലാസ്, ലീഡർഷിപ്പ് ട്രെയ്നിംഗ്, യോഗ, പാചകം, ആരോഗ്യപരിപാലനം, ഗ്രാഫ്ക് ഡിസൈനിംഗ്, ഫോട്ടോഷോപ്പ് തുടങ്ങി അവരവരുടെ കഴിവുകളെ പുറത്ത് കൊണ്ടു വരുന്നതിനും, മറ്റുള്ളവരോട് എങ്ങനെ പെരുമാറണം, പൊതുവേദിയിൽ ഏങ്ങനെ അഭിമുഖീകരിക്കണം, തുടങ്ങിയവ വിശദീകരിക്കുന്ന ക്ലാസുകൾ തുടങ്ങിയവയ്ക്ക് പുറമേ Memory Contest, Colouring, Vegetable Carving, Art & Crafts, Clay Modeling, Story Telling, ABACUS, Vedic Maths, Funny Drawing, Puzzles, Magic Show തുടങ്ങിക്ലാസുകളുമാണ് ഉൾപ്പെടുത്തിയിരുന്നത്.
പൂർണമായും കുട്ടികളുടെ നേതൃത്വത്തിൽ സംഘടിപ്പിച്ച പരിപാടിയിൽ ഗുരുകുലം പ്രസിഡന്റ് കുമാരി അൽക്ക ഓമനക്കുട്ടൻ അധ്യക്ഷത വഹിച്ചു. മാസ്റ്റർ ഋഷികേഷ് ഷൈലെന്ദ്രൻ ദൈവശകം ആലപിക്കുകയും, കുമാരി ശ്രേയ സൈജു എല്ലാവർക്കും സ്വാഗതം ആശംസിക്കുകയും സാരഥി കുവൈറ്റ് പ്രസിഡന്റ് സജീവ് നാരായണൻ പരിപാടികൾ ഒദ്യോഗികമായി ഉദ്ഘാടനം നിർവഹിച്ച് സംസാരിക്കുകയും ചെയ്തു.
സമ്മർ ക്യാന്പിന്റെ പ്രോഗ്രാം കണ്വീനർ സീമ രജിത് ക്യാന്പിന്റെ നാൾവഴികളെ കുറിച്ച് വിശദീകരിച്ച് സംസാരിച്ചു. തുടർന്ന് ഗുരുകുലം കുട്ടികളുടെ വിവധ കലാപരിപാടികൾ പ്രോഗ്രാമിനു തിളക്കം കൂട്ടി.
സാരഥി ജനറൽ സെക്രട്ടറി ബിജു സി.വി, ട്രഷറർ രജീഷ് മുല്ലക്കൽ, ട്രസ്റ്റ് ചെയർമാൻ സുരേഷ് കെ, വനിതാവേദി ചെയർപേഴ്സണ് ബിന്ദു സജീവ്, ഗുരുകുലം ചീഫ് കോർഡിനേറ്റർ .മനു മോഹൻ എന്നിവർ ആശംസകൾ നേർന്ന് സംസാരിക്കുകയും ഗുരുകുലം വൈസ് പ്രഡിഡന്റ് കുമാരി ആക്ഷിത മനോജ് കൃതജ്ഞത രേഖപ്പെടുത്തി. കുമാരി ഹിമ രഘുവിന്റ പൂർണമദയോടു കൂടി പ്രോഗ്രാം അവസാനിച്ചു.
റിപ്പോർട്ട്: സലിം കോട്ടയിൽ
|