ഷിക്കാഗോ: ലിറ്റററി അസോസിയേഷൻ ഓഫ് നോർത്ത് അമേരിക്ക (ലാന)യുടെ പന്ത്രണ്ടാമത് ദേശീയ കണ്‍വൻഷന്‍റെ രജിസ്ട്രേഷൻ കിക്ക് ഓഫ് ഓഗസ്റ്റ് 14ന് ഷിക്കാഗോയിൽ നടന്നു. മുൻനിര ടാക്സ് കണ്‍സൾറ്റൻറ് ജെയ്ബു മാത്യു കുളങ്ങര, കണ്‍വൻഷൻ ചെയർമാൻ പ്രസന്നൻ പിള്ളക്ക് സ്പോണ്സർ ഷിപ്പ് ചെക്ക് നൽകി. കോചെയർമാൻ സായി പുല്ലാപ്പള്ളി, ജനറൽ കണ്‍വീനർ അനിലാൽ ശ്രീനിവാസൻ എന്നിവർ സന്നിഹിതരായിരുന്നു.
വടക്കേ അമേരിക്കയിലെയും കാനഡയിലേയും സാഹിത്യകാരന്മാരെ സംഘടിപ്പിച്ച് പ്രോത്സാഹിപ്പിക്കുന്ന ലാനയുടെ പ്രവർത്തനങ്ങളെ ജൈബു മാത്യു പ്രശംസിച്ചു.
ലാനയുടെ പന്ത്രണ്ടാമത് ദേശീയ കണ്‍വൻഷൻ, ഒക്ടോബർ 1 വെള്ളി, 2 ശനി, 3 ഞായർ തീയതികളിൽ, ഷിക്കാഗോയിൽ, ’സുഗതകുമാരി നഗറിൽ’ നടക്കും.
ഷിക്കാഗോ ക്നാനായ കാത്തലിക് സെൻററിലാണ് (1800 E Oakton Street, Des Plaines, IL 60018) സുഗതകുമാരി നഗർ ഒരുങ്ങുന്നത്.
അന്തരിച്ച പ്രശസ്ത കവയത്രിയും പരിസ്ഥിതി പ്രവർത്തകയുമായ സുഗതകുമാരി ടീച്ചറിനോടുള്ള ആദരസൂചകമായാണ് ’സുഗതകുമാരി നഗർ’ എന്ന പേര് ലാനാ പന്ത്രണ്ടാം ദേശീയ കണ്‍വെൻഷൻ സമ്മേളന വേദിയ്ക്ക് നൽകുന്നത്. കോവിഡ് സാഹചര്യം കണക്കിലെടുത്തു മുന്കരുതലുകളോടെ ആണ് കണ്‍വെൻഷൻ ക്രമീകരിക്കുന്നത്.
ലാനാ കണ്‍വെൻഷനിൽ പങ്കെടുക്കുന്നവർക്ക് ഫോർ പോയിന്റ് ഷെരട്ടോണ്, ഒഹേർ ഹോട്ടലിൽ (Four Points by Sheraton Mount Prospect O'Hare, 2200 Elmhurst Rd, Mt Prospect, IL 60056, Phone: (847) 2900909) 79 ഡോളർ നിരക്കിൽ (79 USD per night), ലാനാ കണ്‍വെൻഷൻ ദിവസങ്ങളിൽ താമസസൗകര്യം ഒരുക്കിയിട്ടുണ്ട്. ഈ നിരക്കിൽ റൂം ബുക് ചെയ്യാൻ സെപ്റ്റംബർ 20 വരെ മാത്രമേ അനുവാദമുള്ളൂ.
അതിനു ശേഷം മുറി ബുക്ക് ചെയ്യുന്നവർ ഹോട്ടലിൽ നേരിട്ടുബന്ധപ്പെടുകയോ ഹോട്ടൽ വെബ് സൈറ്റ് ഉപയോഗിക്കുകയോ ചെയ്യേണ്ടതാണ്. Reservation Link: https://www.marriott.com/eventreservations/reservationlink.mi?id=1626126011140&key=GRP&app=resvlink
ലാനയുടെ വെബ് സൈറ്റ് (http://lanalit.org)ലും ഫേസ്ബുക്ക് പേജിലും കൂടുതൽ വിവരങ്ങൾ ലഭ്യമാണ്.
അന്വേഷണങ്ങൾക്ക്: പ്രസന്നൻ പിള്ള (630 935 2990), സായി പുല്ലാപ്പള്ളി (773 505 9600), ലാനാ ജനറൽ സെക്രട്ടറി അനിലാൽ ശ്രീനിവാസൻ (630 400 9735), ജോസൻ ജോർജ് (പ്രസിഡൻറ്, ലാനാ), കെ. കെ. ജോണ്സണ് (ട്രഷറർ), ജെയിൻ ജോസഫ് ( വൈസ്പ്രസിഡൻറ്), ജോർജ് നടവയൽ (ജോയിന്റ് സെക്രട്ടറി).
റിപ്പോർട്ട്: പി.ഡി. ജോർജ് നടവയൽ
|