ഹൂസ്റ്റണ്‍: പൗരസ്ത്യ കാതോലിക്കായും മലങ്കര മെത്രാപ്പോലീത്തായുമായിരുന്ന ഭാഗ്യസ്മരണാർഹനായ പരിശുദ്ധ ബസേലിയോസ് മാർത്തോമ്മ പൗലോസ് ദ്വിതീയൻ കാതോലിക്കാ ബാവായുടെ സ്മരണ നിലനിർത്തുവാൻ വേണ്ടി സൗത്ത് വെസ്റ്റ് അമേരിക്കൻ ഭദ്രാസനത്തിന്‍റെ ആഭിമുഖ്യത്തിൽ ന്ധസ്നേഹസ്പർശംന്ധ ഭവന നിർമ്മാണ പദ്ധതിയിലൂടെ 10 ഭവനങ്ങൾ നിർമിച്ചു നൽകുവാനുള്ള ക്രമീകരണം ആരംഭിച്ചിരിക്കുന്നു.
2022 ജൂലൈയിൽ ഈ ഭാവന നിർമാണ പദ്ധതിപൂർത്തീകരിക്കുവാനായിട്ടാണ് ആഗ്രഹിക്കുന്നത്. ഓഗസ്റ്റ് 21 ശനിയാഴ്ച ഹൂസ്റ്റണ്‍ സെൻറ് തോമസ് ഓർത്തോഡോക്സ് കത്തീൻഡ്രലിൽ പരിശുദ്ധ ബസേലിയോസ് മാർത്തോമ പൗലോസ്ദ്വിതീയൻ കാതോലിക്കാ ബാവായുടെ നാൽപതാം അടിയന്തിരത്തോടനുബന്ധിച്ച് രാവിലെ 8ന് പ്രഭാത നമസ്കാരവും വിശുദ്ധ കുർബാനയും നടക്കും. സൗത്ത് വെസ്റ്റ് അമേരിക്കൻ ഭദ്രാസന സെക്രട്ടറി ഫാ. ഫിലിപ്പ് എബ്രഹാം വിശുദ്ധ കുർബാനക്ക് പ്രധാന കാർമ്മികത്വം വഹിക്കും. തുടർന്നു നടക്കുന്ന അനുസ്മരണ സമ്മേളനത്തിൽ ന്ധസ്നേഹസ്പർശംന്ധ ഭവനനിർമ്മാണ പദ്ധതിയുടെ ഉദ്ഘടനം നടക്കും. കോണ്ഗ്രസ്മാൻ അൽ ഗ്രീൻ, ഫോർട്ട് ബെൻഡ് കൗണ്ടി ജഡ്ജ് കെപി. ജോർജ്, മിസോറി സിറ്റി മേയർ റോബിൻ ഏലക്കാട്ട് എന്നിവർ അനുശോചന മീറ്റിങ്ങിൽ മുഖ്യ അതിഥികളായിരിക്കും. ഹൂസ്റ്റണിലെ വിവിധ ദേവാലയങ്ങളിലെ വൈദീകരും വിശ്വാസികളും ആരാധനയിലും, പ്രാർഥനകളിലും സംബന്ധിക്കും.
സൗത്ത് വെസ്റ്റ് അമേരിക്കൻ ഭദ്രാസന സഹായ മെത്രാപോലീത്ത അഭിവന്ദ്യ ഡോ. സഖറിയാ മാർഅപ്രേം പ്രസിഡന്‍റായും, ഭദ്രാസന സെക്രട്ടറി ഫാ.ഫിലിപ്പ് എബ്രഹാം (പ്രോജക്ട് എക്സികുട്ടീവ് ഡയറക്ടർ, ഓപ്പറേഷൻ & ഫിനാൻസ്), ഫാ. ബെന്നി എം. കുരുവിള (ഭദ്രാസന കൗണ്‍സിൽ മെന്പർ, പ്രോജക്ട് മാനേജർ, ഫിനാൻസ് ), എബ്രഹാം പന്നിക്കോട്ട് (സഭാ മാനേജിഗ് കമ്മറ്റി മെന്പർ, പ്രോജക്ട് മാനേജർ) എക്സികുട്ടീവ് കമ്മറ്റി അംഗങ്ങളായി റവ. ജോർജ് പൗലോസ് കോർ എപ്പിസ്കോപ്പ, റവ.രാജു ഡാനിയേൽ കോർ എപ്പിസ്കോപ്പ, ഫാ. ഡോ.മാത്യു കോശി(അറ്റലാന്‍റ, സഭാ മാനേജിഗ് കമ്മറ്റി മെന്പർ), ഫാ. മാത്യൂസ് ജോർജ് (ഭദ്രാസന വൈദീക സെക്രട്ടറി), റോയ് തോമസ് (ഭദ്രാസന കൗണ്‍സിൽ മെന്പർ), എബ്രഹാം വർക്കി (ഭദ്രാസന കൗണ്‍സിൽ മെന്പർ), ജോർജ് ഗീവർഗീസ് (സഭാ മാനേജിഗ് കമ്മറ്റി മെന്പർ) എന്നിവരും, കണ്‍സൾട്ടന്‍റായി ജോസ് തോമസ് (ലോസ് ആഞ്ചൽസ്, പ്രോജക്ട് മാനേജ്മെന്‍റ്), ബാബുകുട്ടി(ഹൂസ്റ്റണ്‍, ഫിനാൻസ്) എന്നിവരടങ്ങുന്ന കമ്മറ്റി പ്രവർത്തനം ആരംഭിച്ചു.
റിപ്പോർട്ട്: ജോണ്സണ് പുഞ്ചക്കോണം
|