Deepika.com Nri News :യു എ ഇ ഹൃദയം കൊണ്ടുസ്വീകരിച്ച മഹത്തായ രാജ്യമാണ് ഇന്ത്യ : ഷെയ്ഖ് നഹ്യാൻ ബിൻ മുബാറക് അൽ നഹ്യാൻ.......

Middle East & Gulf

യു എ ഇ ഹൃദയം കൊണ്ടുസ്വീകരിച്ച മഹത്തായ രാജ്യമാണ് ഇന്ത്യ : ഷെയ്ഖ് നഹ്യാൻ ബിൻ മുബാറക് അൽ നഹ്യാൻ

Back To NRI Home Forward This News Click here for detailed news of all items

അബുദാബി : ഇന്ത്യയും യു എ ഇയും സഹവർത്തിത്വത്തിന്റെയും , മനുഷ്യനന്മയുടെയും ആഗോള സംസ്ക്കാരം വളർത്തുന്നതിൽ പ്രതിബദ്ധത പുലർത്തുന്ന പ്രവത്തനങ്ങൾക്കു നേതൃത്വം നൽകുന്ന രാജ്യങ്ങളാണെന്ന് യു എ ഇ സഹിഷ്ണത കാര്യ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ അഭിപ്രായപ്പെട്ടു. യു എ ഇ ഹൃദയം കൊണ്ട് സ്വീകരിച്ച രാജ്യമാണ് ഇന്ത്യ . ആഗോളരംഗത്ത് ഇന്ത്യയുടെ വർധിച്ചു വരുന്ന സ്വാധീനത്തേയും , ഇന്ത്യയുടെ ആത്മവിശ്വാസത്തെയും യു എ ഇ അഭിനന്ദിക്കുന്നു.

അബുദാബി മാർത്തോമ്മാ ഇടവകയുടെ സുവർണ്ണ ജൂബിലി ആഘോഷങ്ങളുടെ ഉത്‌ഘാടന ചടങ്ങിൽ മുഖ്യാതിഥിയായി പങ്കെടുത്തു സംസാരിക്കുകയായിരുന്നു ഷെയ്ഖ് നഹ്യാൻ . രാഷ്ട്ര പുനരേകീകരണത്തിന് മുൻപ് തന്നെ പ്രവർത്തനം ആരംഭിച്ച മാർത്തോമ്മാ ഇടവക, യു എ ഇ യുടെ സാമൂഹ്യപുരോഗതിയിലും സഹവർത്തിത്വത്തിൽ അധിഷ്ഠിതമായ കാതലായ ആദ്ധ്യാത്മിക മൂല്യങ്ങൾക്കും നൽകിയ വിലമതിക്കാനാവാത്ത സേവനങ്ങൾക്ക് രാജ്യം ഏറെ കടപ്പെട്ടിരിക്കുന്നു ഷെയ്ഖ് നഹ്യാൻ അഭിപ്രായപ്പെട്ടു.

ഒരു വർഷം നീണ്ടു നല്കുന്ന ജൂബിലി ആഘോഷങ്ങൾ ഡോ .തിയോഡോഷ്യസ് മാർത്തോമ്മ മെത്രാപ്പോലീത്ത ഉത്‌ഘാടനം ചെയ്തു. റാന്നി നിലക്കൽ ഭദ്രാസനാധിപൻ തോമസ് മാർ തിമൊഥെയോസ് അദ്ധ്യക്ഷത വഹിച്ചു. ലുലു ഗ്രൂപ്പ് ചെയർമാൻ എം എ യൂസഫലി , ജെംസ് ഇന്‍റർനാഷണൽ ചെയർമാൻ സണ്ണി വർക്കി , റവ. പി ടി തോമസ് , റവ.റോജി മാത്യൂസ് ഏബ്രഹാം , ഇടവക വികാരി റവ. ജിജു ജോസഫ് , സഹവികാരി റവ. അജിത് ഈപ്പൻ തോമസ് , ജനറൽ കൺവീനർ സജി തോമസ് , സെക്രട്ടറി ടി.എം. മാത്യു , പ്രോഗ്രാം കമ്മറ്റി കൺവീനർ ജേക്കബ് ജോർജ്ജ് എന്നിവർ സംസാരിച്ചു . ഇടവകയുടെയും യൂത്ത് ഫോറം , സൺ‌ഡേ സ്‌കൂൾ എന്നീ സംഘടനകളുടെയും ഗായകസംഘം ഗാനങ്ങൾ ആലപിച്ചു.

റിപ്പോർട്ട്: അനിൽ സി ഇടിക്കുള

ചാർട്ടേർഡ് ഫ്ലൈറ്റുകളൊരുക്കി സന്നദ്ധ സംഘടനകൾ; വോട്ട് ചെയ്യാൻ പറന്നിറങ്ങി പ്രവാസികൾ.

തലശേരി: ലോക്സഭാ തെരഞ്ഞെടുപ്പിൽ വോട്ട് രേഖപ്പെടുത്താൻ പറന്നിറങ്ങി പ്രവാസികൾ.

വെള്ളപ്പൊക്കം: യുഎഇയിൽ വാഹന ഇൻഷ്വറൻസ് നിരക്കുകൾ വർധിച്ചേക്കും.

അബുദാബി: കഴിഞ്ഞയാഴ്ചത്തെ റിക്കാർഡ് മഴയെത്തുടർന്ന് യുഎഇയിലെ മോട്ടോർ, പ്രോപ്പർട്ടി ഇൻഷ്വറൻസ് നിരക്കുകൾ വർധിച്ചേക്

കൊല്ലപ്പെട്ടയാളുടെ ബന്ധുക്കൾ മാപ്പ് നൽകിയില്ല; സൗദിയിൽ പ്രവാസിയുടെ വധശിക്ഷ നടപ്പാക്കി.

റിയാദ്: സൗദി സ്വദേശിയെ ആക്രമിച്ചു കൊലപ്പെടുത്തിയ കേസിൽ വിദേശിയുടെ വധശിക്ഷ നടപ്പിലാക്കി.

അജ്പാക് റിഗായ് ഏരിയ കമ്മിറ്റി രൂപീകരിച്ചു.

കുവൈറ്റ്‌ സിറ്റി: ആലപ്പുഴ ജില്ലാ പ്രവാസി അസോസിയേഷൻ കുവൈറ്റ്‌ റിഗായ് യൂണിറ്റ് രൂപീകരിച്ചു.