ന്യൂയോർക്ക്: മുൻ കേന്ദ്രമന്ത്രിയും, മലയാളം തെലുങ്ക്തമിഴ് ചലച്ചത്രങ്ങളിലൂടെ പ്രശസ്തനുമായ പ്രശസ്ത നടൻ നെപ്പോളിയൻ ദുരൈസാമി ഫോമാ ഹെൽപിംഗ് ഹാന്‍റിന് രണ്ടായിരം ഡോളർ സംഭാവന നൽകി. ഫോമയുടെ സൗത്ത് ഈസ്റ്റ് മേഖലാ സമ്മേളനം ഉദ്ഘാടനം ചെയ്യവെയാണ് അദ്ദേഹം സംഭാവന നൽകിയത്. സംഭാവന നൽകിയ തുക ശാലോം കാരുണ്യ ഭവനിലെ അന്തേവാസികളായ 225 വയോധികർക്കും, ആയിരത്തി അറുന്നൂറോളം വരുന്ന പത്തനാപുരത്തെ ഗാന്ധിഭവനിലെ അനാഥരും അഗതികളുമായ അന്തേവാസികൾക്കു ഓണക്കോടി നൽകുന്നതിന് തുക വിനിയോഗിക്കും. കോവിഡ് മഹാമാരിയെ തുടർന്ന് വിറ്റഴിക്കാനാവാതെ കെട്ടിക്കിടക്കുന്ന കൈത്തറി ഉൽപന്നങ്ങൾ ഫോമാ ഏറ്റുവാങ്ങിയാണ് ഗാന്ധിഭവനിലെ അന്തേവാസികൾക്ക് ഓണക്കോടിയായി നൽകുന്നത്.
ഉദ്ഘാടന ചടങ്ങിലും സമ്മേളനത്തിലും കേരള അസോസിയേഷൻ ഓഫ് നാഷ്വിൽ( KAN), ഗ്രേറ്റർ മലയാളി അസോസിയേഷൻ ഓഫ് അറ്റ്ലാന്‍റ (GAMA ), അറ്റ്ലാന്‍റ മെട്രോ മലയാളി അസോസിയേഷൻ(AMMA ), അഗസ്റ്റ മലയാളി അസോസിയേഷൻ( AMA ), മലയാളി അസോസിയേഷൻ ഓഫ് സൗത്ത് കരോലിന (MASC ),, എന്നീ മലയാളി സംഘടനകളിലെ നൂറുകണക്കിന് അംഗങ്ങൾ പങ്കെടുത്തു.
സമ്മേളനത്തിൽ ഫോമാ പ്രസിഡന്‍റ് അനിയൻ ജോർജ് പ്രശസ്ത സിനിമാ താരം നെപ്പോളിയനിൽ നിന്ന് ചെക്ക് ഏറ്റുവാങ്ങി. ആർവിപി, ബിജു ജോസഫ്, ദേശീയ സമിതി അംഗം പ്രകാശ് ജോസഫ്, ജെയിംസ് കല്ലറക്കാനിൽ, ഫോമാ വനിതാ വിഭാഗം പ്രതിനിധി ഷൈനി അബൂബക്കർ, ദേശീയ യുവജന വിഭാഗം പ്രതിനിധി മസൂദ് അൽ അൻസാർ, നാഷണൽ അഡ്വൈസറി കൗണ്‍സിൽ സെക്രട്ടറി ബബ്ലൂ ചാക്കോ, ഫോമാ ലൈഫ് ചെയർമാൻ സാം ആന്േ‍റാ, ഫോമാ ഹെൽപിംഗ് ഹാന്‍റ്സ് റീജിയണൽ ചെയർമാൻ തോമസ് ഈപ്പൻ, എന്നിവർ ആശംസകൾ അർപ്പിച്ചു.
സമ്മേളനത്തിൽ കേരള അസോസിയേഷൻ ഓഫ് നാഷ്വിൽ ( KAN) പ്രസിഡന്‍റ് അശോകൻ വട്ടക്കാട്ടിൽ, ഗ്രേറ്റർ മലയാളി അസോസിയേഷൻ ഓഫ് അറ്റ്ലാന്‍റ (GAMA , പ്രസിഡന്‍റ് തോമസ് കെ.ഈപ്പൻ, അറ്റ്ലാന്‍റ മെട്രോ മലയാളി അസോസിയേഷൻ, (AMMA ) പ്രസിഡന്‍റ് ഡൊമിനിക് ചക്കോനാൽ, കൾച്ചറൽ കമ്മറ്റി വൈസ് ചെയർമാൻ ബിജു തുരുത്തുമാലിൽ, ഫോമാ പൊളിറ്റിക്ക്ൽ ഫോറം സെക്രട്ടറി ഷിബു പിള്ള, ബിസിനസ് ഫോറം സൗത്ത് ഈസ്റ്റ് റീജിയണ്‍ ചെയർമാൻ ഡോക്ടർ. ബിജോയ് ജോണ് എന്നിവർ ഫോമയുടെ കാരുണ്യ പ്രവർത്തനങ്ങൾക്ക് പിന്തുണ നൽകുകയും ആശംസകളർപ്പിക്കുകയൂം ചെയ്തു.
റിപ്പോർട്ട്: ടി. ഉണ്ണികൃഷ്ണൻ
|