Deepika.com Nri News :സൗദി - ഇന്ത്യ ബിസിനസ് നെറ്റ് വർക്ക് ദമാം ചാപ്റ്റർ ഉദ്ഘാടനം ചെയ്തു.......

Middle East & Gulf

സൗദി ഇന്ത്യ ബിസിനസ് നെറ്റ് വർക്ക് ദമാം ചാപ്റ്റർ ഉദ്ഘാടനം ചെയ്തു

Back To NRI Home Forward This News Click here for detailed news of all items

റിയാദ്: മേഖലയിലെ ഏറ്റവും പഴക്കമുള്ള വ്യാപാര പങ്കാളികളായ സൗദി അറേബ്യയും ഇന്ത്യയും തങ്ങളുടെ ബിസിനസ് പങ്കാളിത്തം കൂടുതൽ ഉയരങ്ങളിലേക്ക് വ്യാപിപ്പിക്കുന്നതിന്‍റെ സൂചനകളാണ് കാണുന്നതെന്ന് സൗദി അറേബ്യയിലെ ഇന്ത്യൻ അംബാസഡർ ഡോ. ഔസാഫ് സയ്യിദ് പറഞ്ഞു.

ഇരു രാജ്യങ്ങൾക്കുമിടയിലെ വ്യാപാര പങ്കാളിത്തം കൂടുതൽ സുഗമമാക്കുന്നതിനായി 2005 ൽ രൂപീകൃതമായ സൗദി ഇന്ത്യ ബിസിനസ് നെറ്റ് വർക്ക് (എസ്ഐബിഎൻ) ദമാം ചാപ്റ്ററിന്‍റെ ഉദ്ഘാടനം നിർവഹിച്ചു സംസാരിക്കുകയായിരുന്നു അംബാസഡർ. കോവിഡ് മഹാമാരിയുടെ വ്യാപനം മൂലം താറുമാറായ അന്താരാഷ്ട്ര വ്യാപാര ബന്ധങ്ങൾ കൂടുതൽ ഉൗഷ്മളമായി തിരിച്ചുവരുന്ന ഒരു സന്ദർഭത്തിൽ സൗദി അറേബ്യയിലെ എണ്ണ പ്രകൃതിവാതക രംഗത്തും എഞ്ചിനീയറിംഗ് രംഗത്തും മികച്ചു നിൽക്കുന്ന കിഴക്കൻ മേഖലയിൽ ഈ സംഘടനക്ക് മികച്ച സ്വീകാര്യത ലഭിക്കുമെന്ന് അദ്ദേഹം പ്രത്യാശ പ്രകടിപ്പിച്ചു.

ഇന്ത്യയിലെയും സൗദിയിലെയും വ്യവസായ പ്രമുഖർ ദമാം കേന്ദ്രീകരിച്ച് പ്രവർത്തിക്കുന്നുണ്ട്. വരും ദിവസങ്ങളിൽ ഇവർ തമ്മിലുള്ള വ്യാപാര സൗഹൃദം ഇരു രാജ്യങ്ങൾക്കും ഗുണകരമായ രീതിയിൽ വളരട്ടെ എന്നും അംബാസഡർ പറഞ്ഞു. സംഘടനയുടെ പ്രഥമ അധ്യക്ഷനായി തെരഞ്ഞെടുക്കപ്പെട്ട പ്രമുഖ സൗദി വ്യവസായി ഹസൻ അൽ ഖഹ്താനിയേയും ഉപാധ്യക്ഷനായ ഇറാം ഗ്രൂപ്പ് ചെയർമാനും ഈ വർഷത്തെ പ്രവാസി ഭാരതീയ പുരസ്കാര ജേതാവുമായ ഡോ. സിദ്ദീഖ് അഹമ്മദിനെയും അവരുടെ കീഴിലുള്ള മറ്റ് സമിതി ഭാരവാഹികളെയും അദ്ദേഹം അഭിനന്ദിച്ചു. ജിദ്ദയിലും റിയാദിലും ചാപ്റ്ററുകളുള്ള സൗദി ഇന്ത്യ ബിസിനസ് നെറ്റ്വർക്കിന്‍റെ മൂന്നാമത് ചാപ്റ്ററാണ് ദമാമിൽ ആരംഭിച്ചിരിക്കുന്നത്.

സംഘടനയുടെ ആദ്യ പ്രസിഡന്‍റ് ഹസൻ അൽ ഖഹ്താനി (സിഇഒ, എഡബ്ള്യുജെ എനർജി), വൈസ് പ്രസിഡന്‍റ് ഡോ. സിദ്ദീഖ് അഹമ്മദ് (സിഇഒ, ഇറാം ഗ്രൂപ്പ്), ജനറൽ സെക്രട്ടറി മീനാക്ഷി സുന്ദരം (കണ്‍ട്രി മാനേജർ, എൽ ആൻഡ് ടി ഹൈഡ്രോ കാർബണ്‍), ട്രഷറർ നവീത് ഗനി (സിഇഒ, അൽ സയീദ് ബിൽഡേഴ്സ്) എന്നിവരെയും നിർവാഹകസമിതി അംഗങ്ങളായി വികാസ് ഹന്ത (എംഡി, ഗൾഫ് ടെക്), മൻസൂർ അൽ ഷെരീഫ് (ചെയർമാൻ, മൻസൂർ അൽ ശരീഫ് കന്പനി), മുഹമ്മദ് ജമാൽ ഇബ്രാഹിം (ചെയർമാൻ, അൽ ജസീറ കന്പനി), സയ്യിദ് ജാവേദ് (അൽ സയീദ് ഗ്രൂപ്പ് ഓഫ് കന്പനീസ്) എന്നിവരെയും ഇന്ത്യൻ എംബസിക്ക് വേണ്ടി പ്രസ് സെക്രട്ടറി ഹിഫ്സുൽ റഹ്മാൻ പ്രഖ്യാപിച്ചു.

ഹസ്‌സൻ അൽ ഖഹ്താനി, ഡോ. സിദ്ദീഖ് അഹമ്മദ് എന്നിവർ സംഘടനയുടെ പ്രവർത്തനങ്ങൾക്ക് പരിപൂർണ പിന്തുണ വാഗ്ദാനം ചെയ്തു സംസാരിച്ചു. സിയാദ് അൽ ഹുദൈബ് (സൗദി നിക്ഷേപ മന്ത്രാലയം), അഹമ്മദ് അൽ മജ്ദൂയി (അൽ മജ്ദൂയി ഗ്രൂപ്പ്) തുടങ്ങി കിഴക്കൻ പ്രവിശ്യയിലെ പ്രമുഖ വ്യക്തിത്വങ്ങൾ ദമാമിലെ മൂവൻപിക്ക് ഹോട്ടലിൽ നടന്ന ചടങ്ങിൽ പങ്കെടുത്തു.

ചാർട്ടേർഡ് ഫ്ലൈറ്റുകളൊരുക്കി സന്നദ്ധ സംഘടനകൾ; വോട്ട് ചെയ്യാൻ പറന്നിറങ്ങി പ്രവാസികൾ.

തലശേരി: ലോക്സഭാ തെരഞ്ഞെടുപ്പിൽ വോട്ട് രേഖപ്പെടുത്താൻ പറന്നിറങ്ങി പ്രവാസികൾ.

വെള്ളപ്പൊക്കം: യുഎഇയിൽ വാഹന ഇൻഷ്വറൻസ് നിരക്കുകൾ വർധിച്ചേക്കും.

അബുദാബി: കഴിഞ്ഞയാഴ്ചത്തെ റിക്കാർഡ് മഴയെത്തുടർന്ന് യുഎഇയിലെ മോട്ടോർ, പ്രോപ്പർട്ടി ഇൻഷ്വറൻസ് നിരക്കുകൾ വർധിച്ചേക്

കൊല്ലപ്പെട്ടയാളുടെ ബന്ധുക്കൾ മാപ്പ് നൽകിയില്ല; സൗദിയിൽ പ്രവാസിയുടെ വധശിക്ഷ നടപ്പാക്കി.

റിയാദ്: സൗദി സ്വദേശിയെ ആക്രമിച്ചു കൊലപ്പെടുത്തിയ കേസിൽ വിദേശിയുടെ വധശിക്ഷ നടപ്പിലാക്കി.

അജ്പാക് റിഗായ് ഏരിയ കമ്മിറ്റി രൂപീകരിച്ചു.

കുവൈറ്റ്‌ സിറ്റി: ആലപ്പുഴ ജില്ലാ പ്രവാസി അസോസിയേഷൻ കുവൈറ്റ്‌ റിഗായ് യൂണിറ്റ് രൂപീകരിച്ചു.