• Logo

Allied Publications

Europe
കാതോലിക്കാ ബാവ അനുസ്മരണ സമ്മേളനം ഓഗസ്റ്റ് പത്തിനു ജര്‍മനിയില്‍
Share
ബര്‍ലിന്‍: കാലംചെയ്ത മലങ്കര ഓര്‍ത്തഡോക്‌സ് സുറിയാനി സഭയുടെ പരമാധ്യക്ഷന്‍ ബസേലിയോസ് മാര്‍ത്തോമാ പൗലോസ് ദ്വിതീയന്‍ കാതോലിക്കാ ബാവ അനുസ്മരണ സമ്മേളനം ഓഗസ്റ്റ് പത്താംതീയതി ചൊവ്വാഴ്ച ജര്‍മന്‍ സമയം വൈകുന്നേരം അഞ്ചിനു (ഇന്ത്യന്‍ സമയം വൈകിട്ട് 8.30) ജര്‍മനിയിലെ സെന്റ് ഗ്രിഗോറിയോസ് ഇന്ത്യന്‍ ഓര്‍ത്തഡോക്‌സ് ഇടവകയുടെ ആഭിമുഖ്യത്തില്‍ ഓണ്‍ലൈനായി നടത്തപ്പെടുന്നു. യുകെയൂറോപ്പ് അഫ്രിക്ക ഭദ്രാസനാധിപന്‍ ഡോ. മാത്യൂസ് മാര്‍ തീമോത്തിയോസ് മെത്രാപ്പോലീത്ത അധ്യക്ഷത വഹിക്കുന്ന യോഗത്തില്‍ ഗ്യോട്ടിംഗന്‍ യൂണിവേഴ്‌സിറ്റി പ്രഫസറും, പ്രശസ്ത ജര്‍മന്‍ ദൈവശാസ്ത്രജ്ഞനും ചരിത്രകാരനും, അന്താരാഷ്ട്ര എക്യൂമെനിക്കല്‍ രംഗത്തെ നിറസാന്നിധ്യവുമായ പ്രഫ.ഡോ. മാര്‍ട്ടിന്‍ താംകെ അനുസ്മരണ പ്രഭാഷണം നടത്തും.

കോപ്റ്റിക് ഓര്‍ത്തഡോക്‌സ് സഭയുടെ വടക്കന്‍ ജര്‍മനി ഭദ്രാസനാധിപനും ഓര്‍ത്തഡോക്‌സ് സഭ എക്യൂമെനിക്കല്‍ കമ്മീഷന്‍ വൈസ് ചെയര്‍മാനുമായ ബിഷപ്പ് അന്‍ബാ ഡാമിയന്‍, ജര്‍മനിയിലെ ക്രിസ്ത്യന്‍ സമിതി അധ്യക്ഷനും ഗ്രീക്ക് ഓര്‍ത്തഡോക്‌സ് സഭയിലെ ആര്‍ച്ച് പ്രീസ്റ്റുമായ ഫാ. റന്‍ഡി കോണ്‍സ്റ്റാന്റിന്‍ മീറന്‍, ജര്‍മനിയിലെ കത്തോലിക്കാ സഭയുടെ ഫ്രൈബുര്‍ഗ് ഭദ്രാസന സഹായ ബിഷപ്പും കത്തോലിക്കാ സഭയുടെ ബിഷപ്പ് കോണ്‍ഫറന്‍സിന്റേയും എക്യൂമെനിക്കല്‍ റിലേഷന്‍സ് കമ്മീഷന്റേയും പ്രതിനിധിയുമായ ബിഷപ്പ് ഡോ. പീറ്റര്‍ ബിര്‍ക്‌ഹോഫര്‍, ജര്‍മനിയിലെ ഇവാഞ്ചലിക്കല്‍ സഭയുടെ സഭാ ഓഫീസിന്റെ വൈസ് പ്രസിഡന്റും എക്യൂമെനിക്കല്‍ ഡിപ്പാര്‍ട്ട്‌മെന്റിന്റെ മേധാവിയുമായ ബിഷപ്പ് പെട്രാ ബോസെ ഹൂബര്‍, ബ്രഡ് ഫോര്‍ ദി വേള്‍ഡിന്റെ തലവനും ലൂഥറന്‍ സഭയുടെ വക്താവുമായ റവ. ഡിയസിനി നിക്കോള ആരിയോന്‍, റൊമേനിയന്‍ ഓര്‍ത്തഡോക്‌സ് സഭയുടെ ജര്‍മനി ഭദ്രാസനാധിപനായ ആര്‍ച്ച് ബിഷപ്പ് ഡോ. സെറാഫിം യൊയന്റാ മെത്രാപ്പോലീത്ത, എത്യോപ്യന്‍ ഓര്‍ത്തഡോക്‌സ് സഭയുടെ ജര്‍മനി ഭദ്രാസഭാധിപനായ ആര്‍ച്ച് ബിഷപ്പ് അബ്ബാ ദിയോന്നാസിയോസ്, മലങ്കര അസോസിയേഷന്‍ സെക്രട്ടറി അഡ്വ. ബിജു ഉമ്മന്‍, യുകെയൂറോപ്പ് ആഫ്രിക്ക ഭദ്രാസന സെക്രട്ടറി റവ.ഫാ. ഹാപ്പി ജേക്കബ്, ജര്‍മന്‍ പ്രവാസി പ്രതിനിധികള്‍, വിവിധ സഭാ പ്രതിനിധികള്‍, ഇടവക വികാരിമാരായ റവ.ഫാ. രോഹിത് സ്‌കറിയ ജോര്‍ജി, റവ.ഫാ. ആഷു അലക്‌സാണ്ടര്‍, റവ.ഫാ. ജിബിന്‍ തോമസ് ഏബ്രഹാം, ട്രസ്റ്റി സിനോ വര്‍ഗീസ് തോമസ്, സെക്രട്ടറി ലിബിന്‍ വര്‍ഗീസ് വാണിയപ്പുരയ്ക്കല്‍ തുടങ്ങിയവര്‍ സംസാരിക്കും. ജര്‍മനിയിലെ ഇന്ത്യന്‍ ഓര്‍ത്തഡോക്‌സ് സഭയുടെ ഔദ്യോഗിക വെബ്‌സൈറ്റ് യോഗത്തില്‍ പ്രകാശനം ചെയ്യും. സൂം പ്ലാറ്റ്‌ഫോമില്‍ നടക്കുന്ന ചടങ്ങിന്റെ തത്സമയ സംപ്രേഷണം ഇടവക യുട്യൂബ് ചാനല്‍ (ഇന്ത്യന്‍ ഓര്‍ത്തഡോക്‌സ് സഭ ജര്‍മനി), ഗ്രിഗോറിയന്‍ ടിവി, മറ്റ് സാമൂഹിക മാധ്യമങ്ങള്‍ എന്നിവ വഴി സംപ്രേഷണം ചെയ്യും.

വര്‍ഗീസ് ആലന്റെമേലേതില്‍, മാത്യു മാത്യു, മാത്യൂസ് കാക്കനാട്ടുപറമ്പില്‍, കോട്ടയ്ക്കമണ്ണില്‍ തോമസ്, കുരുവിള കോശി, ജിജു കുര്യന്‍ ജോര്‍ജ്, ബിജോയ് വര്‍ഗീസ്, മാത്യൂസ് പി. ജോര്‍ജ്, മാത്യു ജോര്‍ജ്, ഫെബിന്‍ വര്‍ഗീസ്, ആന്‍സെലം വര്‍ഗീസ്, ശരത് വര്‍ഗീസ് ജോയി, ജിനു മാത്യു ഫിലിപ്പ് എന്നിവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിക്കുന്നു. കൂടുതല്‍ വിവരങ്ങള്‍ക്ക്: +4917661997521

"ന്യൂകാസിൽ മാൻ' അസോസിയേഷനു പുതിയ നേതൃത്വം.
ന്യൂകാസിൽ: നോർത്ത് ഈസ്റ്റിലെ മലയാളികളുടെ ഏറ്റവും പ്രധാന സംഘടനയായ മാൻ ( മലയാളി അസോസിയേഷൻ ഓഫ് നോർത്ത് ഈസ്റ്റ് ) അടുത്ത രണ്ടു വർഷത്തേക്കുള്ള ഭാരവാഹികളെ
റോമൻ സിനഡ്: ഗ്രേറ്റ് ബ്രിട്ടൺ രൂപത തല ഒരുക്കങ്ങൾ ഉദ്ഘാടനം ചെയ്തു.
ബ​​​​ർ​​​​മിം​​​​ഗ്ഹാം: 2023ൽ ​​​​റോ​​​​മി​​​​ൽ ന​​​​ട​​​​ക്കു​​​​ന്ന പ​​​​തി​​​​നാ​​​​റാ​​​​മ​​​​ത് മെ​​​​ത്രാ​​ന്മാ​​​​രു​​​​ടെ സിനഡിന് ഒ​​​​രു​​​​
സ്റ്റീവനേജിൽ ദശ ദിന അഖണ്ഡ ജപമാല.
സ്റ്റീവനേജ്: ഗ്രേറ്റ് ബ്രിട്ടൻ സീറോ മലബാർ രൂപതയുടെ ലണ്ടൻ മേഖലയിലെ പ്രോപോസ്ഡ് മിഷനായ സ്റ്റീവനേജ് സെന്‍റ് സേവ്യർ മിഷനിൽ പത്തുദിവസത്തെ അഖണ്ഡ ജപമാല സമാപനം
ബ്രിട്ടീഷ് എംപിമാരുടെ സുരക്ഷ വര്‍ധിപ്പിച്ചു.
ലണ്ടന്‍: ബ്രിട്ടീഷ് എം.പി ഡേവിഡ് അമെസ് കുത്തേറ്റു മരിച്ചതിനു പിന്നാലെ രാജ്യത്ത് രാഷ്ട്രീയ നേതാക്കളുടെ സുരക്ഷ വര്‍ധിപ്പിച്ചു.
ജര്‍മനിയില്‍ ഹെവിഡ്യൂട്ടി ഡ്രോണ്‍ പരീക്ഷണപ്പറക്കല്‍ നടത്തി.
ബര്‍ലിന്‍: ജര്‍മ്മനിയിലെ ഹാംബുര്‍ഗില്‍ ആദ്യമായി ഹെവി ഡ്യൂട്ടി ഡ്രോണ്‍ പൊതു വിക്ഷേപണം നടത്തി.