Deepika.com Nri News :പള്ളി തകർത്ത സംഭവത്തിൽ ഫരീദാബാദ് രൂപത ഡൽഹി ന്യൂനപക്ഷ കമ്മീഷന് പരാതി നൽകി.......

Delhi

പള്ളി തകർത്ത സംഭവത്തിൽ ഫരീദാബാദ് രൂപത ഡൽഹി ന്യൂനപക്ഷ കമ്മീഷന് പരാതി നൽകി

Back To NRI Home Forward This News Click here for detailed news of all items

ന്യൂഡൽഹി: ഫരീദാബാദ് ഡൽഹി രൂപതയുടെ അൻധേരിയ മോഡിലുള്ള ലിറ്റിൽ ഫ്ളവർ ദേവാലയം തകർത്ത അധികൃതരുടെ അന്യായവും ക്രൂരവുമായ നടപടിക്കെതിരെ ഫരീദാബാദ് രൂപത ഡൽഹി ന്യൂനപക്ഷ കമ്മീഷന് പരാതി നൽകി.

ന്യൂനപക്ഷ സമൂഹമായ ഡൽഹിയിലെ പ്രവാസികളായ സീറോ മലബാർ കത്തോലിക്കർ കഴിഞ്ഞ പന്ത്രണ്ടിലധികം വർഷങ്ങളായി ദൈനംദിന വിശുദ്ധ ബലിക്കും മറ്റു പ്രാർഥനകൾക്കുമായി ഉപയോഗിച്ചുകൊണ്ടിരുന്ന ദേവാലയമാണ് ജൂലൈ 12 ന് തകർത്തത്. പോലീസിന്‍റെയും മറ്റു ഉന്നത ഉദ്യോഗസ്ഥരുടേയും സാന്നിധ്യത്തിൽ ബുൾഡോസറുകളോടു കൂടി പള്ളി പരിസരത്തേക്ക് ഇടിച്ചു കയറി പള്ളി വികാരിയേയും അവിടെ ഉണ്ടായിരുന്ന മറ്റ് ഇടവകാംഗങ്ങളെയും പുറത്താക്കി പള്ളി ഇടിച്ചു തകർക്കുകയും പള്ളിയിലുണ്ടായിരുന്ന രൂപങ്ങളും മറ്റ് വിശുദ്ധ വസ്തുക്കളും ജനങ്ങളുടെ മതവികാരത്തിന് യാതൊരുവിധ പരിഗണനയും കൊടുക്കാതെ നശിപ്പിക്കുകയും ചെയ്തു.

പള്ളി വികാരി ഫാ. ജോസ് കന്നുകുഴിയുടെ നേതൃത്വത്തിൽ കൈക്കാരൻമാർ , കമ്മിറ്റി അംഗങ്ങൾ, ദേവാലയ സംരക്ഷണ സമിതി അംഗങ്ങൾ എന്നിവരുൾപ്പെട്ട ഒരു സംഘം ഡൽഹി ന്യൂനപക്ഷ കമ്മീഷൻ അംഗം നാൻസി ബാർലോയെ കാണുകയും സംഭവം സംബന്ധിച്ചുള്ള കാര്യങ്ങൾ വിശദീകരിക്കുകയും ചെയ്തു. വിഷയത്തിൽ ന്യൂനപക്ഷ കമ്മീഷൻ എത്രയും വേഗം ഇടപെടണമെന്ന് ആവശ്യപ്പെട്ട് നിവേദനം നൽകുകയും ചെയ്തു. തുടർന്നു ന്യൂനപക്ഷ കമ്മീഷൻ അംഗം തകർക്കപ്പെട്ട ദേവാലയ പരിസരം സന്ദർശിച്ച് സ്ഥിതിഗതികൾ വിലയിരുത്തി. ഇടവക വികാരിയും കമ്മിറ്റി അംഗങ്ങളും ദേവാലയം നശിപ്പിച്ചതിനെ കുറിച്ചുള്ള കടുത്ത ദുഖവും വേദനയും പ്രകടിപ്പിക്കുകയും ആരാധനാലയം പണിതു തരുവാൻ വേണ്ട നടപടികൾ സ്വീകരിക്കണമെന്ന് ആവശ്യപ്പെടുകയും ചെയ്തു. റിപ്പോർട്ട് തയ്യാറാക്കി ബന്ധപ്പെട്ട അധികാരികൾക്ക് അയയ്ക്കാമെന്ന് കമ്മീഷൻ നിവേദന സംഘത്തിന് വാഗ്ദാനം നൽകി.

2006 മുതൽ പള്ളിയുടെ കൈവശമുള്ള ഭൂമി വിശ്വാസികളെ പുറത്താക്കി കൈവശപ്പെടുത്താൻ ആഗ്രഹിക്കുന്ന ബ്യൂറോക്രാറ്റിക് അതിക്രമങ്ങൾക്കും ലാൻഡ് മാഫിയയുടെ മറഞ്ഞിരിക്കുന്ന അജണ്ടയ്ക്കും എതിരെ ഫരീദാബാദ് രൂപതയുടെ നേതൃത്വത്തിൽ പ്രതിഷേധ പരമ്പരക്ക് ആരംഭം കുറിച്ചു. ഇടവകകളുടെയും സംഘടനകളുടെയും നേതൃത്വത്തിൽ കോവിഡ് മാനദണ്ഡങ്ങൾ പാലിച്ച് പരസ്യ പ്രതിഷേധം, കറുത്ത ദിനാചരണം, പ്രാർത്ഥനാ യജ്ഞം, നിരാഹാര സമരം എന്നിവ നടത്തുമെന്ന് രൂപത പി ആർ ഒ അറിയിച്ചു.

റിപ്പോർട്ട്: റെജി നെല്ലിക്കുന്നത്ത്

ഡൽഹിയിൽ യൂട്യൂബര്‍ കെട്ടിടത്തില്‍നിന്നു ചാടി ജീവനൊടുക്കി.

ന്യൂഡൽഹി: പ്രമുഖ യൂട്യൂബറായ സ്വാതി ഗോദരയെ കെട്ടിടത്തില്‍നിന്നു ചാടി ആത്മഹത്യചെയ്ത നിലയില്‍ കണ്ടെത്തി.

വർണ വിസ്മയ രാവായി ഡിഎംഎയുടെ സ്ഥാപക ദിനാഘോഷം.

ന്യൂഡൽഹി: ഡൽഹി മലയാളി അസോസിയേഷന്‍റെ സ്ഥാപക ദിനാഘോഷം സംഘടിപ്പിച്ചു.

ഡിഎംഎ ജനക്പുരി ഏരിയയിൽ വിഷു ആഘോഷം.

ന്യൂഡൽഹി: ഡൽഹി മലയാളി അസോസിയേഷൻ, ജനക്പുരി ഏരിയയുടെ വിഷു ദിനാഘോഷം ഞായറാഴ്ച ജനക്പുരി ഏരിയ കമ്മിറ്റി ഓഫീസിൽ ആഘോഷി

മജീഷ് ഗോപാൽ ഡൽഹിയിൽ അന്തരിച്ചു.

ന്യൂഡൽഹി: എറണാകുളം പെരുമ്പാവൂർ സ്വദേശി മജീഷ് ഗോപാൽ(38) ഡൽഹിയിലെ ലഡോ സരായിൽ അന്തരിച്ചു.

ഡിഎംഎ ലാജ്പത് നഗർ ഏരിയ മലയാള ഭാഷാ പഠനകേന്ദ്രം ഉദ്ഘാടനം ചെയ്തു.

ന്യൂഡൽഹി: ഡൽഹി മലയാളി അസോസിയേഷൻ ലാജ്പത് നഗർ ഏരിയ മലയാള ഭാഷാ പഠനകേന്ദ്രം ഉദ്ഘാടനം ചെയ്തു.