• Logo

Allied Publications

Delhi
ബെൻസി ജോർജ് ദക്ഷിണ റെയിൽവേ സോണൽ യൂസേഴ്സ് കൺസൾട്ടേറ്റീവ് കമ്മിറ്റി മെമ്പർ
Share
ന്യൂഡൽഹി: ബെൻസി ജോർജ് അറയ്ക്കലിനെ ദക്ഷിണ റെയിൽവേയുടെ സോണൽ യൂസേഴ്സ് കൺസൾട്ടേറ്റീവ് കമ്മിറ്റി മെമ്പർ ആയി നിയമിച്ചു.

കേന്ദ്ര റയിൽവെ ബോർഡിന്റെ ദക്ഷിണ മേഖലയുടെ കീഴിൽ വരുന്ന ആറ് ഡിവിഷനുകൾ അടങ്ങുന്ന സോണുകളാണ് ബെൻസിയുടെ സേവന മേഖല. രണ്ട്‌ വർഷമാണ് കാലാവധി. തെക്കേ ഇന്ത്യയിലെ പ്രമുഖ ഡിവിഷനുകളായ ചെന്നൈ, തൃശിനാപ്പള്ളി, സേലം, മധുര, പാലക്കാട്, തിരുവനന്തപുരം എന്നിവിടങ്ങൾ കേന്ദ്രീകരിച്ചായിരിക്കും ഇദ്ദേഹം പ്രവർത്തിക്കുക.

മാനേജ്‌മെന്‍റ് ആൻഡ് കൺസൾട്ടിംഗ് രംഗത്ത് ഒന്നരപതിറ്റാണ്ടിന്‍റെ അനുഭവ പരിചയമുള്ള ബെൻസി ജോർജ് ആലപ്പുഴ കുട്ടനാട് സ്വദേശിയാണ്. പ്രമുഖ കോർപറേറ്റ് സ്ഥാപനങ്ങളിൽ പ്രവർത്തിച്ച പ്രഫഷനൽ എന്ന നിലക്കാണ് പുതിയ പദവി ബെൻസിയെ തേടിയെത്തിയത്.

റയിൽവേയ്ക്കും സംരംഭകർക്കും ഉതകുന്ന രീതിയിൽ നൂതന നിക്ഷേപ ആശയങ്ങളെ കണ്ടെത്തി ആവിഷ്‌കരിക്കാൻ മുൻകൈ എടുക്കുമെന്ന് ബെൻസി അറിയിച്ചു.

യുവ സംരംഭകനും അറിയപ്പെടുന്ന സാമൂഹിക പ്രവർത്തകനുമായ ബെൻസി ജോർജ് ഡൽഹി ആസ്ഥാനമായി പ്രവർത്തിക്കുന്ന ഡിസ്ട്രസ് മാനേജ്മെന്‍റ് കളക്റ്റിവിന്റെ (DMC) മാനേജിംഗ് ട്രസ്റ്റീ മെമ്പർ കൂടിയാണ്. 2018ലെ വെള്ളപ്പൊക്കത്തിനെത്തുടർന്ന് കുട്ടനാടിന്‍റെ പുനരുദ്ധാരണ പ്രവർത്തനങ്ങളിൽ ബെൻസി പങ്കാളി ആയിരുന്നു.

റിപ്പോർട്ട്: റെജി നെല്ലിക്കുന്നത്ത്

നജഫ്‌ഗഡ് ശ്രീചോറ്റാനിക്കര ഭഗവതി ക്ഷേത്രത്തിൽ കാർത്തിക പൊങ്കാല ഞായറാഴ്ച.
ന്യൂ ഡൽഹി: നജഫ്‌ഗഡ് ശ്രീചോറ്റാനിക്കര ഭഗവതി ക്ഷേത്രത്തിൽ മെയ് 29 ഞായറാഴ്ച കാർത്തിക പൊങ്കാല അരങ്ങേറും.

രാവിലെ 5:30ന് നിർമ്മാല്യ ദർശനം.
കല്യാണ പാട്ടിനും പകര്‍പ്പവകാശം; പഠിക്കാന്‍ വിദഗ്ധ സമിതി.
ന്യൂഡല്‍ഹി: വിവാഹ ചടങ്ങുകളിലും മറ്റും സിനിമാ പാട്ടുകള്‍ പാടിയുള്ള ആഘോഷങ്ങള്‍ക്കു പൂട്ടു വീണേക്കും.
ഡിഎംഎ മഹിപാൽപൂർകാപ്പസ്ഹേഡാ ഏരിയയുടെ വാർഷികാഘോഷം.
ന്യൂഡൽഹി: ഡൽഹി മലയാളി അസോസിയേഷൻ മഹിപാൽപൂർകാപ്പസ്ഹേഡാ ഏരിയയുടെ പത്താമത് വാർഷികാഘോഷങ്ങൾ കാപ്പസ്ഹേഡാ, ഗലി നമ്പർ 2ലെ നമ്പർദാർ ചൗപ്പാലിൽ അരങ്ങേറി.