ലണ്ടൻ: കേരളത്തിലെ കോവിഡ് പ്രതിരോധ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ കൈമാറുകയാണ് യുകെയിലെ ഇടതുപക്ഷ കലാസാംസ്കാരിക സംഘടനയായ സമീക്ഷ യുകെ . കഴിഞ്ഞ രണ്ടു മാസത്തോളമായി സമീക്ഷ യുകെ യുടെ ഇരുപത്തിമൂന്നോളം ബ്രാഞ്ചുകൾ കോവിഡ് മാനദണ്ഡങ്ങൾ പാലിച്ചു കൊണ്ട് നടത്തിയ ബിരിയാണി മേളയിലൂടെയും സുമനസുകളുടെ അകമഴിഞ്ഞ സംഭവനയിലൂടെയുംഈ തുക കണ്ടെത്തിയത്.
ഗ്ലോസ്റ്റെർഷെയർ,ബെൽഫാസ്റ്റ്, ലണ്ടൻഡറി, കേറ്ററിംഗ്, കൊവെൻട്രി, മാഞ്ചസ്റ്റർ ,ബ്രിസ്റ്റോൾ, നോർത്താംപ്ടണ്,പീറ്റർബറോ & ബോസ്റ്റണ്, ബിർമിങ്ഹാം, എക്സിറ്റർ,ബെഡ്ഫോർഡ്, പൂൾ, വിഗാൻ, ഹീത്രോ സെൻട്രൽ,ഇപ്സ്വിച്, സാലിസ്ബറി,എഡിൻബറോ, ഇൻവെർനെസ്സ് ,ന്യൂകാസിൽ ഈസ്റ്റ് ഹാം, ഷെഫീൽഡ് എന്നീ ബ്രാഞ്ചുകളുടെ സജീവമായ പ്രവർത്തനങ്ങളെ സമീക്ഷ നാഷണൽ കമ്മറ്റി അഭിനന്ദിച്ചു.
ബ്രാഞ്ച് തലങ്ങളിൽ ഈ പ്രവർത്തനങ്ങൾക്ക് നേതൃത്വം നൽകിയ സമീക്ഷ യുകെ പ്രവർത്തകർക്കും അവരോടൊപ്പം കൈകോർത്ത നാടിനെ സ്നേഹിക്കുന്ന ഏവർക്കും സമീക്ഷ യുകെയുടെ നന്ദിയും കടപ്പാടും അറിയിക്കുന്നതായി സമീക്ഷ യുകെ നാഷണൽ സെക്രട്ടറി ദിനേശ് വെള്ളാപ്പള്ളിയും പ്രസിഡന്റ് സ്വപ്ന പ്രവീണും പറഞ്ഞു.
|