ന്യൂഡൽഹി: ഡൽഹി മലയാളി അസോസിയേഷന്‍റെ ഉപദേശക സമിതി അംഗമായിരുന്ന എം.ജി. ജോർജ് മുത്തൂത്തിന്‍റെ നിര്യാണത്തിൽ അനുശോചനം രേഖപ്പെടുത്തിക്കൊണ്ട് ഡിഎംഎയുടെ ആഭിമുഖ്യത്തിൽ എം.ജി ജോർജ് മുത്തൂറ്റ് അനുസ്മരണ യോഗം നടത്തി. ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ മാർച്ച് 22 തിങ്കളാഴ്ച്ച ഡിഎംഎ പ്രസിഡന്‍റ് കെ. രഘുനാഥിന്‍റെ അധ്യക്ഷതയിൽചേർന്ന യോഗത്തിൽ ഡൽഹിയിലെ വിവിധ സംഘടനാ ഭാരവാഹികൾ പങ്കെടുത്തു.
ഡിഎംഎ അഡീഷണൽ ജനറൽ സെക്രട്ടറി കെ ജെ ടോണി സ്വാഗതം പറഞ്ഞു. ഡിഎംഎ ഉപദേശക സമിതി അംഗവും നായർ സർവീസ് സൊസൈറ്റി, ഡൽഹി പ്രസിഡഡന്‍റുമായ എംകെജി പിള്ള, പ്രശസ്ത ആർക്കിടെക്ച്ചറും ഡിഎംഎയുടെ സന്തത സഹചാരിയുമായ ജോണ് ഫിലിപ്പോസ്, ഡിഎംഎ ഉപദേശക സമിതി അംഗവും കേരളാ എഡ്യൂക്കേഷൻ സൊസൈറ്റി പ്രസിഡന്‍റുമായ ബാബു പണിക്കർ, ഡിഎംഎ ഉപദേശക സമിതി അംഗവും മാതൃഭൂമി മുൻ ബ്യൂറോ ചീഫുമായ എൻ അശോകൻ, ഇന്‍റർ നാഷണൽ കഥകളി സെന്‍റർ വൈസ് പ്രസിഡന്‍റ് ജോയ് കൊന്നയിൽ, ഓൾ ഇന്ത്യ മലയാളി അസോസിയേഷൻ, ഡൽഹി സെക്രട്ടറി പി രവീന്ദ്രൻ, ദീപിക ഡൽഹി ബ്യൂറോ ചീഫ് ജോർജ് കള്ളിവയലിൽ, ആർകെപുരം അയ്യപ്പ ക്ഷേത്രം പ്രസിഡന്‍റ് രവി നായർ, പാലക്കാടൻ കൂട്ടായ്മയുടെ പ്രസിഡന്‍റ് യു. രാധാകൃഷ്ണൻ, ഡൽഹി പഞ്ചവാദ്യ ട്രൂസ്റ്റിന്‍റെ ചെറുതാഴം കുഞ്ഞിരാമൻ മാരാർ, ഡിഎംസി.യുടെ രക്ഷാധികാരി കെ സി ജോർജ്, മുത്തൂറ്റ് ഗ്രൂപ്പ് ഡൽഹി റീജണൽ മാനേജർ ഷോജി പോൾ, ഡിഎംഎ ട്രഷറർ മാത്യു ജോസ്, ജോയിന്റ് ട്രെഷറർ പി.എൻ. ഷാജി, മാമ്മൻ വർഗീസ് തുടങ്ങിയവർ സംസാരിച്ചു,
എസ്എൻഡിപി ഡൽഹി യൂണിയൻ സെക്രട്ടറി സികെ പ്രിൻസ്, വേൾഡ് മലയാളി കൗണ്‍സിൽ, ഡൽഹി പ്രൊവിൻസ് പ്രസിഡന്‍റ് ഡൊമിനിക് ജോസഫ്, ഇന്‍റർനാഷണൽ കഥകളി സെന്‍റർ സെക്രട്ടറി ജനറൽ, അനിതാ കലേഷ്, ജനസംസ്കൃതി പ്രസിഡന്‍റ് ശശികുമാർ, എൻഎസ്എസ് ജനറൽ സെക്രട്ടറി ജയപ്രകാശ്, ബാലഗോകുലം ജനറൽ സെക്രട്ടറി പി കെ സുരേഷ്, ഡൽഹി മലയാളം മിഷൻ ജനറൽ സെക്രട്ടറി എസ് ശ്രീനിവാസൻ, പവിത്രൻ കൊയിലാണ്ടി എന്നിവരുടെ അനുശോചന സന്ദേശങ്ങളും വായിച്ചു.
ഡിഎംഎ നിർവാഹക സമിതി അംഗങ്ങളായ ആർഎംഎസ് നായർ, എൻ.സി ഷാജി, കലേഷ് ബാബു, സുജാ രാജേന്ദ്രൻ, ബിജു ജോസഫ്, പ്രദീപ് ദാമോദരൻ, എസ് അജികുമാർ എന്നിവർ ചടങ്ങിന് മേൽനോട്ടം വഹിച്ചു. ഡിഎംഎയുടെ വിവിധ ഏരിയ ഭാരവാഹികളും മുത്തൂറ്റ് ഗ്രൂപ്പ് പ്രതിനിധികൾ തുടങ്ങി സാമൂഹിക സാംസ്കാരിക രംഗത്തെ പ്രമുഖ വ്യക്തികളും ചടങ്ങിൽ പങ്കെടുത്തു. എംജി ജോർജ് മുത്തൂറ്റിന്‍റെ ഛായാ ചിത്രത്തിൽ പുഷ്പാർച്ചന നടത്തിയ ശേഷമാണ് യോഗം സമാപിച്ചത്.
റിപ്പോർട്ട്: പി.എൻ. ഷാജി
|