ബെർലിൻ: കോവിഡ് മഹാമാരി കാരണമുണ്ടായ സാന്പത്തിക പ്രത്യാഘാതങ്ങൾ ദരിദ്ര രാജ്യങ്ങളിലെ വിദ്യാഭ്യാസ ബജറ്റിനെ ഗണ്യമായി ബാധിക്കുന്നതായി പഠന റിപ്പോർട്ട്. പിന്നാക്ക രാജ്യങ്ങളിലെ വിദ്യാഭ്യാസ ബജറ്റിൽ 65 ശതമാനം വരെ കുറവുണ്ടായി. സന്പന്ന രാജ്യങ്ങളിൽ 33 ശതമാനമാണ് കുറവ് വരുന്നതായാണ് പഠനറിപ്പോർട്ട്.
29 രാജ്യങ്ങളിൽ നിന്നുള്ള വിവരങ്ങളുടെ അടിസ്ഥാനത്തിലാണ് ലോക ബാങ്ക് പഠനം നടത്തി റിപ്പോർട്ട് തയാറാക്കിയത്.
സാന്പത്തികമായി ഏറെ പിന്നാക്കമായ അഫ്ഗാനിസ്ഥാൻ, ഇത്യോപ്യ, ഉഗാണ്ട എന്നീ രാജ്യങ്ങളും ബംഗ്ലാദേശ്, ഈജിപ്ത്, ഇന്ത്യ, കെനിയ, കിർഗിസ് റിപ്പബ്ലിക്, മൊറോക്കോ, മ്യാ·ർ, നേപ്പാൾ, നൈജീരിയ, പാകിസ്ഥാൻ, ഫിലിപ്പീൻസ്, താൻസാനിയ, യുക്രെയ്ൻ, ഉസ്ബെകിസ്താൻ, അർജൻറീന, ബ്രസീൽ, കൊളംബിയ, ജോർഡൻ, ഇന്തോനേഷ്യ, കസഖ്സ്താൻ, മെക്സികോ, പെറു, റഷ്യ, തുർക്കി, ചിലി, പനാമ എന്നീ രാജ്യങ്ങളിൽ നിന്നുമാണ് വിവരങ്ങൾ ശേഖരിച്ചത്.
റിപ്പോർട്ട്: ജോസ് കുന്പിളുവേലിൽ
|