ലണ്ടൻ: മനുഷ്യരെ ദൈവീകരാമാക്കുവാൻ ദൈവം മനുഷ്യനായ തിരുനാളിന്റെ ഓർമയിൽ ഒരുമിക്കുന്പോൾ ദൈവീക പ്രവർത്തനങ്ങൾക്കായി നമുക്ക് ഒരുമിക്കാം എന്നും ഒരു കർത്താവിലുള്ള വിശ്വാസം ജീവിതത്തിലൂടെ പ്രകാശിതമാക്കുവാൻ നമ്മുക്ക് കഴിയണമെന്നും ഗ്രേറ്റ് ബ്രിട്ടൻ സിറോ മലബാർ രൂപതാധ്യക്ഷൻ മാർ ജോസഫ് സ്രാന്പിക്കൽ ആശംസിച്ചു. രൂപതയുടെ ക്രിസ്ത്യൻ യൂണിറ്റി, ഫൈത് & ജസ്റ്റിസ് കമ്മീഷന്റെ ആഭിമുഖ്യത്തിൽ യുകെയിൽ ശുശ്രുഷ ചെയുന്ന വിവിധ സഭകളിലെ മലയാളി വൈദീകരുടെ ഓണ്ലൈൻ സമ്മേളനത്തിൽ സംസാരിക്കുകയായിരുന്നു അദ്ദേഹം.
നാൽപതോളം വൈദീക പ്രതിനിധികൾ പങ്കെടുത്ത സമ്മേളനത്തിൽ രൂപത പ്രോട്ടോ സിഞ്ചെല്ലൂസ് മോണ്. ആന്റണി ചുണ്ടെലിക്കാറ്റു, മോണ്. ജിനോ അരീക്കാട്ട്, ഫാ ബിനു കിഴക്കേ ഇളംതോട്ടം, സീറോ മലങ്കര സഭയിൽനിന്നും ഫാ. ജോണ്സണ് മനയിൽ, ഇംഗ്ലണ്ട്, വെയിൽസ്, സ്കോട്ലൻഡ് എന്നിവിടങ്ങളിലുള്ള ലത്തീൻ രൂപതകളിൽ സേവനംചെയ്യുന്ന മലയാളി വൈദികരുടെ പ്രതിനിധികളായി ഫാ. സ്റ്റാൻലി വിൽസണ്, ഫാ. തോമസ് ജോണ് എന്നിവരും ഇൻഡ്യൻഓർത്തഡോക്സ് സഭയുടെ ഭദ്രാസന സെക്രട്ടറി ഫാ. ഹാപ്പി ജേക്കബ്,മലങ്കര യാക്കോബായ സുറിയാനി ഓർത്തഡോക്സ് ഭദ്രാസന സ്രെകട്ടറിഫാ. എൽദോസ് കവുങ്ങും പിള്ളിൽ, മാർത്തോമ്മാ സഭാ ഭദ്രാസന സെക്രട്ടറി ഫാ. പി. റ്റി. തോമസ് എറന്പിൽ, ക്നാനായ സിറിയൻ യാക്കോബായ സഭയിൽനിന്നും ഫാ. ജോമോൻ പുന്നൂസ്, ചർച്ച് ഓഫ് സൗത്ത് ഇൻഡ്യയെ പ്രതിനിധീകരിച്ച് ഫാ. വിജി വർഗീസ് ഈപ്പൻ, ഗ്രേറ്റ് ബ്രിട്ടൻ സീറോമലബാർ രൂപതാ ചാൻസിലർ ഫാ. മാത്യു പിണക്കാട്ട്,കമ്മീഷൻ അംഗങ്ങളായ മാർട്ടിൻ ബ്രഹ്മകുളം, റോബിൻ ജോസ് പുൽപറന്പിൽ, ഷോജി തോമസ് എന്നിവർ സംസാരിച്ചു. കമ്മീഷൻ സ്രെകട്ടറി മനോജ് ടി. ഫ്രാൻസിസ്, അംഗങ്ങളായ റവ. സി. ലീന മേരി, ബയ്സിൽ ജോസഫ്, ജോബി സി. ആന്റണി, ടോമി പാറക്കൽ എന്നിവർ സമ്മേളനത്തിനു നേതൃത്വം നൽകി.
|