Deepika.com Nri News :ഭിന്നശേഷിക്കാർക്ക് സഹായ ഹസ്തവുമായി ഹലോ ഫ്രണ്ട്സ്.......

Europe

ഭിന്നശേഷിക്കാർക്ക് സഹായ ഹസ്തവുമായി ഹലോ ഫ്രണ്ട്സ്

Back To NRI Home Forward This News Click here for detailed news of all items

സൂറിച്ച്‌: യൂറോപ്പിലെ അറിയപ്പെടുന്ന സാമൂഹ്യമാധ്യമ കൂട്ടായ്‌മയായ ഹലോ ഫ്രണ്ട്‌സ് ഭിന്നശേഷിക്കാർക്കുവേണ്ടിയുള്ള പുതിയ സേവന പദ്ധതി "സ്നേഹ സ്പർശം" അവതരിപ്പിച്ചു.
ഇതിന് മുൻപ് "സ്വപ്നക്കൂട്' എന്ന പദ്ധതിയുമായി സാമൂഹ്യ പ്രതിബദ്ധത പ്രകടിപ്പിച്ച കൂട്ടായ്മക്ക് വിവിധ ഭാഗങ്ങളിൽ നിന്നും സുമനസുകൾ നിർലോഭം പിന്തുണ നൽകി വരുന്നു.

ലോക പ്രശസ്ത മജീഷ്യനും സാമൂഹ്യപ്രവർത്തകനുമായ ഗോപിനാഥ് മുതുകാടിന്‍റെ മാജിക് പ്ലാനറ്റുമായി സഹകരിച്ചാണ് സ്നേഹസ്പർശം പ്രവർത്തിക്കുക. മഹാമാരിക്കാലത്ത് മാജിക് പ്ലാനറ്റ് അടച്ചിടേണ്ടി വന്ന സാഹചര്യത്തിൽ ഭിന്നശേഷിക്കാരെ ഒരു കൈ സഹായിക്കുക എന്ന സദുദ്ദേശ്യത്തോടെയാണ് ഹലോ ഫ്രണ്ട്സ് സ്നേഹസ്പർശം പദ്ധതി പ്രവർത്തിക്കുക.നല്ലവരായ സ്വിസ് മലയാളികളുടെ സഹകരണവും കരുതലും അഭ്യർഥിക്കുന്നതായി അഡ്മിൻ ടോമി തൊണ്ടാംകുഴിയും പ്രോജക്ട് ചീഫ് കോഓർഡിനേറ്റർ വിൻസെന്‍റ് പറയംനിലവും കോഓർഡിനേറ്റർ ജെയിംസ് തെക്കേമുറിയും അറിയിച്ചു.

ജാലവിദ്യയുടെ ലോകത്തേക്ക് ഭിന്നശേഷിക്കാരെ കൈപിടിച്ച് അവർക്ക് മാനസിക വളർച്ച നൽകാൻ ലക്ഷ്യമിട്ടുള്ള മജീഷ്യൻ ഗോപിനാഥ് മുതുകാട് തുടങ്ങിവച്ച പദ്ധതിയോട് സഹകരിച്ചാണ് ഹലോ ഫ്രണ്ട്സ് സ്നേഹസ്പർശം പ്രവർത്തിക്കുക.

സെറിബ്രൽ പാൾസി ,ഓട്ടിസം, ഡൗൺ സിൻഡ്രോം തുടങ്ങിയവ ബാധിച്ച കുട്ടികളും തെരുവ് മാന്ത്രികരുമാണ് നിലവിൽ മാജിക് പ്ലാനറ്റിൽ ഉള്ളത്. കേരള സർക്കാർ സ്ഥാപനമായ ചൈൽഡ് ഡെവലപ്മെന്‍റ് സെന്‍റർ ( സി‌ഡിസി) നേതൃത്വത്തിലാണ് കേരളത്തിലെ വിവിധ ജില്ലകളിൽ നിന്നും ഇവിടേക്ക് കുട്ടികളെ തിരഞ്ഞെടുക്കുന്നത്.

സിഡിസി നടത്തിയ പഠനത്തിൽ ജാലവിദ്യ കാണിക്കുന്നതിലൂടെ മറ്റുള്ളവരിൽ നിന്നും കിട്ടുന്ന പ്രോത്സാഹനം ഭിന്നശേഷിയുള്ള കുട്ടികളിൽ വലിയതോതിലുള്ള മാനസിക വളർച്ച ഉണ്ടാകുന്നതായി തെളിഞ്ഞിട്ടുണ്ട്. ഇവിടെ അന്തേവാസികളായ കുട്ടികളുടെ ഉപജീവനമാർഗമാണ് മഹാമാരിയിൽ പൊലിഞ്ഞത് . കൂടാതെ ഭിന്നശേഷിക്കാരായ കുട്ടികൾ വീടുകളിൽ തിരികെ എത്തിയതിനുശേഷം അസ്വസ്ഥത പ്രകടിപ്പിച്ചതും ശ്രദ്ധയിൽ പെട്ടിരുന്നു. സമൂഹത്തിൽ പാർശ്വവൽക്കരിക്കപ്പെടേണ്ടവരല്ല മറിച്ച് കരുതലും തണലും നൽകി നമ്മളോടൊപ്പം നിർത്തേണ്ടവരാണ് ഭിന്നശേഷിക്കാരെന്നുള്ള ഉറച്ച
വിശ്വാസമാണ് ഹലോ ഫ്രണ്ട്സിനെ ഈ പദ്ധതി തുടങ്ങുവാൻ പ്രേരിപ്പിച്ചത്.

ഹലോ ഫ്രണ്ട്സ് സ്നേഹസ്പർശം ഭിന്നശേഷിയുള്ള കുട്ടികൾക്ക് സഹായ ഹസ്‌തവുമായി മാതൃകാപരമായ പ്രവർത്തനം കാഴ്ച വക്കുന്നു.

വിവരങ്ങൾക്ക് ഹലോ ഫ്രണ്ട്സ് ഗവേണിംഗ് ബോഡിയുമായി ബന്ധപ്പെടുക.

റിപ്പോർട്ട്:ജേക്കബ് മാളിയേക്കൽ

വാട്ടർഫോർഡിൽ മേയ് ദിനാഘോഷം സംഘടിപ്പിക്കുന്നു.

ഡബ്ലിൻ: വാട്ടർഫോർഡിൽ മേയ് ദിനാഘോഷ പരിപാടി സംഘടിപ്പിക്കുന്നു.

ഫാ. ജോ ജോൺ ചെട്ടിയാകുന്നേൽ ലാസലെറ്റ് സന്യാസസഭ സുപ്പീരിയർ ജനറൽ.

അൻസിറാബെ (മഡഗാസ്കർ): 178 വർഷം പഴക്കമുള്ള ലാസലെറ്റ് സന്യാസ സഭയുടെ പുതിയ സുപ്പീരിയർ ജനറലായി മലയാളിയായ ഫാ.

ലണ്ടൻ മേയർ തെരഞ്ഞെടുപ്പ്: ഇന്ത്യൻ വംശജൻ തരുൺ ഗുലാത്തിയും മത്സരരംഗത്ത്.

ലണ്ടൻ: അടുത്ത മാസം രണ്ടിനു നടക്കുന്ന ലണ്ടൻ മേയർ തെരഞ്ഞെടുപ്പിൽ ഇന്ത്യൻ വംശജനായ വ്യവസായ പ്രമുഖൻ തരുൺ ഗുലാത്തിയും മ

ഗ്രേറ്റ് ബ്രിട്ടൻ രൂപത ബൈബിൾ ക്വിസ് മത്സരം; പേരുകൾ രജിസ്റ്റർ ചെയ്യാനുള്ള അവസരം ഞായറാഴ്ച വരെ.

ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപതയുടെ ആഭിമുഖ്യത്തിൽ സംഘടിപ്പിക്കുന്ന സുവാറ 2024 ബൈബിൾ ക്വിസ് മത്സരങ്ങൾക്

യുകെയിൽ മലയാളി നഴ്സ് മരിച്ചനിലയിൽ.

ലണ്ടൻ: യുകെയിൽ മലയാളി നഴ്സിനെ വീടിനുള്ളിൽ മരിച്ചനിലയിൽ കണ്ടെത്തി.