സംസ്കൃതിയുടെ തീം സോംഗ് പ്രകാശനം ചെയ്തു
Friday, November 18, 2016 9:55 AM IST
ദോഹ: മാമലകൾക്കപ്പുറത്തെ ഒരുമയും തനിമയുമായി സംസ്കൃതിയുടെ തീം സോംഗ് പ്രകാശനം ചെയ്തു. യുവകവി ഗിരീഷ് ശ്രീലകം രചിച്ച് രാജു മാസ്റ്റർ ഈണം നൽകിയ ‘ഹൃദയം ഹൃദയത്തിൽ ഇഴ നെയ്തു ചേർക്കുമൊരു പുതിയ സംസ്കാരത്തിൻ അരുണോദയം’ എന്ന് തുടങ്ങുന്ന തീം സോംഗ് സദസിന്റെ ഹൃദയ താളമായി മാറുകയായിരുന്നു. സംസ്കൃതി സിവി ശ്രീരാമൻ സാഹിത്യ പുരസ്കാര സമർപ്പണത്തോടനുബന്ധിച്ച് സംഘടിപ്പിച്ച സാംസ്കാരിക സമ്മേളനത്തിൽ കേരള സാഹിത്യ അക്കാദമി ഉപാദ്ധ്യക്ഷ ഡോ. ഖദീജ മുംതാസ് പ്രകാശന കർമം നിർവഹിച്ചു.

ഐസിസി അശോക ഹാളിൽ നടന്ന ചടങ്ങിൽ കഥാകൃത്ത് സബീന എം. സാലി, സംസ്കൃതി ജനറൽ സെക്രട്ടറി കെ.കെ. ശങ്കരൻ, സംസ്കൃതി പ്രസിഡന്റ് എ.കെ. ജലീൽ, ഇ.എം. സുധീർ, കവി ഗിരീഷ് ശ്രീലകം, പ്രശസ്ത നാടക സംവിധായകൻ ഗണേഷ് ബാബു മയ്യിൽ തുടങ്ങിയവർ പങ്കെടുത്തു.
Copyright @ 2022 , Rashtra Deepika Ltd.