കേരള അസോസിയേഷൻ ഓഫ് ഡാളസ് ടി 20 ക്രിക്കറ്റ് ടൂർണമെന്റ് ഫൈനൽ ഒമ്പതിന്
Saturday, October 8, 2016 4:37 AM IST
ഡാളസ്: കേരള അസോസിയേഷൻ ഓഫ് ഡാളസിന്റെ ആഭി മുഖ്യത്തിൽ നടത്തി വരുന്ന
ടി 20 ക്രിക്കറ്റ് ടൂർണമെന്റ് 2016,ഫൈനൽ മത്സരം ഒക്ടോബർ ഒമ്പതിനു ഞായറാഴ്ച ഉച്ചകഴിഞ്ഞ് 2.30 മുതൽ മെസ്ക്വിറ്റ് ഈസ്റ്റ് ഗ്ലെൻ ബുലവാഡിലുള്ള ക്രിക്കറ്റ് ഗ്രൗണ്ടിൽ നടക്കുന്നതാണ് .കഴിഞ്ഞ വർഷത്തെ ജേതാക്കളായ ടസ്കേഴ്സ് ക്ലബും ടെക്സസിലെ അറിയപ്പെടുന്ന ക്ലബുളായ സ്പാർക്സ് വും ആണ് ഫൈനലിൽ എത്തിയിരിക്കുന്നത്. മികച്ച ഫോമിലായിരിക്കുന്ന അരുൺ ജോണി ,ആശിഷ് ,സ്റ്റീഫൻ ഇടിക്കുള , മുൻ രഞ്ജി ട്രോഫി കളിക്കാരനുമായ പെറ്റസെൻ ,ജോഫി ജേക്കബ് അടക്കമുള്ള ശക്‌തരായ ബാറ്റിംഗ് നിരയിലുള അംഗങ്ങൾ മികച്ച ഫോമിലാന്നെന്നും അവരുടെ മികച്ച പോരാട്ടം ഗ്രൗണ്ടിൽ കാണുവാൻ കഴിയുംമെന്നും ക്യാപ്റ്റൻ ജോഫി ജേക്കബ് പ്രതീക്ഷ പറയുകയുണ്ടായി .

ഈ ടൂർണമെന്റിൽ മികച്ച കളികൾ സമ്മാനിച്ചാണ് സ്പാർക്സ് ടീം ഫൈനലിൽ എത്തിയിരിക്കുന്നത്.ഈ ടൂർണമെന്റിൽ ഒരു കളിയിലും തോറ്റട്ടില്ല എന്നൊരു പ്രത്യേകതയും സ്വന്തമായിരിക്കെ തന്നെ പ്ലയേഴ്സ് ലിസ്റ്റിലെ ആദ്യ യിലവൻ കളിക്കാരെല്ലാം തന്നെ ഓൾ റൗണ്ടർസ് മാരാണന്നുള്ള പ്രത്യേകതയും ഈ ടീമിനുണ്ട്. കൂടാതെ ബോബൻ ,തോമ ,ജോമോൻ,ഷിജു പുത്തൂർ എന്നീ ശക്‌തരായ ബാറ്റിംഗ് നിരയോടൊപ്പം രജിത് കുളിരാൻ, ദിനേശ്,കിരൺ തുടങ്ങിയ ബൗളിംഗ് നിരയും സ്വന്തമായിട്ടുള്ള ടീമാണ്.തങ്ങളുടെ ടീം അംഗങ്ങൾ എല്ലാം തന്നെ മികച്ച ഫോമിലാന്നെന്നുള്ളത് വലിയ വിജയ പ്രതീക്ഷ നല്കുന്നുണ്ടന്നു ക്യാപ്റ്റൻ രജിത് കുളിരാൻ അഭിപ്രായം പങ്കു വെക്കുകയുണ്ടായി. ടൂർണമെന്റിന്റെ മുഖ്യ സ്പോൺസർ ലിയാ ട്രാവൽസ് സർവീസ് ആണ് .കൂടാതെ സ്പോൺസർ മാരായ സ്പെക്ട്രം ഫിനാൻസും,ബിജു തോമസ് (Rite care) ഈ ടൂർണമെന്റ് മായും സഹകരിക്കുന്നു.

റിപ്പോർട്ട്: അനശ്വരം മാമ്പിളളി
Copyright @ 2022 , Rashtra Deepika Ltd.