വിയന്നയില്‍ 6547 ബാഗുകള്‍ മോഷ്ടിക്കപ്പെട്ടു, പ്രതികള്‍ ഭൂരിഭാഗവും അഭയാര്‍ഥികള്‍
Monday, June 27, 2016 7:38 AM IST
വിയന്ന: പോയ വര്‍ഷം വിയന്നയില്‍ മാത്രം 6547 ബാഗുകള്‍ മോഷ്ടിക്കപ്പെട്ടു. പാര്‍ലമെന്റിലെ ചോദ്യോത്തര വേളയില്‍ പോയ മൂന്നു വര്‍ഷത്തിനുള്ളില്‍ രാജ്യത്ത് 22,373 ബാഗുകള്‍ മോഷ്ടിക്കുകയോ കവര്‍ന്നെടുക്കുകയോ ചെയ്തതായി ഒരു ചോദ്യത്തിനുത്തരമായി പറഞ്ഞു.

പോയ വര്‍ഷം വിയന്നയില്‍ മാത്രം 6547 ബാഗുകള്‍ മോഷ്ടിക്കപ്പെട്ടു. അതായത് ദിനംപ്രതി 18 ബാഗുകള്‍ വീതം. 2013 ല്‍ 4000 ബാഗുകളാണ് മോഷ്ടിക്കപ്പെട്ടത്. പോയ വര്‍ഷം 2547 ബാഗുകള്‍ കൂടുതലായി കവര്‍ന്നെടുത്തു. 50 ശതമാനത്തോളം മോഷണം അധികമായി. 22,000 കേസുകളില്‍നിന്നു 2238 പോക്കറ്റടികള്‍ നടന്നതായി കണക്കാക്കുന്നു.

വിയന്നയിലെ ഒരു ആഡംബര ഹോട്ടലില്‍ കളവുപോയ റഷ്യക്കാരന്റെ ബാഗില്‍ മാത്രം 35000 യൂറോ വിലമതിക്കുന്ന വസ്തുക്കള്‍ ഉണ്ടായിരുന്നു. 288 പ്രതികളില്‍ 67 പേര്‍ മാത്രമാണ് ഓസ്ട്രിയക്കാര്‍. ബാക്കി 112 പേരും അഭയാര്‍ഥികളാണ്.

റിപ്പോര്‍ട്ട്: ഷിജി ചീരംവേലില്‍
Copyright @ 2022 , Rashtra Deepika Ltd.