മെല്‍ബണില്‍ ക്രിസ്റീന്‍ ധ്യാനം ജൂണ്‍ 27, 28 തീയതികളില്‍
Thursday, June 23, 2016 6:18 AM IST
മെല്‍ബണ്‍: സെന്റ് മേരീസ് ക്നാനായ കാത്തലിക് മിഷന്റെ ആഭിമുഖ്യത്തില്‍ വിശ്വാസ പരിശീലനത്തില്‍ പങ്കെടുക്കുന്ന കുട്ടികള്‍ക്കുവേണ്ടി ധ്യാനം നടത്തുന്നു.

മെല്‍ബണിലെ ക്ളയിറ്റണ്‍ സെന്റ് പീറ്റേഴ്സ് പള്ളിയില്‍ ജൂണ്‍ 27നു (തിങ്കള്‍) ആരംഭിച്ച് 28നു (ചൊവ്വ) വൈകുന്നേരം സമാപിക്കും. രണ്ടു മുതല്‍ 12 വരെയുള്ള ക്ളാസുകളിലെ കുട്ടികള്‍ക്കായാണ് ധ്യാനം. കിസ്റീന്‍ ധ്യാനകേന്ദ്രത്തിലെ ഫാ. അനൂപ്, മേരിക്കുട്ടി ടീച്ചര്‍ എന്നിവരാണ് ധ്യാനം നയിക്കുന്നത്.

ഫാ. സ്റീഫന്‍ കണ്ടാരപ്പള്ളി, ഫാ. തോമസ് കൂമ്പുക്കല്‍, വിശ്വാസ പരിശീലന അധ്യാപകര്‍, പാരിഷ് കൌണ്‍സില്‍ അംഗങ്ങള്‍, കുട്ടികളുടെ മാതാപിതാക്കള്‍ എന്നിവരും ധ്യാനദിവസങ്ങളില്‍ കുട്ടികളോടൊപ്പം ധ്യാനത്തില്‍ പങ്കെടുക്കും.

റിപ്പോര്‍ട്ട്: റെജി പാറയ്ക്കന്‍
Copyright @ 2022 , Rashtra Deepika Ltd.