കുര്യന്‍ പ്രക്കാനം ഫോക്കാനയുടെ ബോര്‍ഡ് ഓഫ് ട്രസ്റി ആയി മത്സരിക്കുന്നു
Saturday, June 11, 2016 3:28 AM IST
ന്യൂയോര്‍ക്ക്: പ്രമുഖ പ്രവാസി നേതാവും, മാധ്യമ പ്രവര്‍ത്തകനുമായ കുര്യന്‍ പ്രക്കാനം ഫൊക്കാനയുടെ നേതൃനിരയിലെക്കുള്ള കെരഞ്ഞെടുപ്പില്‍ മത്സരിക്കുന്നു. വരുന്ന ജൂലൈ മാസം കാനഡയില്‍ നടക്കുന്ന ഫോക്കാന കണ്‍വെന്‍ഷനിലാണ് ഫൊക്കാനയുടെ ഭാരവാഹികള്‍ക്കായുള്ള തിരഞ്ഞെടുപ്പ് നടക്കുന്നത്.ഫൊക്കാനാ ബോര്‍ഡ് ഓഫ് ട്രെസ്റി അംഗമായാണ് കുര്യന്‍ മത്സരിക്കുന്നത്.

ഇക്കഴിഞ്ഞ നിയമസഭ തിരഞ്ഞെടുപ്പില്‍ പ്രവാസി മലയാളി മുന്നണി സ്വതന്ത്രസ്ഥാനാര്‍ഥിയായി ആറന്മുള നിയോജക മണ്ഡലത്തിന്റെ അങ്കത്തട്ടില്‍ ഇറങ്ങി കേരളത്തിലെ ജനങ്ങള്‍ക്കിടയിലും മുന്നണികള്‍ക്കിടയിലും പ്രവാസി മലയാളികളുടെ ശക്തി ഉയര്‍ത്തിക്കാട്ടി കേരളത്തിലെ രാഷ്ട്രീയ പ്രസ്ഥാനങ്ങളുടെ ഇടയില്‍ പ്രവാസി മലയാളികള്‍ക്ക് അഭിമാന പൂര്‍വ്വമായ അംഗീകാരം നേടിയെടുത്ത കുര്യന്‍ പ്രക്കാനം നിലവില്‍ ഫൊക്കാനയുടെ കാനഡ റീജിണല്‍ പ്രസിഡന്റ് ആണ്. കുര്യന്‍ കാനഡയിലെ പ്രമുഖ മലയാളി സംഘടനയായ ബ്രംപ്ടന്‍ മലയാളീ സമാജം പ്രസിഡന്റ്, ഇന്ത്യന്‍ പ്രവാസി കോണ്‍ഗ്രസ് ഗ്ളോബല്‍ പ്രസിഡന്റ്, പ്രവാസി മലയാളി മുന്നണി നേതാവ് എന്നീ നിലകളിലും നോര്‍ത്ത് അമേരിക്കയിലെ പ്രമുഖ മലയാളം ചാനലായ മലയാള മയൂരം ടിവിയുടെ സിഇഒ ആയും പ്രവര്‍ത്തിക്കുന്നു.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.