ഗോപിനാഥ് കുറുപ്പ് എന്‍ബിഎ ട്രസ്റീ ബോര്‍ഡ് ചെയര്‍മാന്‍
Monday, June 6, 2016 5:12 AM IST
ന്യൂയോര്‍ക്ക്. നായര്‍ ബനവലന്റ് അസോസിയേഷന്റെ 2016- 17 ലെ ബോര്‍ഡ് ഓഫ് ട്രസ്റീ ചെയര്‍മാനായി ഗോപിനാഥ് കുറുപ്പിനെ തെരഞ്ഞെടുത്തു. മുന്‍ ചെയര്‍മാന്‍ ജയപ്രകാശ് നായരുടെ അധ്യക്ഷതയില്‍ നായര്‍ ബെനവലന്റ് അസോസിയേഷന്‍ സെന്ററില്‍ ജൂണ്‍ അഞ്ചാം തീയതി വൈകുന്നേരം നാലിനു കൂടിയ ട്രസ്റീ ബോര്‍ഡ് യോഗത്തില്‍ വച്ചാണു തെരഞ്ഞെടുപ്പ് നടന്നത്. ഈ വര്‍ഷത്തെ റിക്കോര്‍ഡിംഗ് ട്രസ്റീയായി വനജ നായരെയും തെരഞ്ഞെടുത്തു. ജി.കെ. നായര്‍, ഡോ. ജഗദമ്മ ശങ്കര്‍, ജയപ്രകാശ് നായര്‍ എന്നിവരാണു മറ്റു ട്രസ്റീ ബോര്‍ഡ് അംഗങ്ങള്‍.

ഗോപിനാഥ് കുറുപ്പ് സ്ഥാനമേറ്റുകൊണ്ട് നന്ദി പ്രകാശിപ്പിക്കുകയും അസോസിയേഷന്റെ എല്ലാവിധ ദൈനന്ദിന പ്രവര്‍ത്തികളിലും പൂര്‍ണ പിന്തുണ വാഗ്ദാനം ചെയ്യുകയും ഉണ്ടായി.

റിപ്പോര്‍ട്ട്: ജയപ്രകാശ് നായര്‍
Copyright @ 2022 , Rashtra Deepika Ltd.