പ്രവാസി ഭാരതീയ ദിനാഘോഷം ഷിക്കാഗോയില്‍ സമുചിതമായി ആഘോഷിച്ചു
Wednesday, January 13, 2016 10:19 AM IST
ഷിക്കാഗോ: പതിനാലാമത് പ്രവാസി ഭാരതീയ ദിനാഘോഷം ഷിക്കാഗോയിലെ ഇന്ത്യന്‍ കോണ്‍സുലേറ്റില്‍ സമുചിതമായി ആഘോഷിച്ചു.

2003-ല്‍ അടല്‍ ബിഹാരി വാജ്പേയി പ്രധാനമന്ത്രിയായിരിക്കെയാണ് ജനുവരി ഒമ്പതിന് പ്രവാസി ഭാരതീയദിനമായി ആഘോഷിക്കാന്‍ തിരുമാനിച്ചത്. അതിന്റെ തുടര്‍ച്ചയായിട്ടാണ് ഇപ്പോള്‍ പ്രവാസി ഭാരതീയദിനമായി ആഘോഷിച്ചുവരുന്നത്.

മഹാത്മാഗാന്ധി ദക്ഷിണാഫ്രിക്കയില്‍നിന്നു മടങ്ങിയെത്തിയ ദിവസം എന്ന നിലയിലാണ് ജനുവരി ഒമ്പത് പ്രവാസി ദിനമായി ആഘോഷിച്ചുവരുന്നത്.

ഷിക്കാഗോയിലെ ഇന്ത്യന്‍ കോണ്‍സുലേറ്റ് ജനറല്‍ ഡോ. ആസിഫ് സയ്ദ് വിളിച്ചുചേര്‍ത്ത യോഗത്തില്‍, ഇന്ത്യന്‍സമൂഹത്തെ പ്രതിനിധീകരിച്ച് നിരവധി പേര്‍ പങ്കെടുത്തു.

മലയാളി സമൂഹത്തെ പ്രതിനിധീകരിച്ച് മുന്‍ പ്രവാസി ഭാരതീയ അവാര്‍ഡ് ജേതാവ് ഡോ. എം. അനിരുദ്ധന്‍, സണ്ണി വള്ളിക്കളം (ഫോമ റീജണല്‍ പ്രസിഡന്റ്), ഫിലിപ്പ് ലൂക്കോസ് പുത്തന്‍പുരയില്‍ (ഷിക്കാഗോ മലയാളി അസോസിയേഷന്‍ ജോ. ട്രഷറര്‍), സോളി ലൂക്കോസ് പുത്തന്‍പുരയില്‍ എന്നിവര്‍ പങ്കെടുത്തു.

ഷിക്കാഗോയിലെ ഇന്ത്യന്‍ കോണ്‍സുലേറ്റ് കൂടുതല്‍ ജനകീയമാക്കുന്നതിന്റെ ഭാഗമായി എല്ലാ ദിവസവും രാവിലെ 10 മുതല്‍ 11 വരെ വൈസ് കോണ്‍സുലേറ്റിനെ അപ്പോയിന്റ്മെന്റ് ഇല്ലാതെ നേരില്‍ കാണുന്നതിനു സൌകര്യമുണ്ടായിരിക്കും. കൂടാതെ ഉച്ചകഴിഞ്ഞ് രണ്ടു മുതല്‍ നാലു വരെ എല്ലാ ഫോണ്‍കോളുകള്‍ക്കും മറുപടി ലഭിക്കുമെന്ന് ഇന്ത്യന്‍ കോണ്‍സുലേറ്റില്‍ വിളിച്ചുചേര്‍ത്ത യോഗത്തില്‍ ഡോ. ആസിഫ് സയ്ദ് വിശദീകരിച്ചു.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.