ഉപന്യാസ മത്സരവിജയികള്‍ക്കു സമ്മാനങ്ങള്‍ വിതരണം ചെയ്തു
Wednesday, November 18, 2015 7:33 AM IST
ഷിക്കാഗോ: സെന്റ് മേരീസ് ക്നാനായ ദേവാലയത്തില്‍ വിജയകരമായി നടത്തപ്പെട്ട ദിവ്യകാരുണ്യ അത്ഭുതങ്ങളുടെ പ്രദര്‍ശനത്തിന്റെ ഭാഗമായുള്ള ഉപന്യാസ മത്സരത്തില്‍ വിജയികളായവര്‍ക്കു നവംബര്‍ 15നു വിശുദ്ധ കുര്‍ബാനയ്ക്കുശേഷം സമ്മാനങ്ങള്‍ വിതരണം ചെയ്തു.

അമ്പതോളം കുട്ടികള്‍ പങ്കെടുത്ത ഉപന്യാസ മത്സരത്തില്‍ റജീന ചേലമലയില്‍, ലിയ പുതുശേരി, ആഞ്ചലീന കണ്ണച്ചാംപറമ്പില്‍ എന്നിവര്‍ ഒന്നാംസ്ഥാനം കരസ്ഥമാക്കി. അലീന കുളങ്ങര, ഇസബെല്‍ പുളിക്കത്തൊട്ടില്‍ എന്നിവര്‍ക്കാണു രണ്ടാം സ്ഥാനം.

ഉപന്യാസ മത്സരത്തില്‍ പങ്കെടുത്തവരെയും സമ്മാനങ്ങള്‍ കരസ്ഥമാക്കിയവരെയും വികാരി ഫാ. തോമസ് മുളവനാല്‍, സ്കൂള്‍ ഡയറക്ടര്‍ സജി പൂതൃക്കയില്‍ എന്നിവരും അധ്യാപകരും അഭിനന്ദിച്ചു.

റിപ്പോര്‍ട്ട്: ജോണിക്കുട്ടി പിള്ളവീട്ടില്‍
Copyright @ 2022 , Rashtra Deepika Ltd.