ബോബി ജിന്‍ഡാല്‍ യുഎസ് പ്രസിഡന്റ് മത്സരരംഗത്തുനിന്നു പിന്മാറി
Wednesday, November 18, 2015 7:32 AM IST
ലൂസിയാന: ലൂസിയനാന ഗവര്‍ണറും ഇന്ത്യന്‍ അമേരിക്കന്‍ വംശജനുമായ ബോബി ജിന്‍ഡാല്‍ അമേരിക്കന്‍ പ്രസിഡന്റ് മത്സരരംഗത്തുനിന്നും പിന്മാറുന്നതായി ഔദ്യോഗികമായി പ്രഖ്യാപിച്ചു. കഴിഞ്ഞ മൂന്നുമാസമായി ചൂടേറിയ വാഗ്വാദങ്ങളും, തെരഞ്ഞെടുപ്പ് പ്രചാരണങ്ങള്‍ക്കും വിരാമമിടുന്നതായി ജിന്‍ഡാല്‍ പറഞ്ഞു. നാല്‍പ്പത്തിനാലുകാരനായ ജിന്‍ഡാല്‍ ലൂസിയാന ഗവര്‍ണര്‍ പദവിയില്‍ തുടര്‍ച്ചയായി രണ്ടു ടേം പൂര്‍ത്തിയാക്കി. ഈ വര്‍ഷാവസാനം അദ്ദേഹം പദവി ഒഴിയും.

നവംബര്‍ 18നു അയോവ സംസ്ഥാനത്ത് നടക്കുന്ന തെരഞ്ഞെടുപ്പ് പ്രചാരണത്തിന് എത്താനിരിക്കെയുള്ള ജിന്‍ഡാലിന്റെ അപ്രതീക്ഷിത പ്രഖ്യാപനം പ്രവര്‍ത്തകരെ നിരാശപ്പെടുത്തി. ഫോക്സ് ഫോര്‍ സ്റുഡോയിയില്‍ പത്നി സുപ്രിയയുമൊത്താണു ജിന്‍ഡാല്‍ ഔദ്യോഗിക പിന്‍വാങ്ങല്‍ പ്രഖ്യാപിക്കാന്‍ എത്തിയത്. ജിന്‍ഡാലിന്റെ മുഖ്യ ഉപദേശകന്‍ കര്‍ട്ട ആഡേഴ്സും ഒപ്പമുണ്ടായിരുന്നു.
ലൂസിയാന ഗവര്‍ണറായി ആദ്യ മത്സരത്തില്‍ പരാജയപ്പെട്ടെങ്കിലും യു.എസ് കോണ്‍ഗ്രസ് അംഗമായും, 2007ല്‍ മുപ്പത്താറാം വയസില്‍ ഗവര്‍ണറായും ജിന്‍ഡാല്‍ തെരഞ്ഞെടുക്കപ്പെട്ടു. ക്രിസ്ത്യന്‍ വിഭാഗത്തിന്റെ മതസ്വാതന്ത്യ്രം സംരക്ഷിക്കപ്പെടുന്നതിനുള്ള എക്സിക്യൂട്ടീവ് ഉത്തരവ് ഇറക്കിയ ജിന്‍ഡാല്‍ സ്വര്‍ഗ വിവാഹത്തിനെതിരേ ശക്തമായ നിലപാടാണു സ്വീകരിച്ചിരുന്നത്.

റിപ്പോര്‍ട്ട്: പി.പി. ചെറിയാന്‍
Copyright @ 2022 , Rashtra Deepika Ltd.