ന്യൂയോര്ക്ക്: ന്യൂയോര്ക്കിലെ കോള്ഡന് സെന്ററിലും ന്യൂജേഴ്സിയിലെ ഫെലീഷ്യന് ഓഡിറ്റോറിയത്തിലും എന്റര്ടെയ്ന്മെന്റ് രംഗത്തെ പ്രമുഖരായ ഹെഡ്ജ് ഇവന്റ്സ് ഒരുക്കിയ ജയറാം ഷോ മനസിനെ കുളിരണിയിപ്പിക്കുന്നതായി.
ചിരിയിലും ചിന്തയിലും ജയറാമിന്റെ നവരസ ഭാവാദികളാല് ജയറാം ഷോ സമ്പന്നമായി. രമേഷ് പിഷാരടിയും ധര്മജനും പ്രിയാമണിയും ആര്യയും പാഷാണം ഷാജിയും (സാജു നവോദയ) ഹരിശ്രീ യുസുഫും ഉള്പ്പെടെയുള്ള താരങ്ങള് എല്ലാവരും ആടിയും പാടിയും തിമിര്ത്തു കയറിയപ്പോള് നാദിര്ഷ ഒരുക്കിയ ഒരു മുഴുനീള കൊമേഷ്സ്യല് ഫിലും കാണും പോലെ ആസ്വാദകര് ഈ മെഗാഷോ അനുഭവിച്ചു.
ജയറാം ഷോ ന്യൂയോര്ക്കിലും ന്യൂജേഴ്സിയിലും ഒരു വന് വിജയമാക്കി തീര്ത്തതിന് ഹെഡ്ജ് ഇവന്റ്സ് സാരഥി ജേക്കബ് ഏബ്രഹാം (സജി) എല്ലാവര്ക്കും നന്ദി പറഞ്ഞു.
ക്യൂന്സിലെ കോള്ഡന് സെന്ററില് വൈകുന്നേരം 5.55 ന് തുടങ്ങിയ ഷോ നായര് ബനവലന്റ് അസോസിയേഷന്, ഇന്ത്യന് ക്നാനായ കാത്തലിക്ക് കമ്യൂണിറ്റി ഓഫ് ഗ്രേറ്റര് ന്യൂയോര്ക്ക് (ശസരര്യി), ക്യൂന്സ് സെന്റ് ജോണ്സ് മാര്ത്തോമ ചര്ച്ച് എന്നിവരുടെ സംയുക്താഭിമുഖ്യത്തിലും ലോംഗ് ഐലന്ഡ് വൈസ്മെന്സ്, ന്യൂയോര്ക്ക് ടസ്ക്കേഴ്സ് ക്രിക്കറ്റ് ക്ളബ് എന്നിവരുടെ സഹായത്തോടെയുമാണ് നടന്നത്. ന്യൂജേഴ്സി ഫെലീഷ്യന് ഓഡിറ്റോറിയത്തില് വൈകുന്നേരം 5.20-ന് തുടങ്ങിയ ഷോ പ്ളെയ്ന്ഫീല്ഡ് സെന്റ് ബസേലിയോസ് ഗ്രീഗോറിയോസ് ഓര്ത്തഡോക്സ് ചര്ച്ച്, ഇന്റര്നാഷണല് ഇവന്റ്സ് ഓഫ് നോര്ത്ത് അമേരിക്ക (ശഋചഅ), ഇന്ത്യന് ക്നാനായ കാത്തലിക്ക് കമ്യൂണിറ്റി ഓഫ് ഗ്രേറ്റര് ന്യൂയോര്ക്ക് (ശസരര്യി) എന്നിവര് സംയുക്താഭിമുഖ്യമരുളി.
ജയറാം ഷോയില് പ്രിയാമണിയും ഉണ്ണിമേനോന്, രമേഷ് പിഷാരട, നാദിര്ഷ, ധര്മ്മജന്, വെള്ളിമൂങ്ങ ഫെയിം സാജു നവോദയ, ഹരിശ്രീ യൂസഫ്, ഡെല്സി, സിനിമ ചിരിമാ കോമഡി ഷോയുടെ സ്ക്രിപ്റ്റ് റൈറ്റേഴ്സായ വിഷ്ണു, ബിപിന് തുടങ്ങി മലയാളത്തിലെ മികച്ച കലാകാരന്മാരുടെ നീണ്ടനിര തന്നെ ഈ ഷോയെ ഒരു വന് വിജയമാക്കി. കോറിയോഗ്രാഫര് ശ്രീജിത്തിന്റെ നേതൃത്വത്തില് അരങ്ങേറിയ ഡാന്സ് ഐറ്റംസ് കണ്ണഞ്ചിപ്പിക്കുന്നതായിരുന്നു. പ്രിയാമണിയോടും ആര്യയോടുമൊപ്പം ശിങ്കാരി സ്കൂള് ഓഫ് റിഥമിലെ ജെയ്മി ജോണ്, ലെസ്ലി വര്ഗീസ്, സെറീന ഡേവിഡ്, വിന്നി തോമസ്, ഷെറിന് ഷാജു, റോസ് തോമസ്, സെലീഹ ഖുറേഷി എന്നിവരും ചേര്ന്ന് നടത്തിയ നൃത്തച്ചുവടുകള് കണ്ണിനു വിരുന്നായി.
ഉണ്ണിമേനോനും ഡെല്സിയും ചേര്ന്നു ഗാനങ്ങള് ആലപിച്ചു. 'സ്പിരിറ്റ്' എന്ന സിനിമയിലെ 'മരണമെത്തുന്ന നേരത്ത്.... ' എന്ന കവിതയും രവീന്ദ്രന് സംഗീതത്തിലെ മെഡ്ലിയും ഉണ്ണിമേനോന് അവതരിപ്പിച്ചത് കാതിന് ഇമ്പമായി. അടിപൊളി ഹിന്ദി-തമിഴ്-മലയാളം പിന്നണിഗാനങ്ങളും പാരഡി ഗാനങ്ങളുമായി നാദിര്ഷ വേദിയില് പാടിത്തിമര്ത്ത് ആസ്വാദകരെ കൈയിലെടുത്തു. ഏറ്റവും പുതിയ ഹിറ്റ് ചിത്രമായ 'പ്രേമം' സിനിമയിലെ ഗാനവും നാദിര്ഷ അമേരിക്കന് മലയാളികള്ക്കായി സമ്മാനിച്ചു.
ഇതുവരെ കണ്ടിട്ടില്ലാത്ത അതിമനോഹരമായ സ്കിറ്റുകളാണ് ജയറാമിന്റെ നേതൃത്വത്തിലുള്ള കലാകാരന്മാര് അവതരിപ്പിച്ചത്. ഒരു ഓണക്കാലത്ത് പരിപാടികള് അവതരിപ്പിക്കാനായി കേരളത്തില് നിന്നും അമേരിക്കയിലെത്തുന്ന ടീമിനെ അനുകരിച്ചു കൊണ്ടായിരുന്നു ഷോ തുടങ്ങിയത്. അവതരിപ്പിച്ച ഓരോ സ്കിറ്റുകള്ക്കും നിലയ്ക്കാത്ത കരഘോഷം സദസില് നിന്നുയര്ന്നു. ജയറാമിന്റെ മാസ്റര്പീസ് ഷോ- പ്രേംനസീര്, ഷീല, മധു അനുകരണവുമെല്ലാം സദസ് ഹര്ഷാരവത്തോടെ ഏറ്റെടുത്തു. പ്രതിപക്ഷ നേതാവ് വി.എസ്. അച്യുതാനന്ദന്, മുഖ്യമന്ത്രി ഉമ്മന്ചാണ്ടി, എ.കെ. ആന്റണിയുടെ എന്നിവരെ രമേഷ് പിഷാരടി ഗംഭീരമായി അനുകരിച്ചു.
ന്യൂമ്യൂസിക്ക് പ്രൊഡക്ഷന്സിലെ സുജിത് മൂലയിലിന്റെ നേതൃത്വത്തില് സജി, റെജി, ഫെനു, ജോമോന് എന്നിവരാണ് ബൃഹത്തായ സൌണ്ട് സിസ്റം കൈകാര്യം ചെയ്തത്. ഇവന്റ് ക്യാറ്റ്സിലെ വിജിയും സഞ്ജുവുമടങ്ങിയ സംഘം സ്റേജ് സജ്ജീകരണങ്ങളെല്ലാം മനോഹരമാക്കി. എബീസ് ഫോട്ടോയിലെ എബി ഡേവിഡായിരുന്നു പരിപാടിയുടെ സ്റില് ഫോട്ടോഗ്രാഫര്. ഹെഡ്ജ് ഇവന്റ്സ് സിഇഒ ജേക്കബ് ഏബ്രഹാമിനെയും പ്രസിഡന്റ് സജിനി ഏബ്രഹാമിനെയും വൈസ് പ്രസിഡന്റ് അക്സ ഏബ്രഹാമിനെയും സഹായിക്കുന്നതിന് ഹെഡ്ജ് ഇവന്റ്സിന്റെ മറ്റു ഭാരവാഹികളായ സണ്ണി ജോര്ജ് (ഐടി കണ്സള്ട്ടന്റ്), ടോസിന് (ഗ്രാഫിക്സ് ഡിസൈനര്), മോഹന് ചിറമണ്ണില് (പിആര്ഒ), അപ്പുക്കുട്ടന് പിള്ള (പിആര്ഒ), ബാബു പൂപ്പള്ളില് (പിആര്ഒ), ജോര്ജ് തുമ്പയില് (മീഡിയ കണ്സള്ട്ടന്റ്) എന്നിവര് ഒപ്പം നിന്നു.
എമേര്ജിംഗ് കേരള, ഇ-മലയാളി ഡോട്ട് കോം, അശ്വമേധം ഡോട്ട് കോം, ഏഷ്യാനെറ്റ് അമേരിക്കന് കാഴ്ചകള്, പ്രവാസി ചാനല്, മലയാളംപത്രം, കെ-ടിവി, കൈരളി ടിവി, മലയാളി എഫ്എം, യൂണിവേഴ്സല് മൂവിസ് എന്നിവരായിരുന്നു പരിപാടിയുടെ മീഡിയ പാര്ട്ണേഴ്സ്. 14 വര്ഷം മുമ്പ് ലോക മനസാക്ഷിയെ നടുക്കിയ 9/11-ല് ജീവന് നഷ്ടപ്പെട്ടവര്ക്ക് ആദരാഞ്ജലികള് അര്പ്പിച്ചു കൊണ്ടായിരുന്നു പരിപാടി തുടങ്ങിയത്. ന്യൂയോര്ക്ക് ഷോയ്ക്ക് അക്സ ഏബ്രഹാം സ്വാഗതം ആശംസിച്ചു. ന്യൂയോര്ക്ക്- ന്യൂജേഴ്സി പ്രോഗ്രാമുകളില് ജോര്ജ് തുമ്പയില് സ്പോണ്സേഴ്സിനെ പരിചയപ്പെടുത്തുകയും പ്രോഗ്രാം അവതരണം നടത്തുകയും ചെയ്തു. ജേക്കബ് ഏബ്രഹാം (സജി) നന്ദി പറഞ്ഞു.